જમ્મુ-કાશ્મીરમાં સેનાના જવાનોનું અપહરણ:આતંકવાદીઓની ચુંગલમાંથી એક સૈનિક નાસી છૂટ્યો, સર્ચ ઓપરેશન ચાલુ; 2020માં પણ આવી જ ઘટના બની હતી

જમ્મુ-કાશ્મીરના અનંતનાગ જિલ્લામાં આતંકવાદીઓએ ભારતીય સેનાના જવાનોનું અપહરણ કર્યું હતું. એક સૈનિક આતંકવાદીઓની ચુંગલમાંથી છટકી જવામાં સફળ રહ્યો અને પાછો આવી ગયો હતો. સેના અને જમ્મુ-કાશ્મીર પોલીસ જવાનોની શોધમાં સર્ચ ઓપરેશન ચલાવી રહી છે. ટેરિટોરિયલ આર્મીના જવાનનું આતંકવાદીઓ દ્વારા અનંતનાગના કોકરનાગ વિસ્તારના શાંગાસથી અપહરણ કરવામાં આવ્યું હતું. વર્ષ 2020માં આતંકવાદીઓએ કાશ્મીરમાં ટેરિટોરિયલ આર્મીના જવાન શાકિર મંજૂર વેજનું અપહરણ કર્યું હતું. આ ઘટનાના પાંચ દિવસ બાદ પરિવારને ઘર પાસે શાકીરના કપડા મળ્યા હતા. આ ઘટના 2જી ઓગસ્ટે બની હતી. ત્યારપછી 24 વર્ષીય શાકિર વેજ દક્ષિણ કાશ્મીરના શોપિયાંના હરમનમાં તેના ઘર નજીકથી ગુમ થઈ ગયો હતો. અપહરણ કર્યાના એક વર્ષ બાદ શાકિરનો મૃતદેહ મળી આવ્યો હતો
શાકિર દક્ષિણ કાશ્મીરના બાલાપુરમાં 162-TAમાં તહેનાત હતો. બકરી ઈદના દિવસે તે પોતાના ઘરે ગયો હતો. અપહરણની સાથે આતંકવાદીઓએ જવાનની કારને પણ સળગાવી દીધી હતી. ઘણી શોધખોળ બાદ પણ તેનો પત્તો લાગ્યો ન હતો. શાકિરનું અપહરણ થયાના એક વર્ષ બાદ સપ્ટેમ્બર 2021માં કુલગામ જિલ્લામાંથી તેની લાશ મળી આવી હતી. તપાસ બાદ પોલીસે શાકીરના પરિવારનો સંપર્ક કર્યો હતો. તેના પિતા મંજૂર અહેમદ વાગેએ કહ્યું હતું કે લાશની ઓળખ કર્યા પછી જાણવા મળ્યું કે તે તેનો પુત્ર શાકિર હતો. 5 દિવસ પહેલા કુપવાડામાં 2 આતંકવાદીઓ માર્યા ગયા હતા જમ્મુ અને કાશ્મીરના કુપવાડા જિલ્લાના ગુગલધારમાં લાઈમ ઓફ એક્ચુઅલ કન્ટ્રોલ (LOC) પર સુરક્ષા દળોએ ઘૂસણખોરીના પ્રયાસને નિષ્ફળ બનાવ્યો હતો. સેના અને પોલીસે બે આતંકીઓને ઠાર કર્યા હતા. ભારતીય સેનાના ચિનાર કોર્પ્સે કહ્યું કે 4 ઓક્ટોબરે સેના અને પોલીસે એક શંકાસ્પદ હલચલ જોઈ. આ પછી સંયુક્ત ઓપરેશન શરૂ કરવામાં આવ્યું હતું. આ દરમિયાન આતંકીઓએ ગોળીબાર કર્યો હતો. સુરક્ષા દળોની જવાબી કાર્યવાહીમાં બે આતંકવાદીઓ માર્યા ગયા હતા. તેમની પાસેથી મોટી સંખ્યામાં હથિયારો અને દારૂગોળો મળી આવ્યો હતો. 7 દિવસ પહેલા કઠુઆમાં એક એન્કાઉન્ટરમાં હેડ કોન્સ્ટેબલનું મોત થયું હતું આ પહેલા 28 સપ્ટેમ્બરે કઠુઆ જિલ્લાના બિલવર તહસીલના કોગ-મંડલીમાં સુરક્ષા દળો અને આતંકવાદીઓ વચ્ચે અથડામણ થઈ હતી. જેમાં જમ્મુ-કાશ્મીર પોલીસના હેડ કોન્સ્ટેબલ બશીર અહેમદનું મોત થયું હતું. એન્કાઉન્ટરના બીજા દિવસે એક આતંકવાદી માર્યો ગયો. કુલગામમાં 2 આતંકી ઠાર, 5 સુરક્ષાકર્મી ઘાયલ 28 સપ્ટેમ્બરે કુલગામના અડીગામ દેવસર વિસ્તારમાં પણ એન્કાઉન્ટર થયું હતું. જેમાં સુરક્ષાદળોએ બે આતંકીઓને ઠાર કર્યા હતા. ફાયરિંગમાં સેનાના ચાર જવાન અને કુલગામ એએસપી ઘાયલ થયા હતા. દક્ષિણ કાશ્મીરના ડીઆઈજી જાવિદ ઈકબાલ મટ્ટૂએ ભાસ્કરને જણાવ્યું કે અડીગામ એન્કાઉન્ટરમાં માર્યા ગયેલા બે આતંકવાદીઓની ઓળખ થઈ ગઈ છે. આ આતંકીઓમાંથી એક આકિબ અહેમદ શેરગોજરી બડગામના ચડુરાનો રહેવાસી છે. બીજો આતંકવાદી ઉમૈસ વાની છે, જે કુલગામના ચાવલગામનો રહેવાસી છે. બંને આતંકી સંગઠન લશ્કર-એ-તૈયબા માટે કામ કરતા હતા. 27 સપ્ટેમ્બરે પુલવામામાં જૈશ-એ-મોહમ્મદના 6 સાથીઓની ધરપકડ કરવામાં આવી હતી 27 સપ્ટેમ્બરે પોલીસે પુલવામાના અવંતીપોરામાં આતંકી મોડ્યુલનો પર્દાફાશ કર્યો હતો. પોલીસે જૈશ-એ-મોહમ્મદના 6 સાથીઓની ધરપકડ કરી હતી જેઓ યુવાનોને આતંકવાદની તાલીમ આપતા હતા. તેમની પાસેથી 5 IED, 30 ડિટોનેટર, IEDની 17 બેટરી, 2 પિસ્તોલ, 3 મેગેઝીન, 25 રાઉન્ડ, 4 હેન્ડ ગ્રેનેડ અને 20,000 રૂપિયા રોકડા મળી આવ્યા હતા. પોલીસે જણાવ્યું હતું કે તેમને માહિતી મળી હતી કે જૈશ-એ-મોહમ્મદના પાકિસ્તાન સ્થિત કાશ્મીરી આતંકવાદીઓ એવા યુવાનોને શોધી રહ્યા છે જેમનું બ્રેઈનવોશ થઈ શકે. તપાસમાં સામે આવ્યું છે કે આતંકવાદીએ જેલમાં એક ઓવરગ્રાઉન્ડ વર્કરની મદદથી કેટલાય યુવાનોની ઓળખ કરી હતી​​​​​​​ જેમને અવંતીપોરાના ત્રાલ વિસ્તારમાં આતંકવાદમાં જોડાવા માટે પ્રેરિત કરવામાં આવ્યા હતા. પોલીસના જણાવ્યા અનુસાર, પાકિસ્તાનના આતંકી હેન્ડલરોએ આ યુવાનોની મદદથી IED પ્લાન્ટ કરવા માટે કેટલીક જગ્યાઓ પણ પસંદ કરી હતી. હેન્ડલરે તે યુવકોને IED બનાવવા માટે પૈસા પણ આપ્યા હતા, જેથી તેઓ તેના માટે સામગ્રી લાવી શકે. યુવાનોને પિસ્તોલ અને ગ્રેનેડ પણ આપવામાં આવ્યા હતા. યુવાનોને ટાર્ગેટ કિલિંગ, સુરક્ષા દળો પર ગ્રેનેડ ફેંકવા, જાહેર સ્થળો, બિન-કાશ્મીરી મજૂરો પર ગ્રેનેડ હુમલો અને IED વિસ્ફોટ જેવી આતંકવાદી પ્રવૃત્તિઓ કરવા સૂચના આપવામાં આવી હતી. 13-14 સપ્ટેમ્બર દરમિયાન 3 સ્થળોએ 5 આતંકવાદીઓ માર્યા ગયા, બે જવાન શહીદ થયા. છત્રુમાં બે જવાનો શહીદઃ જમ્મુ-કાશ્મીરના છત્રુના નડગામ ગામના પિંગનાલ દુગ્ગાડા જંગલ વિસ્તારમાં 13 સપ્ટેમ્બરે સુરક્ષા દળો અને આતંકવાદીઓ વચ્ચે અથડામણ થઈ હતી. જેમાં સેનાના બે જવાન શહીદ થયા હતા. જેમાં બે જવાનો ઘાયલ થયા હતા. કઠુઆમાં બે આતંકવાદીઓ માર્યા ગયાઃ 13 સપ્ટેમ્બરે જમ્મુ-કાશ્મીરના કઠુઆના ખંડારામાં સેનાએ ઓપરેશન હાથ ધર્યું હતું. અહીં રાઇઝિંગ સ્ટાર કોર્પ્સના જવાનોએ બે આતંકવાદીઓને ઠાર માર્યા હતા. આતંકીઓ પાસેથી મોટી માત્રામાં હથિયારો મળી આવ્યા છે. બારામુલ્લામાં 3 આતંકવાદીઓ માર્યા ગયા: જમ્મુ અને કાશ્મીરના બારામુલ્લાના ક્રેરીના ચક ટાપર વિસ્તારમાં 13 સપ્ટેમ્બરની રાત્રે એન્કાઉન્ટર શરૂ થયું હતું. બીજા દિવસે 14 સપ્ટેમ્બરે સુરક્ષાદળોએ ત્રણ આતંકીઓને ઠાર કર્યા હતા.

આ પ્રકારના તમામ સમાચાર માટેે App ડાઉનલોડ કરો.