IPS બનવા માંગતી હિન્દુ યુવતીએ પીછો કરતા બે રોમિયોને પાઠ ભણાવ્યો

વડોદરા,તા.23 ઓગષ્ટ 2022,મંગળવારવડોદરામાં યુવતીઓની છેડતી કરતા તેમજ પજવણી કરતા રોમિયોને દબોચી લેવા શી ટીમ દ્વારા ઉપાડવામાં આવેલી ઝુંબેશ ને પગલે યુવતીઓની હિંમત ખુલી રહી હોય તેમ લાગે છે અને રોમિયો સામે યુવતીઓ હિંમતભેર મુકાબલો કરતી હોય એવા ઘણા કિસ્સાઓ બની રહ્યા છે. ગોરવા વિસ્તારમાં બનેલા આવા જ એક કિસ્સામાં હિન્દુ યુવતીએ તેનો પીછો કરી પજવણી કરતા બે રોમિયોને સબક શીખવાડી પોલીસને હવાલે કર્યા હતા.યુવતીને જોઈ યુવકે કોમેન્ટ કરી, આ એ જ છે..? ગોરવા વિસ્તારમાં રહેતી યુવતી આઇપીએસ બનવા માંગતી હોવાનું તેના નિકટના વર્તુળોમાંથી જાણવા મળ્યું છે. ગઈકાલે સાંજે તે દૂધ લેવા જતી હતી ત્યારે રીક્ષા સ્ટેન્ડ પાસે લાલ રંગનો શર્ટ પહેરી ઉભેલા એક યુવકે યુવતી સાંભળે તે રીતે પાસે ઉભેલા તેના મિત્રને કહ્યું હતું કે, આ એજ છે ?યુવક પીછો કરતો હોઈ  યુવતી બ્યુટી પાર્લરમાં જતી રહીયુવતીએ પોલીસને કહ્યું છે કે મેં યુવકની કોમેન્ટ ઉપર ધ્યાન આપ્યું ન હતું અને મારી સોસાયટીમાં તરફ ચાલતી આવી બ્યુટી પાર્લરમાં ગઈ હતી. તે વખતે લાલ શર્ટ વાળો યુવક બાઈક લઇ સોસાયટીમાં આંટો મારી કોમન પ્લોટના બાંકડા ઉપર બેઠો હતો. થોડીવાર બેઠા બાદ તે બાઈક લઈને ચાલ્યો ગયો હતો.યુવા કે પૂછ્યું મેડમ કઈ પ્રોબ્લેમ છે શું થયું છેયુવક સોસાયટીમાંથી ચાલ્યો ગયો છે તેમ માનીને યુવતી બ્યુટી પાર્લર માંથી બહાર નીકળી પોતાના ઘર તરફ જવા માંડી હતી. પરંતુ થોડી જ વારમાં લાલ શર્ટ વાળો યુવક બાઈક લઇ પાછળ આવી ગયો હતો અને યુવતીને અટકાવી પૂછ્યું હતું કે, મેડમ કઈ પ્રોબ્લેમ છે? શું થયું છે ?યુવતીએ સોસાયટીના છોકરા ઓને બોલાવી લેતા બંને ને પકડી લીધાયુવતીએ જણાવ્યું છે કે, મને રોકનાર યુવકને મેં કહ્યું હતું કે, તું એક મિનિટ ઊભો રહે. ત્યારબાદ મેં મારી સોસાયટીના છોકરાઓને બોલાવી લેતા તેમણે આ યુવકને તેમજ ગેટ નજીક ઉભેલા તેના સાગરીત ને ઝડપી પાડી પોલીસને હવાલે કર્યા હતા. પોલીસની પૂછપરછ દરમ્યાન લાલ શર્ટ વાળા યુવકનું નામ ઇમરાન મનુભાઈ રાણા (રાજુનગર ઝુપડપટ્ટી, ગોરવા) તેમજ તેના સાગરીત નું નામ મોહમ્મદ ફારૂક ઉર્ફે મકોડી આઝમ ભાઈ ચૌહાણ (આલ્ફા ડુપ્લેક્સ, ગોરખનાથ મંદિર પાસે,ગોરવા) હોવાનું ખુલ્યું હતું.

આ પ્રકારના તમામ સમાચાર માટેે App ડાઉનલોડ કરો.