વિરમગામમાં રાત્રીના સમયે બે દુકાનમાં આગ લાગતા દોડધામ

- ફાયર બ્રિગેડે પાણીનો મારો ચલાવી આગ પર કાબુ મેળવ્યોવિરમગામ : વિરમગામ શહેરમાં માંડલ રોડ ઉપર આવેલા ચામુંડા ઓટો ગેરેજ અને ભીમજી ઝાલાના ખાંચામાં આવેલ શ્રદ્ધા ફાસ્ટફૂડની દુકાનમાં શનિવારે મોડી રાત્રીના આગ ભભુકી ઉઠતા અફડાતફડીનો માહોલ સર્જાયો હતો.વિરમગામ મોડલ રોડ અતરનગર કોમ્પલેક્ષ ખાતે ચામુંડા ઓટો ગેરેજમાં ગત રાત્રીના તેમની દુકાનમાંથી ધુમડો નીકળતા બાજુમાં દવાખાના દર્દીના સંબંધીએ જોતા હોમગાર્ડના જવાનોને બોલાવી ઘટનાની જાણ વિરમગામ નગરપાલિકા ફાયર બ્રિગેડને કરી હતી. તેના પગલે ફાયર બ્રિગેડનો સ્ટાફ સાધનો સાથે આવી પહોંચ્યો હતો અને દુકાનનું શટર તોડી પાણીનો મારો ચલાવી આગને કાબુમાં લીધી હતી. આ આગમાં સ્પેરપાર્ટસનો માલ સામાન બળી ગયો હતો. આ આગ શોર્ટસર્કીટથી લાગી હોય તેવું અનુમાન સેવાય રહ્યું છે. બીજો બનાવ ભીમજી ઝાલાના ખાંચા વિસ્તારની શ્રદ્ધા ફાસ્ટફૂડની દુકાનમાં માતાજીના ફોટા પાસે અખંડ દિવો ચાલતો તેના કારણે દુકાનમાં આગ લાગી હોવાનું અનુમાન છે. આ બાબતની જાણ દુકાન માલિક તેમજ ફાયરબ્રિગેડને કરતા ઘટનાસ્થળે આવી તુરંત જ આગને કાબુમાં લીધી હતી. આ આગમાં કોઈ મોટું નુકશાન થવા પામેલ નથી.

આ પ્રકારના તમામ સમાચાર માટેે App ડાઉનલોડ કરો.