આજે I.N.D.I.A. ગઠબંધનની બેઠક:મહાગઠબંધન વિપક્ષમાં બેસશે કે નવી સરકાર બનાવશે? TMC, TDP, JDUને સામેલ કરવા અંગે પણ આજે નિર્ણય લેવાશે

લોકસભા ચૂંટણીના પરિણામો જોહાર થયા પછી, I.N.D.I. ગઠબંધનની ભાવિ રણનીતિ નક્કી કરવા માટે આજે સાંજે બેઠક મળશે. આ બેઠકમાં નક્કી કરવામાં આવશે કે મહાગઠબંધન વિપક્ષમાં બેસશે કે સરકાર બનાવવાનો પ્રયાસ કરશે. INDIAના પક્ષોની આ બેઠક કોંગ્રેસ અધ્યક્ષ મલ્લિકાર્જુન ખડગેના ઘરે યોજાશે. આ બેઠક ઉપરાંત કોંગ્રેસ પાર્ટીની બેઠક પણ યોજાશે. જેમાં મહાગઠબંધનના નેતાઓ સાથેની બેઠકમાં શું વલણ અપનાવવું તે નક્કી કરવામાં આવશે. કોંગ્રેસ અધ્યક્ષ ખડગેએ મંગળવારે પરિણામો બાદ કહ્યું હતું કે અમે બેઠક બાદ જ આગળની રણનીતિ જણાવીશું. જો હવે સંપૂર્ણ રણનીતિ જણાવવામાં આવે તો મોદીજી વધુ સ્માર્ટ બની જશે. તેમજ, રાહુલ ગાંધીએ એમ પણ કહ્યું હતું કે વિપક્ષમાં બેસવું કે સરકાર બનાવવાનો નિર્ણય બેઠકમાં જ લેવામાં આવશે. ખરેખરમાં પરિણામોમાં ગઠબંધનને કુલ 203 બેઠકો મળી હતી. ગઠબંધનને સરકાર બનાવવા માટે 272 સાંસદોના સમર્થનની જરૂર છે. આવી સ્થિતિમાં, બહુમતી માટે, તેણે વર્તમાન સીટ શેરિંગની બહાર પણ ભાગીદારો શોધવા પડશે. મમતા બેનર્જીની TMCના 29 સાંસદો ઉપરાંત, ગઠબંધનને TDP અને JDUના સમર્થનની પણ જરૂર પડશે. અહેવાલો અનુસાર, આ પક્ષોને મહાગઠબંધનમાં સામેલ કરવા કે નહીં તે અંગે પણ આજની બેઠકમાં ચર્ચા કરવામાં આવશે.

આ પ્રકારના તમામ સમાચાર માટેે App ડાઉનલોડ કરો.