છત્તીસગઢમાં CAF જવાને તેના સાથીદારો પર ફાયરિંગ કર્યુ:2 જવાનના મોત, 2 ઘાયલ; ખાવા માટે મરચું ન આપતા ગોળીઓ વરસાવી

​​​​​​છત્તીસગઢમાં, બુધવારે છત્તીસગઢ આર્મ્ડ ફોર્સ (CAF)ના જવાને ભોજન દરમિયાન મરચું ન આપતા પોતાની સર્વિસ રાઇફલથી સાથી જવાનો પર ફાયરિંગ કર્યુ હતું. ફાયરિંગમાં બે જવાનના મોત થયા હતા. આ દરમિયાન બે જવાનો ઘાયલ થયા હતા. તેમાંથી એકના બંને પગમાં ગોળી વાગી હતી અને બીજા પગને સ્પર્શતા નીકળી ગઈ હતી. બંનેને કુસમી સામુદાયિક આરોગ્ય કેન્દ્રમાં દાખલ કરવામાં આવ્યા છે. મામલો બલરામપુર જિલ્લાના સમરી પોલીસ સ્ટેશન વિસ્તારના ભુતાહી કેમ્પનો છે. ગોળી ચલાવનાર જવાનનું નામ અજય સિદાર છે. તેઓ CAFની 11મી બટાલિયનમાં તહેનાત છે. ફાયરિંગનો અવાજ સાંભળીને અન્ય જવાનો સ્થળ પર પહોંચ્યા હતા અને અજયને કાબૂમાં લીધો. જમતી વખતે બોલાચાલી થઈ હતી
પ્રાથમિક તપાસમાં જાણવા મળ્યું હતું કે અજય સિદર જમવા માટે બેઠો હતો. તેણે ભોજન પીરસતા સૈનિક રૂપેશ પટેલ પાસે મરચું મંગાવ્યું હતું. મરચું આપવાની ના પાડતાં રૂપેશ અને અજય વચ્ચે બોલાચાલી થઈ હતી. આ દરમિયાન ત્યાં હાજર ગાર્ડ કમાન્ડર અંબુજ શુક્લાએ રૂપેશ પટેલને ટેકો આપતાં બોલાચાલી વધુ ઉગ્ર બની હતી. આ દરમિયાન રોષે ભરાયેલ અજય સિદર જમવાનું છોડીને ઉભો થઈ ગયો હતો અને તેની ઇન્સાસ રાઇફલથી રૂપેશ પટેલ પર ગોળીબાર કર્યો, જેમાં તેનું ઘટનાસ્થળે જ મોત નીપજ્યું હતું. અજયે અંબુજ શુક્લાના પગમાં પણ ફાયરિંગ કર્યું હતું. આ દરમિયાન ત્યાં હાજર જવાન રાહુલ બઘેલે અજયને પકડીને કાબુમાં લીધો હતો. અંબુજ શુક્લાને કુસ્મી કોમ્યુનિટી હેલ્થ સેન્ટર ખાતે પ્રાથમિક સારવાર બાદ અંબિકાપુર મેડિકલ કોલેજ હોસ્પિટલમાં રીફર કરવામાં આવ્યા છે. એક જવાનનું ઘટનાસ્થળે જ મોત થયું હતું, જ્યારે બીજાનું રસ્તામાં જ મોત થયું હતું
બલરામપુરના એએસપી શૈલેષ પાંડે (નક્સલ ઓપરેશન)એ જણાવ્યું કે ઘટના સમયે હાજર જવાન સંદીપ પાંડે આઘાતને કારણે પડી ગયો હતો. તેને કુસમી હેલ્થ સેન્ટરમાં લાવવામાં આવી રહ્યો હતો, તે દરમિયાન રસ્તામાં જ તેનું મોત થયું હતું. કુસમી કોમ્યુનિટી હેલ્થ સેન્ટરના BMO ડૉ. સતીશ પાઈકરાના જણાવ્યા અનુસાર, મૃતક જવાન સંદીપ પાંડેના શરીર પર કોઈ ગોળીના નિશાન જોવા મળ્યા નથી. જ્યારે તેને હોસ્પિટલમાં લાવવામાં આવી રહ્યો હતો ત્યારે તેના નાકમાંથી લોહી નીકળતું હતું. એવી શંકા છે કે તેનું બ્લડ પ્રેશર વધી ગયું હતું, જેના કારણે હાર્ટ ફેલ્યોર અથવા બ્રેઈન હેમરેજ થયું હતું. છત્તીસગઢમાં 20 દિવસમાં 5 જવાનોએ આત્મહત્યા કરી છે આ સમાચાર પણ વાંચો... CRPF જવાનની આત્મહત્યા: 2 દિવસ પહેલા રજા પરથી પરત ફર્યો હતો; 20 દિવસમાં 5 જવાનોએ પોતાના પર ફાયરિંગ કર્યુ, 4ના મોત શનિવારે સવારે છત્તીસગઢના સુકમામાં સીઆરપીએફના એક જવાને પોતાની સર્વિસ રાઈફલથી ગોળી મારીને આત્મહત્યા કરી લીધી હતી. સૈનિક બે દિવસ પહેલા જ રજા પરથી પરત ફર્યો હતો. આત્મહત્યાનું કારણ હજુ સ્પષ્ટ થયું નથી. રાજ્યમાં છેલ્લા 20 દિવસમાં 5 જવાનોએ પોતાના પર ફાયરિંગ કર્યુ છે. જેમાંથી 4ના મોત થયા છે.

આ પ્રકારના તમામ સમાચાર માટેે App ડાઉનલોડ કરો.