સંસદના શિયાળુ સત્રનો 13મો દિવસ:વિપક્ષના સાંસદ અલ્હાબાદ હાઈકોર્ટના જજ સામે મહાભિયોગ પ્રસ્તાવ લાવવા નોટિસ પર સહી કરશે

સંસદના શિયાળુ સત્રનો આજે 13મો દિવસ છે. બુધવારે વિપક્ષી પાર્ટીઓએ અલ્હાબાદ હાઈકોર્ટના જજ શેખર યાદવ સામે મહાભિયોગ પ્રસ્તાવ રજૂ કરવા નોટિસ આપવાની પ્રક્રિયા શરૂ કરી હતી. જજ શેખર યાદવે વિશ્વ હિન્દુ પરિષદના કાર્યક્રમમાં વિવાદિત નિવેદન આપ્યું હતું. સૂત્રોના જણાવ્યા અનુસાર, નોટિસમાં રાજ્યસભાના 50 સાંસદોના સહીની જરૂર છે, જેમાંથી 38 સાંસદોએ નોટિસ પર સહી કરી છે. રાજ્યસભાની કાર્યવાહી સ્થગિત થવાને કારણે બાકીના સાંસદોની સહીઓ કરાવી શકાઈ ન હતી. આ સહીઓ આજે કરાવવામાં આવશે. આ પછી આગામી દિવસોમાં નોટિસ રજૂ કરવામાં આવશે. કોંગ્રેસના સાંસદ વિવેક તનખાએ કહ્યું કે જસ્ટિસ યાદવ સામે મહાભિયોગ પ્રક્રિયા શરૂ કરવાની નોટિસ આ સત્રમાં રજૂ કરવામાં આવશે. આ બહુ ગંભીર બાબત છે. હાલમાં અલ્હાબાદ હાઈકોર્ટના જજ શેખર યાદવ પોતાના નિવેદનોને લઈને ચર્ચામાં છે. તેઓ રવિવારે વિશ્વ હિન્દુ પરિષદના એક કાર્યક્રમમાં ગયા હતા અને ત્યાં વિવાદાસ્પદ નિવેદન આપ્યું હતું. તેમણે યુનિફોર્મ સિવિલ કોડ (યુસીસી)ના મુદ્દા પર કહ્યું,"ભારતમાં રહેતા બહુમતીના હિસાબે જ દેશ ચાલશે." આ નિવેદન બાદ દેશમાં નવો વિવાદ ઉભો થયો છે. સંસદ પણ આ વિવાદથી મુક્ત રહી નહોતી. સંસદમાં વિપક્ષ હવે જસ્ટિસ શેખર કુમાર યાદવ વિરુદ્ધ મહાભિયોગ પ્રસ્તાવ લાવવાની તૈયારી કરી રહ્યું છે. રાહુલ ગાંધીએ કહ્યું- અમે અદાણી પર ચર્ચામો મુદ્દો છોડીશું નહીં બુધવારની કાર્યવાહીમાં વિપક્ષના નેતા રાહુલ ગાંધીએ કહ્યું કે અમે અદાણી પર ચર્ચાનો મુદ્દો છોડીશું નહીં. રાહુલ લોકસભા સ્પીકર ઓમ બિરલાને પણ મળ્યા હતા અને કાર્યવાહીમાંથી અપમાનજનક ટિપ્પણીઓ દૂર કરવાની માંગ કરી હતી. રાહુલે કહ્યું- અમારો ઉદ્દેશ્ય એ છે કે સંસદ ચાલવી જોઈએ અને ગૃહમાં ચર્ચા થવી જોઈએ. તેઓ (શાસક પક્ષ) મને શું કહે છે તેનાથી કોઈ ફરક પડતો નથી. અમે ઈચ્છીએ છીએ કે 13મી ડિસેમ્બરે બંધારણ પર ચર્ચા થાય. આ તરફ રાજ્યસભામાં અધ્યક્ષ અને ઉપાધ્યક્ષ જગદીપ ધનખર વિરુદ્ધ લાવવામાં આવેલા અવિશ્વાસ પ્રસ્તાવને લઈને હોબાળો થયો હતો. રાજ્યસભા પહેલા બપોરે 12 વાગ્યા સુધી અને પછી 12 ડિસેમ્બર સુધી સ્થગિત કરવામાં આવી હતી. કેન્દ્રીય મંત્રી જેપી નડ્ડાએ રાજ્યસભામાં કહ્યું કે જ્યોર્જ સોરોસ અને સોનિયા ગાંધી વચ્ચે શું સંબંધો છે, તે સામે આવવા જોઈએ. 10 ડિસેમ્બરે વિપક્ષે રાજ્યસભાના સચિવને ધનખર વિરુદ્ધ અવિશ્વાસ પ્રસ્તાવ લાવવાની નોટિસ આપી હતી. તેમાં 60 સાંસદોની સહી હતી. વિપક્ષનો આરોપ છે કે ધનખરને ગૃહમાં બોલવા દેવામાં આવતા નથી. તેમનું વલણ પક્ષપાતી છે. નડ્ડાએ કહ્યું- કોંગ્રેસ મુદ્દાને ભટકાવવાનો પ્રયાસ કરે છે બીજેપી અધ્યક્ષ જેપી નડ્ડાએ રાજ્યસભામાં કહ્યું કે બે દિવસથી અમારા લોકો એ મુદ્દો ઉઠાવી રહ્યા છે કે જ્યોર્જ સોરોસ અને સોનિયા ગાંધી વચ્ચે શું સંબંધ છે. દેશની આંતરિક અને બાહ્ય સુરક્ષાનો સવાલ છે. આ દેશની સાર્વભૌમત્વ પર પણ પ્રશ્નાર્થ ચિહ્ન છે. અમે સોરોસ વિશે વાત કરવા માંગીએ છીએ કારણ કે અમે સામાન્ય માણસ માટે પ્રતિબદ્ધ છીએ. તેમણે અધ્યક્ષ પર આક્ષેપ કરીને અવિશ્વાસની દરખાસ્ત લાવવાનો પ્રયાસ કર્યો હતો. આ મુદ્દાને ભટકાવવાનો ખરાબ પ્રયાસ છે. સંસદીય કાર્ય મંત્રી કિરણ રિજિજુએ કહ્યું કે 72 વર્ષ પછી ખેડૂતના પુત્ર ઉપરાષ્ટ્રપતિ બન્યા. આવા અધ્યક્ષ મળવા મુશ્કેલ છે. વિપક્ષે ગૃહની ગરિમા લજવી છે. તેઓએ જણાવવું જોઈએ કે જ્યોર્જ સોરોસ અને કોંગ્રેસ વચ્ચે શું સંબંધ છે. કોંગ્રેસે દેશની માફી માંગવી જોઈએ. બુધવારે સંસદ સંકુલમાં વિપક્ષી સાંસદોના પ્રદર્શનની 3 તસવીરો​​​​​​​ પ્રિયંકાએ કહ્યું- સરકાર દરરોજ ગૃહને સ્થગિત કરી રહી છે
પ્રિયંકા ગાંધીએ મંગળવારે કહ્યું કે અમે જે પણ વિરોધ કરી રહ્યા છીએ, તે બહાર કરી રહ્યા છીએ. અમે દરરોજ પ્રયાસ કરીએ છીએ, પરંતુ તેઓ (સરકાર) ચર્ચા કરવા માંગતા નથી. દરરોજ કોઈને કોઈ બહાને ગૃહની કાર્યવાહી સ્થગિત કરવામાં આવી રહી છે. રિજિજુએ કહ્યું- રાહુલ સિવાય તમામ સાંસદો ચર્ચા ઈચ્છે છે સંસદીય બાબતોના પ્રધાન કિરણ રિજિજુએ મંગળવારે કહ્યું કે મુદ્દાઓ ગમે તે હોય, અમે ગૃહની કાર્યવાહીમાં ખલેલ નહીં પહોંચાડીએ. સપા, ટીએમસી અને કોંગ્રેસ સહિત અનેક પક્ષોના સાંસદો મારી પાસે આવ્યા હતા. કોંગ્રેસ રાજ્યસભામાં ચર્ચા કરવા માંગે છે, માત્ર રાહુલ ગાંધી કાર્યવાહીમાં ભાગ લેવા માંગતા નથી. કદાચ તેઓ સંસદીય લોકશાહીમાં માનતા નથી. નિશિકાંતે કહ્યું- કેટલાક લોકો ખાલિસ્તાન બનાવવા અને કાશ્મીરને અલગ કરવા માંગે છે નિશિકાંત દુબે (BJP)- લોકશાહીમાં મારો અવાજ દબાવવામાં આવી રહ્યો છે. વિપક્ષ મને બોલવા દેતો નથી. પહેલા તેઓએ મારા 10 સવાલ સાંભળવા જોઈએ. તેમની પાસે વાત કરવાની હિંમત નથી. અંગ્રેજો સાથે મળીને તેઓએ ભારત અને પાકિસ્તાન બનાવ્યું. આજે જ્યોર્જ સોરોસ સાથે મળીને ખાલિસ્તાન અને કાશ્મીર બનાવવા માંગે છે. સંજય રાઉત (શિવસેના, ઉદ્ધવ જૂથ)- રાહુલ ગાંધીના નેતૃત્વ પર કોઈ સવાલ ઉઠાવતું નથી. તે અમારા નેતા છે. દેશમાં સરકાર વિરુદ્ધ જે વાતાવરણ સર્જાયું છે તેમાં રાહુલ જીનું યોગદાન સૌથી મોટું છે. મમતા, અખિલેશજી, લાલુજી બધાના અલગ-અલગ વિચારો છે, પરંતુ અમે સાથે મળીને ઈન્ડિયા ગઠબંધન બનાવ્યું. જો કોઈ નવી વાત રજૂ કરવા ઈચ્છે છે, ઈન્ડિયા ગઠબંધનને મજબૂત કરવા ઈચ્છે છે તો તેના પર વિચાર કરવો જોઈએ. કોંગ્રેસે પણ આમાં ભાગ લેવો જોઈએ અને પોતાના વિચારો રજૂ કરવા જોઈએ. રામ ગોપાલ યાદવ (SP)- હું સમજી શકતો નથી કે બંધારણમાં શું ચર્ચા થઈ રહી છે. તેઓને મૂળભૂત અધિકારોની ચર્ચા કરવી જોઈએ. કઈ રીતે મૂળભૂત અધિકારોનું ઉલ્લંઘન થઈ રહ્યું છે? બંધારણનો આત્મા મૂળભૂત અધિકારો છે અને મૂળભૂત અધિકારો વિના બંધારણ કશું જ નથી. ગૌરવ ગોગોઈ (કોંગ્રેસ) - આજે આપણે સંસદમાં જોયું કે સ્પીકરે ગૃહની ગરિમા વિશે વાત કરી. પ્રશ્નકાળ શરૂ થયો ત્યારે શાસક પક્ષના સભ્યોએ ગૃહ સ્થગિત કરવાનું બહાનું કાઢ્યું હતું. અમે છેલ્લા ઘણા દિવસોથી જોઈ રહ્યા છીએ કે સત્તાધારી પક્ષના કારણે ગૃહનું કામકાજ થતું નથી. મેં આટલા પક્ષપાતી અધ્યક્ષ ક્યારેય જોયા નથી– દિગ્વિજય
સંસદની બહાર કોંગ્રેસના સાંસદ દિગ્વિજય સિંહે કહ્યું, 'મેં મારા સમગ્ર રાજકીય જીવનમાં આટલા પક્ષપાતી સ્પીકર ક્યારેય જોયા નથી. તેઓ શાસક પક્ષના સાંસદોને નિયમોની વિરુદ્ધ બોલવા દે છે, જ્યારે વિપક્ષી સાંસદોને ચૂપ કરીવે છે.

આ પ્રકારના તમામ સમાચાર માટેે App ડાઉનલોડ કરો.