રાજદિપ સોસાયટીમાંથી રૂા.1.24 લાખના એમડી ડ્રગ્સ સાથે અંકુર પ્રજાપતિ ઝડપાયો

નાનામવા મેઇન રોડ પર આવેલ રાજદિપ સોસાયટીમાંથી રૂા.1.24 લાખના એમડી ડ્રગ્સ સાથે અંકુર પ્રજાપતિ નામના શખ્સને એસઓજીની ટીમે દબોચી લીધો હતો. પ્રાપ્ત વિગત મુજબ એસઓજી પીઆઇ એસ.એમ. જાડેજાની રાહબરીમાં ટીમ પેટ્રોલીંગમાં હતી.
ત્યારે સ્ટાફને નાનામવા મેઇન રોડ પર આવેલ રાજદિપ સોસાયટીમાં એક શખ્સ ડ્રગ્સના જથ્થા સાથે ઉભો હોવાની મળેલી બાતમીના આધારે સ્ટાફે દરોડો પાડી અંકુર પ્રજાપતિ (રહે. રાજદિપ સોસાયટી)ને દબોચી તેમની પાસેથી 12.41 ગ્રામ એમડી ડ્રગ્સ રુા. 1.24 લાખનો મુદામાલ કબ્જે કરી ડ્રગ્સ ક્યાં સપ્લાય કરવાનું હતું તે અંગે પૂછપરછ હાથ ધરી હતી.

આ પ્રકારના તમામ સમાચાર માટેે App ડાઉનલોડ કરો.