આપણું પોરબંદર ગ્રીન પોરબંદર અભિયાનમાં પત્રકારોના નામના રોપાનું તેમના હાથે થયું વૃક્ષારોપણ

પોરબંદર ને રળીયામણું બનાવવાના પ્રણેતા રામદેવભાઈ મોઢવાડીયા, પ્રવીણભાઈ ખોરાવા, ધર્મેશભાઈ પરમારની ટીમ જહેમત ઉઠાવી રહી છે

ગોસા(ઘેડ)તા. ૨૬/૧૧/૨૦૨૪
આપણું પોરબંદર ગ્રીન પોરબંદર અભિયાન અંતર્ગત શહેરને હરિયાળું બનાવવાની કામગીરી ધમધમી રહી છે અને ૫૦૦૦થી વધુ વૃક્ષોનું વાવેતર થઈ ચૂક્યું છે ત્યારે તેના આયોજકો રામદેવભાઇ મોઢવાડિયા,પ્રવીણભાઈ ખોરાવા અને ધર્મેશભાઈ પરમાર સહિત ટીમ દ્વારા એસવીપી રોડ ઉપર રામધુન ચોકડીથી રામટેકરી સુધીના વિસ્તારમાં પત્રકારોના નામે અને હાથે વૃક્ષો વાવવામાં આવ્યા હતા. જેમાં પોરબંદરના રિપોર્ટરો ના હસ્તે પણ વૃક્ષારોપણ થયું હતું. પોરબંદર શહેરના પ્રિન્ટ ઈલેક્ટ્રોનિક અને ડિજિટલ મીડિયામાં કામ કરતા રિપોર્ટરોના નામે અલગ અલગ વૃક્ષોનું વાવેતર કરીને તેના ટ્રીગાર્ડ ઉપર જે તે પત્રકારનું નામ જોડવામાં આવ્યું છે. અને આ વૃક્ષનો વિકાસ કેવો અને કેટલો થયો તેની તસવીરો પણ સમયાંતરે પત્રકારોને મોકલવામાં આવશે તેમ રામદેવભાઈ મોઢવાડિયા એ જણાવ્યું હતું. ઉલ્લેખનીય છે કે પોરબંદર શહેરને લીલુછમ્મ બનાવવા માટે ૧૫૦૦૦જેટલા વૃક્ષોનું વાવેતર થઈ રહ્યું છે અને તેના ઉછેરની તમામ જવાબદારી રાજકોટના સદભાવના વૃદ્ધાશ્રમે સંભાળી છે ત્યારે પોરબંદરમાં ચારેય તરફ હવે હરિયાળી હરિયાળી જોવા મળી રહી છે. પત્રકારોએ પણ તે અંગેની ખુશી વ્યક્ત કરીને હોંશે હોંશે વૃક્ષારોપણ કર્યું હતું.
આ કાર્યક્રમમાં અભિયાનના પ્રણેતા શ્રી રામદેવભાઈ મોઢવાડીયા અને પ્રવીણભાઈ ખોરાવા કો ઓર્ડીનેટર ધર્મેશભાઈ પરમાર,ડો આશિષ સેઠ,પિયુષ ભાઈ મજીઠીયા, ભરતભાઈ રૂઘણી, ધવલભાઈ જોશી,હાર્દિક તન્ના,રાજેશ કક્કડ,અશોક ચોહાણ,ચિરાગ ડાભી,દિનેશ સાદીયા,સુનીલભાઈ સહિતના અગ્રણીઓ ઉપસ્થિત રહ્યા હતા.
રિપોર્ટર :-વિરમભાઈ કે. આગઠ

આ પ્રકારના તમામ સમાચાર માટેે App ડાઉનલોડ કરો.