બોટાદ જિલ્લામાં યોગ પરિવાર દ્વારા ગુજરાત રાજ્ય યોગ બોર્ડ આયોજિત સંવાદ અને સ્નેહમિલન સમારોહનું આયોજન કરવામાં આવ્યું

(અજય ચૌહાણ)
ગુજરાત રાજ્ય યોગ બોર્ડ આયોજિત સંવાદ અને સ્નેહમિલન સમારોહનું આયોજન તા.૨૪/૧૧/૨૪ ને રવિવારના રોજ સ્વામિનારાયણ મંદિર અક્ષરપાર્ક , પાળીયાદ રોડ, બોટાદ ખાતે કરવામાં આવ્યું હતું. જેમાં ગુજરાત રાજ્ય યોગ બોર્ડ સૌરાષ્ટ્ર ઝોનના કોર્ડીનેટર વંદનાબહેન રાજાણી, બોટાદ જિલ્લા રમતગમત અધિકારી રોહિતસિંહ પરમાર , રચના હોસ્પિટલનાં ડૉ.આર.વી.લકુમ , યોગ પરિવાર બોટાદ જિલ્લાનાં કોર્ડીનેટર પ્રવિણભાઈ કળથીયા, સૌરાષ્ટ્ર ઝોન સોશિયલ મીડિયા કોર્ડીનેટર વિશાલભાઈ ડાભી, બોટાદ જિલ્લાનાં સોશિયલ મીડિયા કોર્ડીનેટર સાહિલભાઈ તથા બોટાદ જિલ્લાના યોગ ટ્રેનર - કોચ વગેરે મોટી સંખ્યામાં ઉપસ્થિત રહ્યા હતાં.આ સંવાદ કાર્યક્રમમાં ડૉ.લકુમ સરે તથા વંદનાબહેન રાજાણીએ યોગ ભગાવે રોગ આ વિષય પર માહિતી અને માર્ગદર્શન આપ્યું હતું.બોટાદ જિલ્લામાં યોગ પરિવાર સાથે વધુને વધુ લોકો જોડાય એ અંગે પણ ચર્ચા કરવામાં આવી હતી. સમગ્ર કાર્યક્રમનું સંચાલન પારેખ લાલજીભાઈ દ્વારા કરવામાં આવ્યું હતું.

આ પ્રકારના તમામ સમાચાર માટેે App ડાઉનલોડ કરો.