RSS સુપ્રીમો ભાગવતે કહ્યું- ત્રીજા વિશ્વ યુદ્ધના ભણકારા વાગી રહ્યા:વિશ્વ શાંતિ માટે ભારત તરફ જોઈ રહ્યું છે, પરંતુ કેટલાક લોકો અવરોધો ઉભા કરી રહ્યા છે

સંઘ પ્રમુખ મોહન ભાગવતે કહ્યું કે વિશ્વમાં ત્રીજા વિશ્વયુદ્ધની સંભાવના સેવાઈ રહી છે. તેમણે કહ્યું કે આ સમયે વિશ્વ શાંતિ માટે ભારત તરફ જોઈ રહ્યું છે, પરંતુ કેટલાક લોકો અવરોધો ઉભા કરી રહ્યા છે. સંઘ પ્રમુખે​​​​​​ ફરી એકવાર કહ્યું કે ભારત વિશ્વગુરુ બનવા તરફ આગળ વધી રહ્યું છે. ભાગવત મધ્યપ્રદેશના જબલપુરમાં RSS મહિલા નેતા ડૉ. ઉર્મિલા જામદારની યાદમાં આયોજિત એક કાર્યક્રમ દરમિયાન બોલી રહ્યા હતા. મોહન ભાગવતનું 4 મુદ્દા પર નિવેદન 1. ત્રીજું વિશ્વ યુદ્ધ: ભાગવતે કહ્યું કે યુક્રેન-રશિયા અને ઇઝરાયલ-હમાસ યુદ્ધ વચ્ચે ત્રીજા વિશ્વ યુદ્ધના ભણકારા વાગી રહ્યા છે. અત્યારે તે સ્પષ્ટ નથી કે તે ક્યાંથી શરૂ થશે, ઇઝરાયેલ કે યુક્રેનથી. 2. વિજ્ઞાન અને શસ્ત્રો: ભાગવતે કહ્યું કે વિજ્ઞાને દુનિયામાં ઘણી પ્રગતિ કરી છે, પરંતુ તેનો ફાયદો હજુ સુધી દુનિયાના ગરીબો સુધી પહોંચી રહ્યો નથી, પરંતુ દુનિયાને નષ્ટ કરી શકે તેવા શસ્ત્રો દરેક જગ્યાએ પહોંચી રહ્યા છે. કેટલાક રોગોની દવાઓ ગ્રામ્ય વિસ્તારોમાં ભલે પહોંચી ન હોય, પરંતુ હથિયાર અહીં પહોંચી જાય છે. 3. પર્યાવરણ: સંઘના વડાએ પણ પર્યાવરણ અંગે ચિંતા વ્યક્ત કરી હતી. તેમણે કહ્યું કે પર્યાવરણ એવી સ્થિતિમાં પહોંચી ગયું છે જ્યાં તે બીમારીઓનું કારણ બની રહ્યું છે. 4. સનાતન ધર્મ અને હિન્દુત્વ: ભાગવતે કહ્યું કે માનવતાની સેવા કરવી એ સનાતન ધર્મ છે અને હિન્દુત્વમાં પણ એવું જ થાય છે. હિન્દુત્વમાં દુનિયાને રસ્તો બતાવવાની ક્ષમતા છે. હિન્દુ શબ્દ ભારતીય ગ્રંથોમાં લખાયો તેના ઘણા સમય પહેલા અસ્તિત્વમાં આવ્યો હતો. ​​​​​​​સૌપ્રથમ જનતા વચ્ચે તેનો ઉપયોગ ગુરુ નાનક દેવજી દ્વારા​​​​​​​ કરવામાં આવ્યો હતો. મોહન ભાગવત સાથે જોડાયેલા આ સમાચાર પણ વાંચો... ભાગવતે કહ્યું- હિન્દુઓએ એકજૂટ રહેવું પડશે, મોદી-યોગીએ પણ કહ્યું- વિભાજન થશે તો નુકસાન થશે ગયા મહિને રાજસ્થાનના બારાંમાં મોહન ભાગવતે હિન્દુઓને એક થવાનું આહ્વાન કર્યું હતું. તેમણે કહ્યું- હિન્દુ સમાજે મતભેદો અને વિવાદો દૂર રહીને એક થવું જોઈએ. ભારતની પ્રતિષ્ઠા દેશનું મજબૂત હોવાના કારણે આવે છે. મજબૂત રાષ્ટ્રમાંથી સ્થળાંતર કરનારાઓ ત્યારે જ સુરક્ષિત છે જ્યારે તેમનું રાષ્ટ્ર મજબૂત હોય. નહિંતર, નબળા રાષ્ટ્રોના પ્રવાસીઓને દેશ છોડવાનો આદેશ આપવામાં આવે છે.

આ પ્રકારના તમામ સમાચાર માટેે App ડાઉનલોડ કરો.