જામનગર ખંભાળિયા પંથકમાંથી એક જ દિવસમાં અડધા કરોડની વીજ ચોરી ઝડપાઈ

જામનગર ખંભાળિયા પંથકમાંથી એક જ દિવસમાં અડધા કરોડની વીજ ચોરી ઝડપાઈ

તંત્ર દ્વારા ૫૩૧ વીજ મીટરો ચેક કર્યા હતાં અને ૮૬ સ્થળોએથી ગેરરિતી પકડી પાડીને રૂ.પર.૦૫ લાખની વીજ ચોરી ઝડપાઈ

જામનગર શહેર, ગ્રામ્ય અને ખંભાળીયા પંથકમાં પીજીવીસીએલની ૩૬ ટીમોએ વીજ ચેકીંગ હાથ ધરીને ૮૬ સ્થળોએથી રૂ.પ૨.૦૫ લાખની વિજચોરી ઝડપી લઈને જે તે આસામીઓને વીજ બીલ ફટકારવામાં આવ્યા છે.

દિવાળીના તહેવારો પુરા થતાં વીજ તંત્રએ વીજ ચેકીંગ -હાથ ધર્યુ છે અને જામનગર શહેરના ગુલાબનગર, બેડી, એડેશ્વર, સદગુરૂ કોલોની, ધરારનગર તેમજ ગ્રામ્યવિસ્તારોમાં મોરકંડા, થાવરીયા, ઠેબા, હાપા અને જામખંભાળીયામાં તેમજ સલાયા સહિતના ગ્રામ્ય વિસ્તારોમાં પીજીવીસીએલની ૩૬ ટીમોએ ૧૦ એક્સ આર્મીમેન, ૨૦ લોકલ પોલીસને સાથે રાખીને વીજ ચેકીંગ હાથ ધરીને ૫૩૧ વીજ મીટરો ચેક કર્યા હતાં અને ૮૬ સ્થળોએથી ગેરરિતી પકડી પાડીને રૂ.પર.૦૫ લાખની વીજ ચોરી પકડી પાડી છે અને જે તે આસામીઓને વીજ બીલ ફટકારવામાં આવ્યા છે. વીજ તંત્રના ચેકીંગથી વીજ ચોરોમાં ફફડાટ મચી ગયો છે.

આ પ્રકારના તમામ સમાચાર માટેે App ડાઉનલોડ કરો.