જામનગરમાં યુવતી પર 3 શખ્સોએ સામૂહિક દુષ્કર્મ આચરતાં ખળભળાટ: ત્રિપુટી પકડાઈ

જામનગરમાં યુવતી પર 3 શખ્સોએ સામૂહિક દુષ્કર્મ આચરતાં ખળભળાટ: ત્રિપુટી પકડાઈ

જામનગરમાં 21 વર્ષની યુવતી પર ત્રણ શખ્સોએ વારંવાર દુષ્કર્મ આચર્યાની ફરિયાદ પોલીસમાં નોંધાતા ભારે ચકચાર સાથે ખળભળાટ મચી ગયો છે. ત્રણ પૈકી મુખ્ય આરોપીના ઘેર ભોગ બનનાર યુવતી ઘરકામ અર્થે જતી હોય તેણીના સ્નાન કરતા વીડિયો અને ફોટા પાડી બાદમાં ત્રણેય શખ્સોએ યુવતીને બ્લેકમેઇલ કરી પંચેશ્વર ટાવર વિસ્તારમાં આવેલા ફલેટ સહિત અલગ-અલગ સ્થળોએ દુષ્કૃત્ય આચર્યાનું પોલીસ ફરિયાદમાં જાહેર થયું છે. પોલીસે ત્રણેય આરોપીની ધરપકડ કરી સઘત પૂછપરછ અર્થે રિમાન્ડની તજવીજ હાથ ધરી છે.

જામનગરમાં પંચેશ્વર ટાવર નજીક એક ફ્લેટમાં ઘરકામ અર્થે જતી 21 વર્ષની યુવતી પર ત્રણ શખ્સોએ વારંવાર દુષ્કર્મ આચર્યાની ફરિયાદ સીટી એ ડીવીઝન પોલીસ મથકમાં નોંધાતા શહેરભરમાં ખળભળાટ મચી ગયો છે. યુવતીએ પોલીસમાં નોંધાવેલી ફરિયાદમાં જણાવ્યાનુસાર તેણી પંચેશ્વર ટાવરવિસ્તારમાં આવેલા હુશેન ગુલમામદ શેખના ફલેટમાં ઘરકામ અર્થે જતી હતી. આ દરમ્યાન હુશેને તેણી બાથરૂમમાં સ્નાન કરી રહી હતી ત્યારે ફોટો અને વિડીયો લઇ બાદમાં બ્લેકમેઈલ કરવાની શરૂઆત કરી હતી. આટલું જ નહીં ત્યારબાદ હુશેન તથા તેના બે મિત્રો હમીરખાન દરોવર અને અને ફૈઝલ દરવાને છેલ્લા દોઢેક વર્ષ જેટલા સમયગાળા દરમ્યાન પંચેશ્વર ટાવર વિસ્તારમાં આવેલા હુશેનના ફલેટ સહિત મોટા થાવરિયામાં આવેલા ફાર્મહાઉસ સહિતના સ્થળોએ વારંવાર દુષ્કર્મ આચર્યું હતું. પોલીસે યુવતીની ફરિયાદના આધારે ત્રણેય શખ્સો સામે દુષ્કર્મ સહિતની કલમો હેઠળ ગુનો નોંધી ત્રણેયની ધરપકડ કરી છે.

પોલીસે પંચેશ્વર ટાવર વિસ્તારમાં આવેલા ફલેટ સહિતના સ્થળોએ પંચ રોજકામ કરી યુવતીની મેડીકલ તપાસની તજવીજ હાથ ધરી છે. આટલું જ નહીં ત્રણેય શખ્સોની સઘન પૂછપરછ હાથ ધરી રિમાન્ડ મેળવવાની તજવીજ હાથ ધરી છે.

જામનગર શહેર ડીવાયએસપી જયવીરસિંહ ઝાલાએ જણાવ્યું કે યુવતી પર વારંવાર દુષ્કર્મના બનાવમાં મુખ્ય આરોપી હુશેને યુવતીને પંચેશ્વર ટાવર વિસ્તારમાં આવેલા ફ્લેટમાં ઘરકામ માટે રાખી હતી. આ દરમ્યાન હુશેને યુવતીની જાણ બહાર તેણીના ન્હાતી વેળાના ફોટો અને વીડિયો ઉતારી બ્લેકમેઈલ કરી બે મિત્રો હમીરખાન અને ફૈઝલ સાથે મળી યુવતી પર વારંવાર દુષ્કર્મ આચર્યું હતું. આ બનાવમાં આ ત્રણ શખ્સો ઉપરાંત અન્ય કોઇ શખ્સોની સંડોવણી છે કે કેમ -તે અંગે તપાસ ચાલી રહી છે.

આ પ્રકારના તમામ સમાચાર માટેે App ડાઉનલોડ કરો.