કોલકાતા રેપ-મર્ડર કેસ, સુપ્રીમ કોર્ટમાં આજે સુનાવણી:બેન્ચે નેશનલ ટાસ્ક ફોર્સની કાર્યવાહી પર અસંતોષ વ્યક્ત કર્યો હતો; કોર્ટે કહ્યું હતું- ટાસ્ક ફોર્સ ઝડપી કામ કરે

આજે સુપ્રીમ કોર્ટમાં કોલકાતા રેપ-મર્ડર કેસની સુનાવણી થશે. 15 ઓક્ટોબરે થયેલી છેલ્લી સુનાવણીમાં કોર્ટે નેશનલ ટાસ્ક ફોર્સ (NTF)ના કામ પ્રત્યે અસંતોષ વ્યક્ત કર્યો હતો. ઉપરાંત, NTF ને 3 અઠવાડિયાની અંદર ડોકટરોની સલામતી અંગે પોતાના સૂચનો આપવા નિર્દેશ આપ્યા હતા. CJI DY ચંદ્રચુડની આગેવાની હેઠળની બેંચે કહ્યું હતું કે NTFને ડોકટરો અને અન્ય આરોગ્ય કર્મચારીઓની સુરક્ષા સુનિશ્ચિત કરવા માટે પ્રોટોકોલ બનાવવાની જવાબદારી આપવામાં આવી છે, પરંતુ તે ખૂબ જ ધીમી ગતિએ કામ કરી રહ્યું છે. કોર્ટે કહ્યું હતું કે NTFની પ્રથમ બેઠક 27 ઓગસ્ટે મળી હતી. આશ્ચર્યની વાત એ છે કે 9 સપ્ટેમ્બર પછી કોઈ બેઠક થઈ નથી. શા માટે આગળ કોઈ કામ થયું નથી? ટાસ્ક ફોર્સે તેના કામમાં ઝડપ લાવવાની રહેશે. તેમજ, 4 નવેમ્બરના રોજ, પશ્ચિમ બંગાળની સિયાલદહ કોર્ટે આરજી કર કેસના મુખ્ય આરોપી સંજય રોય સામે આરોપો ઘડ્યા હતા. આ કેસની સુનાવણી 11 નવેમ્બરથી રોજ થશે. કોલકાતાની આરજી કર હોસ્પિટલમાં 8 ઓગસ્ટની રાત્રે એક ટ્રેઈની ડૉક્ટર યુવતી પર રેપ અને હત્યા કરવામાં આવી હતી. પીડિતાનો મૃતદેહ 9 ઓગસ્ટના રોજ મળ્યો હતો. આ અંગે 42 દિવસ સુધી દેશભરમાં ડોક્ટરોએ પ્રદર્શન કર્યું હતું. કોલકાતા રેપ-હત્યા કેસમાં 87 દિવસ બાદ આરોપીઓ સામે આરોપો ઘડવામાં આવ્યા છે 4 નવેમ્બરે સિયાલદહ કોર્ટે આરોપી સંજય રોય વિરુદ્ધ આરોપો ઘડ્યા હતા. આ કેસની સુનાવણી 11 નવેમ્બરથી રોજ થશે. પ્રદર્શન પછી, જ્યારે પોલીસ સંજયને બહાર લઈ ગઈ, ત્યારે તે પહેલીવાર કેમેરા પર કહેતો જોવા મળ્યો કે મમતા સરકાર તેને ફસાવી રહી છે. તેને મોઢું ન ખોલવાની ધમકી આપવામાં આવી છે. સેન્ટ્રલ બ્યુરો ઑફ ઇન્વેસ્ટિગેશન (CBI) એ તેની ચાર્જશીટમાં સંજય રોયને મુખ્ય આરોપી તરીકે જણાવ્યો છે. આ સિવાય આ કેસને ગેંગરેપના બદલે રેપનો કેસ ગણાવ્યો છે. ચાર્જશીટમાં એવું પણ કહેવામાં આવ્યું છે કે પીડિતાના શરીરમાંથી મળેલા સીમન સેમ્પલ અને લોહી આરોપી સાથે મેચ થાય છે. ફોરેન્સિક તપાસ બાદ ગુનાના સ્થળેથી મળેલા ટૂંકા વાળ પણ આરોપીના વાળ સાથે મેચ થયા છે. સીબીઆઈની ચાર્જશીટમાં 100 સાક્ષીઓના નિવેદન, 12 પોલીગ્રાફ ટેસ્ટના રિપોર્ટ, સીસીટીવી ફૂટેજ, ફોરેન્સિક રિપોર્ટ, કોલ ડિટેઈલ અને મોબાઈલના લોકેશન જેવી બાબતોનો સમાવેશ થાય છે. આ સિવાય ઘટનાના દિવસે આરોપીના ઈયરફોન અને મોબાઈલ બ્લૂટૂથ દ્વારા કનેક્ટ કરવામાં આવ્યા હતા. ચાર્જશીટમાં આને પણ મહત્વના પુરાવા ગણવામાં આવ્યા છે. RG ઘટનાના વિરોધમાં ડોકટરોના આમરણાંત ઉપવાસ ચાલુ છે
ઘટનાના વિરોધમાં 5 ઓક્ટોબરથી શરૂ કરાયેલા ડોક્ટરોના આમરણાંત ઉપવાસ ચાલુ છે. તબિયત બગડવાના કારણે ઘણા ડોક્ટરોને હોસ્પિટલમાં દાખલ કરવામાં આવ્યા છે. 4 નવેમ્બરના રોજ પશ્ચિમ બંગાળના મુખ્ય સચિવ મનોજ પંત સાથે ડૉક્ટરોની બેઠક યોજાઈ હતી, જે કોઈ પરિણામ મળ્યું નહોતું. બેઠકમાંથી બહાર આવ્યા બાદ પશ્ચિમ બંગાળ ડોકટર્સ ફોરમના પ્રમુખ ડો. કૌશિકે કહ્યું હતું – કંઈ થયું નથી, પરિણામ શૂન્ય છે. 10 દિવસ થયા છે, 4 ડોક્ટર ICUમાં છે અને એક વધુ બીમાર છે. અમે સરકારને વિનંતી કરી કે તેઓ વિરોધ કરી રહેલા ડોકટરો સાથે વાત કરે, પરંતુ તેઓએ કહ્યું કે તેઓ જોશે, તેઓ ઘમંડી થઈ રહ્યા છે. 26 ઓક્ટોબરના રોજ, આમરણાંત ઉપવાસમાં સામેલ જુનિયર ડોકટરોના જૂથે એક અલગ સંગઠન બનાવ્યું. તેમનો આરોપ છે કે પશ્ચિમ બંગાળ જુનિયર ફ્રન્ટના ડૉક્ટરોએ આંદોલનને આરજી કરની આ ઘટના માટે ન્યાયની મૂળભૂત માંગથી દુર કર્યુ છે અને વ્યક્તિગત ટાર્ગેટ પર આવી ગયા છે. નવા ડોક્ટર્સ એસોસિએશને પોતાનું નામ પશ્ચિમ બંગાળ જુનિયર ડોક્ટર્સ એસોસિએશન રાખ્યું છે. ક્રમશઃ વાંચો ભૂખ હડતાલ દરમિયાન શું થયું... 13 ઓક્ટોબર 12 ઓક્ટોબર 11 ઓક્ટોબર 10 ઓક્ટોબર 9 ઓક્ટોબર

આ પ્રકારના તમામ સમાચાર માટેે App ડાઉનલોડ કરો.