76 બોટલો સાથે પાંચ આરોપી સપ્લાયરો ઝડપાયા

રાજકોટમાં દિવાળીના તહેવારમાં દારૂની રેલમછેલમ અટકાવવા પોલીસ સતત કાર્યવાહીમાં છે ત્યારે ગઇકાલે દારૂના પાંચ દરોડામાં 76 બોટલ સાથે પાંચ આરોપી સપ્લાયરો ઝડપાયા હતા.
ક્રાઇમ બ્રાન્ચે કેનાલ રોડ પર વોચ ગોઠવી રીક્ષામાં દારૂની રૂા. 23496ની કિંમતની 24 બોટલ લઇને જતા મનિષ રામજી સોરાણી (રહે. બેડલા ગામ)ને ઝડપી લઇ જથ્થો કબ્જે કર્યો હતો અને ગુનો દાખલ કર્યો હતો. ઝોન-1 એલસીબીની ટીમે જુના મોરબી રોડ પર સીટી સ્ટેશનની સામે દારૂની 1ર બોટલ લઇને જતા અજય ધીરૂ વાલાણી (રહે. લાખાજીરાજ ઉદ્યોગનગર, ચુનારાવાડ)ને ઝડપી રૂા. 7488ની કિંમતની દારૂની બોટલ કબ્જે કરી હતી.
બી ડીવીઝન પોલીસે જુના માર્કેટીંગ યાર્ડ સામેથી આરોપી રોહિત રાજુ ઝાપડીયા (રહે. જંગલેશ્વર મેઇન રોડ, એકતા સોસાયટી)ને દારૂની 12 બોટલ સાથે ઝડપી રૂા. 1800ની કિંમતનો મુદામાલ જપ્ત કર્યો હતો. માલવિયાનગર પોલીસે નાના મવા રોડ પર આવેલા લક્ષ્મીનગર આરએમસી આવાસ કવાર્ટરમાં દરોડો પાડી સચિન હસમુખ પરમારને તેના કવાર્ટરમાંથી ર6 બોટલો સાથે ઝડપી લીધો હતો અને 12850નો મુદામાલ કબ્જે કર્યો હતો.

આ પ્રકારના તમામ સમાચાર માટેે App ડાઉનલોડ કરો.