PMના કાર્યક્રમમાં 100થી વધુ બસ મોકલતા મુસાફરો રઝળ્યા
તહેવાર ટાણે જ યાત્રિકોને ST બસ સુવિધા ન મળી
દિવાળીના તહેવારને પગલે એકબાજુ રાજકોટ એસ.ટી. નિગમે યાત્રિકોના ધસારાને પહોંચી વળવા માટે એક્સ્ટ્રા બસ દોડાવવાનું આયોજન કર્યું હતું જ્યારે બીજી બાજુ સોમવારે અમરેલીમાં વડાપ્રધાનના કાર્યક્રમમાં એકસાથે 100થી વધુ એસ.ટી. બસ ફાળવી દેવામાં આવતા તહેવાર ટાણે જ મુસાફરો રઝળી પડ્યા હતા. યાત્રિકોને તહેવાર ઉપર જ પોતાના નિશ્ચિત સ્થળોએ જવા માટે એસ.ટી. બસ સેવાનો લાભ નહીં મળતા યાત્રિકોએ નાછૂટકે ખાનગી વાહનોના સહારે જવું પડ્યું હતું. તહેવારોમાં ખાનગી વાહનચાલકોએ પણ બેરોકટોક ભાડા વસૂલાતા મુસાફરોએ વધુ પૈસા ચૂકવીને મુસાફરી કરવી પડી હતી.
આ પ્રકારના તમામ સમાચાર માટેે
App ડાઉનલોડ કરો.