અમીનમાર્ગ પર કામે ગયેલ સગીરા ભેદી રીતે લાપતા: અપહરણનો ગુનો નોંધાયો

અમીનમાર્ગ પર કામે ગયેલ સગીરા ભેદી રીતે લાપતા થતાં માલવીયાનગર પોલીસે અપહરણનો ગુનો નોંધી તપાસ હાથ ધરી હતી.બનાવ અંગે રૈયાધાર વિસ્તારમાં રહેતાં રિક્ષાચાલક યુવાને જણાવ્યું હતું કે, તેઓને સંતાનમાં બે દિકરા અને એક દિકરી છે. જેમાં નાની દિકરી 16 વર્ષની છે અને પોતે રીક્ષા ડ્રાઇવીંગ કરે છે. ગઇ તા.27 ના રોજ સવારના આઠેક વાગ્યે તેમની સગીર પુત્રી કિંગ હાઇટસ ખાતે ઘરકામ કરવા માટે જાય છે .
ત્યાં તેને રીક્ષામાં મુકવા માટે ગયેલ હતો. બાદ તેઓ ધંધા અર્થે કાલાવડ રોડ ઉપર હતો ત્યારે સવારના દસેક વાગ્યે તેમના દિકરાનો ફોન આવેલ કે, બહેન કામે નથી પહોચી જેથી તેને કહેલ કે, હું તો તેને કામે મુકિ આવ્યો છું, જેથી તેઓ કિંગ હાઇટસ રૂબરૂમાં જઈ તપાસ કરવા માટે ત્યાં ગયેલ અને ત્યાં સિક્યુરીટી પાસેના રજીસ્ટરમાં જોયેલ તો જાણવા મળેલ કે, નવેક વાગ્યાની આસપાસ ત્યાંથી જતી રહેલ છે.
બાદમાં આજુ બાજુમાં ફોન કરી તેમજ રૂબરૂ જઈ તપાસ કરતા પુત્રીની કોઇ માહીતી મળેલ નહી જેથી કોઈ અજાણ્યો શખ્સ તેમની પુત્રીનું અપહરણ કરી નાસી છૂટતાં ફરીયાદ નોંધાવી હતી. બનાવ અંગેની ફરીયાદ પરથી માલવીયાનગર પોલીસે ગુનો નોંધી સગીરાની શોધખોળ હાથ ધરી હતી.

આ પ્રકારના તમામ સમાચાર માટેે App ડાઉનલોડ કરો.