ગટરની અંદર 2 યુવકની ભયંકર લડાઈ, VIDEO:બંનેએ એકબીજાને કાદવમાં રગદોડ્યા, ત્રીજાએ વચ્ચે પડીને સાવરણીથી બન્નેને ધોઈ નાખ્યા

ઝઘડો એકમાત્ર એવી વસ્તુ છે, જે કોઈપણ જગ્યાએ અને કોઈની પણ સાથે કરી શકાય છે. આવો જ એક અજીબોગરીબ વીડિયો હાલ સોશિયલ મીડિયા પર વાઇરલ થઈ રહ્યો છે, જેમાં બે લોકો ગંદી ગટરની અંદર લડતા જોવા મળે છે. વીડિયોમાં આ બે વ્યક્તિને ગટરમાં એકબીજા સાથે મારઝૂડ કરતા જોઈને લોકો ચોંકી જાય છે, પરંતુ ખરી મજા ત્યારે આવે છે જ્યારે કોઈ ત્રીજી વ્યક્તિ વચ્ચે આવીને સાવરણી જેવી વસ્તુ વડે મારવાનું શરૂ કરે છે. આ ક્લિપમાં આ સીન જોઈને યુઝર્સ પણ ખડખડાટ હસી રહ્યા છે અને બંનેને ઠપકો આપી રહ્યા છે. ગટરની અંદર ભયંકર યુદ્ધ છેડાયું... આ વીડિયોમાં બે યુવકને એક ગટરની અંદર ખૂબ જ મારામારી કરતા જોઈ શકાય છે. ગંદી ગટરમાં ઝઘડો કરવાના કારણે બંને યુવક આખા ગટરના પાણીથી કાળા થઈ ગયેલા જોવા મળે છે. આ દરમિયાન લગભગ 15 સેકન્ડ પછી આ વીડિયોમાં એક ત્રીજી વ્યક્તિની એન્ટ્રી થાય છે, જે હાથમાં સાવરણી જેવી વસ્તુ વડે મારવાનું શરૂ કરે છે. ત્યાર બાદ બંને યુવક ગટરની બહાર આવી જાય છે. આ દરમિયાન ઝઘડા અને બચાવની આ ક્લિપ 28 સેકન્ડમાં પૂરી થઈ જાય છે. X પર વીડિયોને અનેક ફની કમેન્ટ્સ મળ્યા
આ વીડિયોને X પર @gharkekalesh નામના એકાઉન્ટથી શેર કરવામાં આવ્યો છે. વીડિયોના કેપ્શનમાં લખ્યું છે- બે છોકરા વચ્ચે ગટરમાં અથડામણ. આ વીડિયોને અત્યારસુધીમાં 93 હજારથી વધુ વખત જોવામાં આવ્યો છે અને 1 હજારથી વધુ વખત લાઈક કરવામાં આવ્યો છે. આ વીડિયો પર લોકો ઘણી કોમેન્ટ પણ કરી રહ્યા છે. એક યુઝરે લખ્યું- શું મનોરંજન છે. અન્ય એક યુઝરે લખ્યું- એવું લાગે છે કે મામલો ઘણો ગંભીર છે. ત્રીજા યુઝરે લખ્યું- લડાઈ પૂરી થયા પછી તેઓ ઘરે કેવી રીતે જશે? ચોથા યુઝરે લખ્યું- આ ફક્ત ભારતમાં જ થઈ શકે છે.

આ પ્રકારના તમામ સમાચાર માટેે App ડાઉનલોડ કરો.