વિંછીયા તાલુકાના અમરાપુર શૈક્ષણિક સંકુલ ખાતે આજે રાત્રે શ્રી કુંવરજીભાઈ બાવળીયાની અધ્યક્ષતામાં યોજાશે ભવ્ય રાસોત્સવ-૨૦૨૪
જસદણ અને વિંછીયા તાલુકાના ગામોના અનેક શાળાઓ અને કોલેજના ગ્રુપો લેશે ભાગ : સુપ્રસિદ્ધ ગાયિકા જશુબેન આહીર બોલાવશે ગરબાની રમઝટ
(નરેશ ચોહલીયા દ્વારા જસદણ)
આજે રાત્રે તા. 25/10/2024 ને શુક્રવારના રોજ સાંજે 7:30 કલાકે રાજ્ય સરકારના રમતગમત, યુવા અને સાંસ્કૃતિક વિભાગ અને આદર્શ શૈક્ષણિક સંકુલ, અમરાપુરના સહયોગથી રાસોત્સવ-૨૦૨૪ નું ભવ્ય આયોજન કરવામાં આવેલ છે. આ કાર્યક્રમ રાજ્ય સરકારના કેબીનેટ મંત્રી અને આ વિસ્તારના ધારાસભ્ય કુંવરજીભાઈ બાવળીયાની અધ્યક્ષતામાં યોજાશે, જસદણ અને વિંછીયા તાલુકામાંથી મોટી સંખ્યામાં યુવાનો, જુદી જુદી શાળા અને કોલેજના ગ્રુપો આ રાસોત્સવ-૨૦૨૪ માં ભાગ લેશે. આ કાર્યક્રમમાં સુપ્રસિદ્ધ ગાયિકા જશુબેન આહીર અને તેમનું ગ્રુપ ગરબાની રમઝટ બોલાવશે. દરેક ભાગ લેનાર ખેલૈયાઓ માટે પ્રોત્સાહન ઇનામ વિતરણ પણ કરવામાં આવશે. આ કાર્યક્રમના સંચાલકોએ જસદણ અને વિંછીયાના લોકોને આ જાહેર રાસોત્સવ-૨૦૨૪ માં ભક્તિમય વાતાવરણમાં માતાજીની અર્ચના માટે પધારવા અનુરોધ કરેલ છે.
આ પ્રકારના તમામ સમાચાર માટેે
App ડાઉનલોડ કરો.