રાજ્યસભાના સાંસદ જસવંતસિંહ પરમારની અધ્યક્ષતામાં સ્પોર્ટસ કોમ્પલેક્ષ કનેલાવ ગોધરા ખાતે વિવિધ રમત સ્પર્ધાઓ યોજાઇ
વિકાસ સપ્તાહ : “સફળ અને સક્ષમ નેતૃત્વના ૨૩ વર્ષ”
પંચમહાલ જિલ્લા કલેક્ટર આશિષકુમારના માર્ગદર્શન હેઠળ પંચમહાલ જિલ્લા સમગ્ર વિસ્તારોમાં વિકાસ સપ્તાહ નિમિત્તે વિવિધ કાર્યક્રમો હાથ ધરાયા છે. જેના ભાગરૂપે જિલ્લા વહિવટી તંત્ર અને જિલ્લા રમતગમત અધિકારીની કચેરી, ગોધરા- પંચમહાલ દ્વારા વિકાસ સપ્તાહની ઉજવણી નિમિત્તે ફૂટબોલ ટુર્નામેન્ટ, દોડ અને રસ્સાખેંચ સ્પર્ધાઓ સ્પોર્ટસ કોમ્પલેક્ષ કનેલાવ, ગોધરા ખાતે રાજ્યસભાના સાંસદ જસવંતસિંહ પરમારની અધ્યક્ષતામાં યોજવામાં આવી હતી.
આ પ્રસંગે રાજ્યસભાના સાંસદ જસવંતસિંહ પરમારના હસ્તે ખેલો ઇન્ડિયા સેન્ટરના ખેલાડીઓની ફુટબોલ ટુર્નામેન્ટ તથા અન્ય રમતોનો પ્રારંભ કરવામાં આવ્યો હતો. ખેલાડીઓ સાથે રમતોમાં પોતે પણ જોડાઇને સાંસદ એ ખેલાડીઓને પ્રોત્સાહન પુરૂ પાડ્યું હતું. તેમજ સાંસદશ્રીના હસ્તે ખેલાડીઓને કીટ્સનું વિતરણ કરવામાં આવ્યું હતું.
આ પ્રસંગે જિલ્લા રમત વિકાસ અધિકારી પ્રતાપસિંહ પસાયા , અગ્રણી સમરસિંહ પટેલ, સ્પોર્ટસ ટ્રેનર્સ અને મોટી સંખ્યામાં વિવિધ રમતોના ખેલાડીઓએ કાર્યક્રમમાં ભાગ લીધો હતો.
રીપોર્ટ વિનોદ પગી પંચમહાલ
8140210077
આ પ્રકારના તમામ સમાચાર માટેે
App ડાઉનલોડ કરો.