પાટણનાં સાંતલપુરમાં યુવકની હત્યા મામલે પંથકમાં ચકચાર મચી…

પાટણ
રાધનપુર
અનિલ રામાનુજ રાધનપુર

પાટણનાં સાંતલપુરમાં યુવકની હત્યા મામલે પંથકમાં ચકચાર મચી...

રાજુસરા ગામના યુવાનની તિક્ષણ હથિયાર વડે હત્યા કરેલી હાલતમાં લાશ મળી આવતા ચકચાર...

સાંતલપુરના રાજુસરા ગામનાં યુવાનની હત્યા કરી લાશને બાબરા પાટીયા નજીક બાવળોની ઝાડીમાં ફેંકી દેવાઈ...

પાટણ જિલ્લાના સાંતલપુર માં યુવકની નિર્મમ હત્યાને લઇને પંથકમાં ચકચાર મચી જવા પામી છે. ઘટનામાં જોઈએ તો સાંતલપુરના રાજુસરા ગામના 25 વર્ષીય યુવકનો બાવળોની ઝાડીમાંથી છરીના ઘા મારેલ હાલતમાં મૃતદેહ મળી આવ્યો હતો.જે મામલે પોલીસે આગળની વધુ તપાસ હાથ ધરી છે. સાંતલપુરના રાજુસરા ગામ ખાતે રહેતા અયુબરાજા મુસાભાઈ રાજા ઉ.વર્ષ.25 ઘરેથી સવારે સ્કોર્પિયો ગાડી લઈને પાટણ સર્વિસ કરાવવા નીકળ્યાં બાદ ઘરે પરત ન ફરતા પરિવારજનો દ્વારા શોધખોળ હાથ ધરી હતી. ગુમ થનાર યુવાનની પોલીસને પણ જાણ કરતા પોલીસે મોબાઈલ નંબર આધારે લોકેશન ટ્રેક કરીને શોધખોળ હાથ ધરતા તાલુકાના પર ગામ નજીકથી મોબાઇલ મળી આવ્યો હતો. મોબાઈલના આધાર પર પોલીસ દ્વારા આસપાસના 5 કિમીથી વધુના વિસ્તારમાં પોલીસ દ્વારા તપાસ હાથ ધરાતા બાબરા પાટિયા નજીકથી નેશનલ હાઇવે 27 પર બાવળોની ઝાડીમાંથી અડધું ગળું કાપેલી અને શરીરના ભાગે છરીના ઘા મારેલી કરપીણ હત્યા કરેલ યુવાનની લાશ મળી આવી હતી.અને પોલીસ દ્વારા લાશનું સ્થળ પર પંચનામું કરી લાશને સાંતલપુર રેફરલ હોસ્પિટલમાં પોસ્ટમોર્ટમ માટે ખસેડી હતી.

સાંતલપુરમાં યુવકની હત્યા મામલે રાધનપુર dysp નું નિવેદન:-

પાટણનાં સાંતલપુર ખાતે યુવકની હત્યા મામલે રાધનપુર ડીવાયએસપી ડી.ડી ચૌધરીના જણાવ્યા અનુસાર સાંતલપુર પોલીસ મથકે યુવકની હત્યા મામલે ગુન્હો નોંધાયેલ છે.જેમાં સમગ્ર ઘટના હકીકત જોઈએ તો કમલ હોટેલના જીવણભાઈ આહિરની સ્કોર્પિયો ગાડી રાજુસરા ગામનો અયુબભાઈરાજા જે અગાઉ પણ ડ્રાઇવર તરીકે રહી ચૂક્યો છે.તે અયુબભાઈ ગાડી સર્વિસ માટે તા.7/10/24 નાં રોજ પાટણ ગયેલ હતો.ત્યારે સાંજે યુવકનો હોટેલ માલિક એ સંપર્ક કરતા આશરે 9 વાગ્યાની આસપાસ આરામ હોટેલ રાધનપુર થી સાંતલપુર હાઇવે પર આવેલ છે ત્યાં સુધી પહોંચ્યો હોવાની વિગત મળી હતી. ત્યારબાદ યુવકનો કોઈ સંપર્ક નહિ થતાં ગાડીના માલિકે યુવકના મોબાઇલ મા સંપર્ક કરતા કોઈ એક રાહદારીને રાજુસરા નાં પુલ ઉપરથી મોબાઇલ મળેલ છે જે મોબાઇલ ગાડી માલિકને પરત સોંપવામાં આવેલ હતો.આ ઘટના ને પગલે મૃતક ડ્રાઇવર અયુબનાં ભાઈએ વાહન અને અયુબ નહિ મળતાં જાણવા જૉગ ફરિયાદ સાંતલપુર મથકે નોંધાવી હતી.

પોલીસે ફરિયાદના આધારે વાહન અને યુવક નહિ મળી આવતા પોલીસે અલગ અલગ ટીમો બનાવી એલસીબી એસોજી ની પણ મદદ લેવામાં આવેલી અને પાટણ જિલ્લા પોલીસ અધિક્ષક નાં સૂચના મુજબ ચારે ટીમો ચારે દિશામાં કાર્યરત હતી.જે દરમિયાન રાધનપુર થી કંડલા હાઇવે મુખ્ય મથક સાંતલપુરનાં બાબરા પાટીયા નજીક ચોકડી માં લાશ મળી આવી હતી.જેમાં પોલીસ દ્વારા મરણજનાર યુવકના પિતાજીને જાણ કરવામાં આવી હતી.જે જાણ બાદ મૃતક યુવકના પિતાએ દીકરાના મોત સંબંધિત સાંતલપુર પોલીસ મથકે ફરિયાદ નોંધાવી હતી.

કાવતરું રચી હત્યા કરી હોવાની શંકા મૃતકના પરિવારે દર્શાવી :

સાંતલપુર મથકે નોંધાયેલ ફરિયાદ માં મૃતક યુવકના પરિવારના જણાવ્યા મુજબ મૃતક યુવકને એક બહેન સાથે આડા સંબંધ હતા.જેથી એના સંબંધીઓએ જ કાવતરું રચી મોત નિપજાવેલ છે તેવી સાંતલપુર પોલીસ મથકે એફઆઇઆર માં શંકા દર્શાવી છે.

પોલીસે અલગ અલગ ટીમો બનાવી આરોપીને ઝડપી લેવા ચક્રોગતીમાન કર્યા, એલસીબી એસોજી ની પણ મદદ લેવાઈ:-

પાટણ જિલ્લાના સાંતલપુર ખાતે યુવકની હત્યા મામલે પોલીસ તંત્ર પણ એક્શન મોડમાં છે અને આરોપીઓને ટૂંક સમયમાં ઝડપી કાયદેસરની કાર્યવાહી કરવામાં આવશે તેવું મીડિયા સમક્ષ રાધનપુર dysp ડી.ડી.ચૌધરીએ જણાવ્યું હતું.
પોલીસે સમગ્ર ઘટનાને પગલે કાર્યવાહી કરી પોલીસ ની અલગ અલગ ટીમો શોધખોળ માં હતી. ત્યારે આ બાબતે શોધખોળ દરમિયાન સ્કોર્પિયો ગાડી મઢુત્રા થી મોમોઈ માતાજીના તરફ જવાનો કાચો માર્ગ છે ત્યાં કાચા માર્ગ પરના નેરિયા માં ફસાયેલ હાલત માં ગાડી મળી આવી હતી જ્યાં એફએસએલ અધિકારી અને સાથે રહેલ તપાસ અધિકારી દ્વારા પંચનામુ કરતા ગાડીમાં બ્લડ મળી આવ્યું હતું.ફરિયાદમાં જે આરોપીઓ જણાવેલ છે તે પોલીસના હાફ વેંતમાં છે અને ટુંકુ જ સમયમાં પોલીસ આરોપીઓ ને ઝડપી સમગ્ર બાબતની ઉંડાણપૂર્વક તપાસ કરી આરોપીઓ ને કાયદેસરની સજા થાય તે દિશામાં તપાસ કરવામાં આવશે તેવું રાધનપુર dysp ડી.ડી ચૌધરીએ જણાવ્યું હતું.

આ પ્રકારના તમામ સમાચાર માટેે App ડાઉનલોડ કરો.