કોલકાતા રેપ- હત્યા કેસ:9 ઓક્ટોબરથી ડોકટરો દેશવ્યાપી ભૂખ હડતાળ કરશે; બંગાળ સરકારે કામ પર પાછા ફરવાની અપીલ કરી

​​​​​​કોલકાતા રેપ-હત્યા કેસના વિરોધમાં જુનિયર ડોકટરો આજે કોલેજ સ્ક્વેરથી ધર્મતલા સુધી રેલી યોજશે. ડોક્ટરોએ કહ્યું કે જ્યાં સુધી અમારી તમામ માંગણીઓ નહીં સંતોષાય ત્યાં સુધી અમે આંદોલન ચાલુ રાખીશું. અમે કોઈપણ દબાણ સામે ઝૂકવાના નથી. કોલકાતામાં છ જુનિયર ડોક્ટરો 5 ઓક્ટોબરથી અચોક્કસ સમયની ભૂખ હડતાળ પર ઉતર્યા છે. ફેડરેશન ઓફ ઓલ ઈન્ડિયા મેડિકલ એસોસિએશન (FAIMA) એ જુનિયર ડોકટરોને સમર્થન જાહેર કર્યું છે. FAIMAએ એક બેઠક બાદ 9 ઓક્ટોબરથી દેશવ્યાપી ભૂખ હડતાળની જાહેરાત કરી છે. જુનિયર ડોકટરો આરોગ્ય સચિવ એનએસ નિગમને હટાવવા અને આરોગ્ય વિભાગમાં ભ્રષ્ટાચાર માટે જવાબદારી નક્કી કરવા સહિતની તેમની 9 માંગણીઓ પર મક્કમ છે. ડોક્ટરોએ કહ્યું કે તેઓ ભૂખ હડતાળની પારદર્શિતા જાળવવા માટે સ્ટેજ પર સીસીટીવી લગાવશે, જેથી બધા જોઈ શકે કે ત્યાં શું થઈ રહ્યું છે. બીજી તરફ, સરકારે તમામ દેખાવકારોને કામ પર પાછા આવવાની અપીલ કરી છે. મુખ્ય સચિવ મનોજ પંતે કહ્યું કે 90 ટકા પ્રોજેક્ટ આવતા મહિના સુધીમાં પૂર્ણ થઈ જશે. તેમણે દાવો કર્યો હતો કે સીસીટીવી લગાવવાનું 45%થી વધુ કામ પૂર્ણ થઈ ગયું છે. સરકાર પોતાના વચનો પૂરા કરી રહી છે. CBIએ કહ્યું- ટ્રેઈની ડોક્ટર પર ગેંગરેપ નથી થયો
CBIએ ટ્રેઈની ડોક્ટરના રેપ-મર્ડર કેસમાં પ્રથમ ચાર્જશીટ રજુ કરી છે. જેમાં તપાસ એજન્સીએ ટ્રેઈની ડોક્ટર પર ગેંગરેપની શક્યતાને નકારી કાઢી છે. એજન્સીનું કહેવું છે કે આ ગુનો સંજય રોયે એકલા જ કર્યો હતો. લગભગ 100 સાક્ષીઓના નિવેદનો અને 12 પોલીગ્રાફ ટેસ્ટ કર્યા બાદ CBI​​​​​​​ આ નિષ્કર્ષ પર પહોંચી છે. પોલીસે ઘટનાના બીજા દિવસે 10 ઓગસ્ટે સંજયની ધરપકડ કરી હતી. 9 ઓગસ્ટની સવારે હોસ્પિટલના સેમિનાર હોલમાં પીડિતાની અર્ધ-નગ્ન હાલતમાં ડેડબોડી મળી આવી હતી. પોસ્ટમોર્ટમ રિપોર્ટમાં જણાવવામાં આવ્યું હતું કે પીડિતાની બંને આંખો, મોં અને પ્રાઈવેટ પાર્ટમાંથી લોહી વહી રહ્યું હતું. જો કે સંજય હજુ પણ પોતાને નિર્દોષ ગણાવી રહ્યો છે. પોલીસે સીસીટીવી ફૂટેજ પરથી સંજયની ઓળખ કરી હતી. ફૂટેજમાં તે 9 ઓગસ્ટના રોજ સવારે 4 વાગ્યે સેમિનાર હોલમાં ઘુસતો જોવા મળ્યો હતો. આ દરમિયાન તેણે કાનમાં ઈયરફોન પહેર્યા હતા. લગભગ 40 મિનિટ પછી જ્યારે તે હોલમાંથી બહાર આવ્યો ત્યારે તેની પાસે ઈયરફોન નહોતા. પોલીસને ગુનાના સ્થળે એક બ્લુટુથ ઈયરફોન મળ્યો હતો, જે તેના ફોન સાથે કનેક્ટ હતો. સરકારે 5માંથી 3 માંગણીઓ સ્વીકારી હતી, ડોકટરો કામ પર પાછા ફર્યા હતા
રેપ-હત્યાની ઘટનાના વિરોધમાં બંગાળના જુનિયર ડોક્ટર્સ 10 ઓગસ્ટથી 21 સપ્ટેમ્બર સુધી 42 દિવસની હડતાળ પર ઉતર્યા હતા. ડોક્ટરોએ સરકાર સમક્ષ 5 માંગણીઓ મૂકી હતી. જેમાંથી સરકારે 3 માંગણીઓ સ્વીકારી હતી. સીએમ મમતાએ અન્ય બે માંગણીઓ અને શરતો પર વિચાર કરવાની ખાતરી આપી હતી. આ પછી ડોક્ટરોએ હડતાળ સમોટી હતી. તેઓ હોસ્પિટલોમાં કામ પર પાછા ફર્યા હતા. 27 સપ્ટેમ્બરના રોજ, સાગર દત્તા હોસ્પિટલમાં 3 ડોકટરો અને 3 નર્સોની મારપીટનો મામલો સામે આવ્યો હતો, જેના કારણે તેમનાથી નારાજ ડોકટરોએ 1 ઓક્ટોબરથી ફરી હડતાળ શરૂ કરી હતી. 4 ઑક્ટોબરે, જુનિયર ડૉક્ટરોએ હડતાળ પાછી ખેંચી હતી, પરંતુ હડતાળ ચાલુ રાખી હતી. તેમણે કહ્યું કે અમે કામ પર પાછા ફરી રહ્યા છીએ કારણ કે સરકારી હોસ્પિટલોમાં મોટી સંખ્યામાં દર્દીઓને સમસ્યાનો સામનો કરવો પડી રહ્યો છે. જોકે, તેમણે રાજ્ય સરકારને 24 કલાકનું અલ્ટીમેટમ આપ્યું હતું. ડોક્ટરે કહ્યું- જો કોઈને કંઈ થશે તો જવાબદારી રાજ્ય સરકારની રહેશે
જુનિયર ડોક્ટરોએ કહ્યું કે અમે સરકારને 24 કલાકનો સમય આપ્યો હતો, પરંતુ 24 કલાક પછી અમને માત્ર ધમકીઓ મળી છે. અમને કામ પર પાછા ફરવાનું કહેવામાં આવે છે, પરંતુ અમે તે સ્થિતિમાં નથી. ડોક્ટરોના જણાવ્યા અનુસાર પ્રથમ તબક્કામાં 6 જુનિયર ડોક્ટરો ભૂખ હડતાળ પર બેસશે. જો હજુ પણ માંગણીઓ નહી સંતોષાય તો આ અનશન અચોક્કસ મુદત સુધી ચાલુ રહેશે. જો આવી સ્થિતિમાં કોઈને કંઈ થશે તો તેની સંપૂર્ણ જવાબદારી રાજ્ય સરકારની રહેશે. ભૂખ હડતાળ પર બેઠેલા છ ડોકટરોની ઓળખ કોલકાતા મેડિકલ કોલેજ અને હોસ્પિટલના સ્નિગ્ધા હઝરા, તાનિયા પંજા અને અનુસ્તુપ મુખોપાધ્યાય, એસએસકેએમ હોસ્પિટલના અર્નબ મુખોપાધ્યાય, એનઆરએસ મેડિકલ કોલેજ અને હોસ્પિટલના પુલસ્થ આચાર્ય અને કેપીસી મેડિકલ કોલેજના સયાંતની ઘોષ હઝરા તરીકે કરવામાં આવી હતી. જુનિયર ડોકટરોએ 1 ઓક્ટોબરે કહ્યું હતું કે અમારી સુરક્ષાની માંગણીઓને પહોંચી વળવા અંગે મમતા સરકારનું વલણ પોઝિટિવ જણાતું નથી. સીએમ મમતાના વચનો પૂરા કરવા માટે કોઈ પ્રયાસ કરવામાં આવી રહ્યો હોય તેવું લાગતું નથી. અમારી પાસે આજથી કામ સંપૂર્ણપણે બંધ કરવા સિવાય કોઈ વિકલ્પ રહ્યો નથી. સુપ્રીમ કોર્ટમાં કહ્યું હતું કે તમામ ઇમરજન્સી અને આવશ્યક સેવાઓ ચાલુ છે સુપ્રીમ કોર્ટમાં 30 સપ્ટેમ્બરે થયેલી સુનાવણીમાં બંગાળ સરકારે કહ્યું હતું કે ઇનપેશન્ટ ડિપાર્ટમેન્ટ અને આઉટપેશન્ટ ડિપાર્ટમેન્ટમાં રેસિડેન્ટ ડૉક્ટર્સ કામ કરી રહ્યા નથી. આના જવાબમાં ડોકટરોના વકીલે કહ્યું કે ડોકટરો તમામ ઇમરજન્સી અને આવશ્યક સેવાઓમાં કામ કરી રહ્યા છે. કેસની આગામી સુનાવણી 14 ઓક્ટોબરે થશે.

આ પ્રકારના તમામ સમાચાર માટેે App ડાઉનલોડ કરો.