અમિત શાહના ખડગે પર પ્રહાર:શાહે કહ્યું- ખડગેજી હું પ્રાર્થના કરું છું તમે લાંબુ જીવો અને વિકસિત ભારત બનતા જુઓ; કોંગ્રેસ અધ્યક્ષે કહ્યું હતું- મોદીને હટાવ્યા વિના મરવાનો નથી

ગૃહમંત્રી અમિત શાહે સોમવારે કોંગ્રેસ અધ્યક્ષ મલ્લિકાર્જુન ખડગેના મોદી પરના નિવેદન પર નિશાન સાધ્યું હતું. શાહે કહ્યું, "કોંગ્રેસ અધ્યક્ષ તેમની પાર્ટીના નેતાઓ કરતાં વધુ શરમજનક નિવેદનો આપે છે. અમારી પ્રાર્થના છે કે તેઓ ઘણા વર્ષો સુધી જીવે અને 2047 સુધીમાં વિકસિત ભારત જોવે." ખરેખરમાં, કઠુઆમાં એક રેલી દરમિયાન 83 વર્ષીય કોંગ્રેસ અધ્યક્ષ મલ્લિકાર્જુન ખડગેની તબિયત લથડી હતી. બાદમાં તેમણે કહ્યું કે જ્યાં સુધી મોદીને હટાવવામાં નહીં આવે ત્યાં સુધી તેઓ જીવિત રહેશે. શાહે સોશિયલ મીડિયા પર ખડગેને જવાબ આપ્યો ​​​​​શાહે લખ્યું - "ગઈકાલે, કોંગ્રેસ અધ્યક્ષ મલ્લિકાર્જુન ખડગેએ તેમના ભાષણમાં તેમના નેતાઓ અને તેમની પાર્ટી કરતા વધુ ખરાબ અને શરમજનક વાત કરી હતી. તેમણે પોતાની કડવાશ દર્શાવતા કારણ વગર પીએમ મોદીનું નામ તેમના અંગત સ્વાસ્થ્યના મામલામાં ઢસડ્યું અને કહ્યું કે તેઓ ​​​​​​​પીએમ મોદીને સત્તા પરથી હટાવ્યા પછી જ મરીશ. આ દર્શાવે છે કે આ કોંગ્રેસીઓને પીએમ મોદી પ્રત્યે કેટલી નફરત અને ડર છે. તેઓ પળે પળ તેમના વિશે જ વિચાર્યા કરે છે. જ્યાં સુધી શ્રી ખડગેના સ્વાસ્થ્યની વાત છે, તો મોદીજી અને હું પ્રાર્થના કરીએ છીએ, અમે બધા પ્રાર્થના કરીએ છીએ કે તેઓ લાંબુ જીવે અને સ્વસ્થ રહે તેમજ 2047 સુધીમાં વિકસિત ભારત જોવે." ગઈ કાલે જમ્મુમાં ભાષણ દરમિયાન ખડગેની તબિયત લથડી હતી, કહ્યું- મોદીને હટાવ્યા વિના હું મરીશ નહીં 29 સપ્ટેમ્બરના રોજ કોંગ્રેસ અધ્યક્ષ ખડગે જમ્મુ-કાશ્મીરના કઠુઆ જિલ્લામાં એક રેલીને સંબોધન કરતી વખતે સ્ટેજ પર બેભાન થઈ ગયા હતા. ખડગે 28 સપ્ટેમ્બરે કઠુઆમાં માર્યા ગયેલા કોન્સ્ટેબલને શ્રદ્ધાંજલિ આપી રહ્યા હતા ત્યારે તેમની તબિયત લથડી હતી. ભાષણ આપતી વખતે ખડગે બોલતા બોલતા અટકી ગયા અને અચાનક તેઓ બેભાન થઈ ગયા. જેના કારણે ભીડમાં અફરાતફરી મચી ગઈ હતી. સ્ટેજ પર ઉભેલા લોકોએ તેમને ટેકો આપીને બેસાડ્યા હતા. સ્વસ્થ થયા બાદ ખડગે સ્ટેજ પર પાછા આવ્યા અને કહ્યું - હું 83 વર્ષનો છું, પણ હું આટલી જલદી મરવાનો નથી. જ્યાં સુધી મોદીને હટાવવામાં નહીં આવે ત્યાં સુધી હું મરીશ નહીં. હું તમારી વાત સાંભળતો રહીશ. જમ્મુ-કાશ્મીરને પૂર્ણ રાજ્યનો દરજ્જો આપવાની વાત કરતો રહીશ. જમ્મુ-કાશ્મીરમાં આવતીકાલે મતદાનનો છેલ્લો દિવસ છે જમ્મુ-કાશ્મીરમાં આવતીકાલે મતદાનનો છેલ્લો દિવસ છે. ત્રીજા તબક્કામાં મંગળવારે 7 જિલ્લાની 40 વિધાનસભા બેઠકો પર મતદાન થશે. જેમાં 39.18 લાખ મતદારોનો સમાવેશ થશે. છેલ્લા તબક્કાની 40 બેઠકોમાંથી 24 જમ્મુ વિભાગની અને 16 કાશ્મીર ઘાટીની છે. જમ્મુ-કાશ્મીરની 90 વિધાનસભા બેઠકો પર 18 સપ્ટેમ્બર, 25 સપ્ટેમ્બર અને 1 ઓક્ટોબરે ત્રણ તબક્કામાં મતદાન થઈ રહ્યું છે. બહુમતીનો આંકડો 46 છે. 8 ઓક્ટોબરે પરિણામ જાહેર થશે. જમ્મુ-કાશ્મીરમાં 10 વર્ષ બાદ વિધાનસભાની ચૂંટણી યોજાઈ રહી છે. 2014ની ચૂંટણીમાં પીડીપીને સૌથી વધુ 28 અને ભાજપને 25 બેઠકો મળી હતી. બંને પક્ષોએ સાથે મળીને સરકાર બનાવી હતી. જમ્મુ-કાશ્મીરમાં 10 વર્ષ બાદ વિધાનસભાની ચૂંટણી યોજાઈ રહી છે જમ્મુ-કાશ્મીરમાં 10 વર્ષ બાદ વિધાનસભાની ચૂંટણી યોજાઈ રહી છે. 2019માં કલમ 370 હટાવ્યા બાદ આ પ્રથમ વિધાનસભા ચૂંટણી છે. જમ્મુ અને કાશ્મીરમાં 90 વિધાનસભા મતવિસ્તાર છે, જેમાંથી 7 અનુસૂચિત જાતિ અને 9 અનુસૂચિત જનજાતિ માટે અનામત છે. પ્રથમ તબક્કાનું મતદાન 18મી સપ્ટેમ્બરે અને બીજા તબક્કાનું મતદાન 25મી સપ્ટેમ્બરે થયું હતું. ત્રીજા તબક્કાનું મતદાન 1 ઓક્ટોબરે થશે. પરિણામ 8 ઓક્ટોબરે આવશે. ચૂંટણી પંચના જણાવ્યા અનુસાર અહીં 88.06 લાખ મતદારો છે. 2014ની વિધાનસભા ચૂંટણીમાં ભાજપે 25 બેઠકો જીતી હતી. પીપલ્સ ડેમોક્રેટિક પાર્ટી (PDP) એ 28 સીટો, જમ્મુ અને કાશ્મીર નેશનલ કોન્ફરન્સ (NC) 15 અને કોંગ્રેસ 12 સીટો પર જીત મેળવી હતી.

આ પ્રકારના તમામ સમાચાર માટેે App ડાઉનલોડ કરો.