શાહે કહ્યું- 40 હજાર હત્યાઓ માટે અબ્દુલ્લા અને નેહરુ જવાબદાર:જ્યારે આતંકવાદથી કાશ્મીર ભડકે બળી રહ્યું હતું ત્યારે ફારૂક લંડનમાં રજાની મજા માણતા હતા

ગૃહમંત્રી અમિત શાહ આજે જમ્મુ-કાશ્મીરમાં ચૂંટણી રેલીમાં સંબોધન કર્યું હતું. શાહે ચેનાની અને ઉધમપુરમાં લોકોને સંબોધન કર્યુ હતું. તેમણે કહ્યું કે જમ્મુ-કાશ્મીરમાં 40,000 લોકોની હત્યા માટે અબ્દુલ્લા અને નેહરુ જવાબદાર છે. તે સમયે ફારુક અબ્દુલ્લા ક્યાં હતા? તેઓ લંડનમાં ઉનાળાની રજાઓ માણી રહ્યા હતા અને મોંઘી મોટરસાઇકલ ચલાવતા હતા. જમ્મુ-કાશ્મીરમાંથી કોઈ પક્ષ નહીં, માત્ર ભાજપે આતંકવાદને ખતમ કર્યો છે. શાહે કહ્યું કે આ લોકો આપણા દેશની સંસદ પર હુમલો કરનાર અફઝલ ગુરુની ફાંસીની સજાનો વિરોધ કરી રહ્યા છે. ઓમર અબ્દુલ્લાએ કહ્યું કે અફઝલ ગુરુને ફાંસી ન આપવી જોઈએ. ઓમર અબ્દુલ્લા સાહેબ, તમે આતંકવાદીઓને બિરયાની ખવડાવતા રહો, પણ તમે જે આતંક ફેલાવો છો તેનો જવાબ ફાંસીનાં માંચડા પર જ આપવામાં આવશે. શાહે નૌશેરામાં કહ્યું હતું - હવે કોઈ 370 પરત લાવી શકશે નહીં
ચાર દિવસ પહેલા નૌશેરામાં ચૂંટણી પ્રચાર દરમિયાન શાહે કહ્યું- ફારુક અબ્દુલ્લા ઇચ્છે છે કે અમે આતંકવાદ મામલે પાકિસ્તાન સાથે વાતચીત કરીએ. આતંકવાદ ખતમ ન થાય ત્યાં સુધી અમે પાકિસ્તાન સાથે વાતચીત કરવાના નથી. ફારુક અબ્દુલ્લા કહે છે કે તેઓ કલમ 370 પરત લાવશે. ફારુક સાહેબ, હવે કોઈ કલમ 370 પરત લાવી શકશે નહીં. હવે બંકરોની જરૂર નથી, કારણ કે કોઈ ફાયરિંગ કરવાની હિંમત કરશે નહીં. જો ત્યાં ફાયરિંગ થશે તો તેનો જવાબ તોપગોળાથી આપવામાં આવશે. શાહના હુમલા પર ફારુક અબ્દુલ્લાએ વળતો જવાબ આપ્યો હતો. તેમણે કહ્યું- કેન્દ્ર સરકાર ચીન સાથે વાત કરી શકે છે, જેણે અમારી 2 હજાર કિલોમીટર જમીન પર કબજો કર્યો છે. તમે પાકિસ્તાન સાથે વાત કેમ નથી કરી શકતા? આતંકવાદનો ઉકેલ શોધવો જોઈએ. ક્યાં સુધી આપણા લોકો મરતા રહેશે? શાહના ભાષણમાંથી 5 મોટી વાતો... જમ્મુ-કાશ્મીરમાં 10 વર્ષ બાદ વિધાનસભાની ચૂંટણી યોજાઈ રહી છે જમ્મુ-કાશ્મીરમાં 10 વર્ષ બાદ વિધાનસભાની ચૂંટણી યોજાઈ રહી છે. 2019માં કલમ 370 હટાવ્યા બાદ આ પ્રથમ વિધાનસભા ચૂંટણી છે. જમ્મુ અને કાશ્મીરમાં 90 વિધાનસભા મતવિસ્તાર છે, જેમાંથી 7 અનુસૂચિત જાતિ અને 9 અનુસૂચિત જનજાતિ માટે અનામત છે. પ્રથમ તબક્કાનું મતદાન 18 સપ્ટેમ્બરે થયું હતું. બીજા તબક્કાનું મતદાન 25મી સપ્ટેમ્બરે અને ત્રીજા તબક્કાનું મતદાન 1લી ઓક્ટોબરે યોજાશે. પરિણામ 8 ઓક્ટોબરે આવશે. ચૂંટણી પંચના જણાવ્યા અનુસાર અહીં 88.06 લાખ મતદારો છે. 2014ની વિધાનસભા ચૂંટણીમાં ભાજપે 25 બેઠકો જીતી હતી. પીપલ્સ ડેમોક્રેટિક પાર્ટી (PDP) એ 28 સીટો, જમ્મુ અને કાશ્મીર નેશનલ કોન્ફરન્સ (NC) એ 15 સીટો અને કોંગ્રેસે 12 સીટો પર જીત મેળવી હતી. ભાજપ 90માંથી 62 સીટો પર ચૂંટણી લડી રહ્યું છે
ભાજપે જમ્મુ-કાશ્મીરની 90માંથી 62 બેઠકો માટે ઉમેદવારોની જાહેરાત કરી છે. ભાજપે જમ્મુ વિભાગની તમામ 43 બેઠકો પર ઉમેદવારો ઉભા રાખ્યા છે. પાર્ટી કાશ્મીરમાં 47માંથી 19 સીટો પર ચૂંટણી લડી રહી છે. બાકીની 28 બેઠકો પર ભાજપ અપક્ષ ઉમેદવારોને સમર્થન આપશે. પ્રથમ તબક્કામાં રેકોર્ડ 61.13% મતદાન
18 સપ્ટેમ્બરે પ્રથમ તબક્કામાં 7 જિલ્લાની 4 વિધાનસભા બેઠકો પર મતદાન થયું હતું. આ દરમિયાન 61.13% મતદાન થયું હતું. ચૂંટણી પંચના જણાવ્યા અનુસાર, સૌથી વધુ મતદાન કિશ્તવાડમાં 80.14% અને સૌથી ઓછું પુલવામામાં 46.65% હતું. ડોડા 71.34% સાથે બીજા સ્થાને, રામબન 70.55% સાથે ત્રીજા સ્થાને હતું. પ્રથમ તબક્કાના મતદાનમાં દેશના વિવિધ રાજ્યોમાં રહેતા 35 હજારથી વધુ કાશ્મીરી પંડિતોએ પણ પોતાનો મત આપ્યો હતો. તેમના માટે કુલ 24 વિશેષ બૂથ બનાવવામાં આવ્યા હતા. દિલ્હીમાં 4, જમ્મુમાં 19 અને ઉધમપુરમાં 1 બૂથ હતા.

આ પ્રકારના તમામ સમાચાર માટેે App ડાઉનલોડ કરો.