વિરપુરમાં વરલી મટકાનો જુગાર રમાડતાં બે ઝડપાયા..

મહિસાગર જીલ્લાના વિરપુર ખાતે પોલીસે ખડીયાટનાકા પાસે ખુલ્લામાં વરલી મટકાનો જુગાર રમાડતાં બે શખ્સને રંગેહાથ પકડી લીધા હતા. આ બન્ને શખ્સને પકડી તેમની પાસેથી રોકડ સહિતનો મુદ્દામાલ કબજે કરી કાર્યવાહી કરી હતી વિરપુર પોલીસને બાતમી મળી હતી કે, ખડીયાટનાકા પાસે ખુલ્લી જગ્યામાં હબીબ ઇમામ નાકેદાર નામનો શખ્સ વરલી મટકાનો આંક ફરકનો જુગાર રમાડી રહ્યો છે. આ બાતમી આધારે વિરપુર પોલીસે ટીમ બનાવી 25મીની મોડી રાત્રે દરોડો પાડ્યો હતો આ દરોડામાં એક શખ્સ સ્લીપ બુકમાં કંઇક લખતો રંગેહાથ પકડાયો હતો. જેની પુછપરછ કરતાં હબીબ ઇમામ નાકેદાર (ઉ.વ.72, રહે. કસ્બા લીમડા ફળી, વિરપુર) હોવાનું જણાવ્યું હતું. જ્યારે બીજા શખ્સની પુછપરછ કરતાં તે ઇરફાન હબીબ શેખ (રહે.લીમડા ફળી, વિરપુર) હોવાનું જણાવ્યું હતું. આ બન્ને શખ્સ પાસેથી પોલીસે રોકડ સહિત કુલ રૂ.600નો મુદ્દામાલ કબજે કરી બન્ને વિરૂદ્ધ જુગાર ધારા હેઠળ ગુનો નોંધ્યો હતો..

રિપોર્ટર . પ્રકાશ ઠાકોર વિરપુર મહીસાગર

આ પ્રકારના તમામ સમાચાર માટેે App ડાઉનલોડ કરો.