ભાવનગર યુનિવર્સિટી આયોજિત આંતર કૉલેજ ફૂટબોલ સ્પર્ધામાં બોટાદકર કોલેજની સિદ્ધિ.

(અજય ચૌહાણ દ્વારા)
મહારાજા કૃષ્ણકુમારસિંહજી ભાવનગર યુનિવર્સિટી દ્વારા આયોજિત આંતર કોલેજ ફૂટબોલ સ્પર્ધા (ભાઈઓ) તારીખ ૧૩/૯/૨૪ ના રોજ ભાવનગર ખાતે યોજાયેલ. જેમાં બોટાદની કવિ શ્રી બોટાદકર આર્ટસ એન્ડ કોમર્સ કોલેજની ફૂટબોલ ટીમ સેમી ફાઈનલમાં પહોંચી હતી. તારીખ ૨૩/૯/૨૪ ના રોજ આંતર કોલેજ ફૂટબોલની સેમી ફાઈનલ સ્પર્ધા બોટાદકર કોલેજ અને સર પી પી સાયન્સ કોલેજ,ભાવનગર સાથે રમાડવામાં આવેલ. જેમાં બોટાદકર કોલેજની ટીમે શાનદાર રમત રમી વિજય પ્રાપ્ત કરી સમગ્ર ભાવનગર યુનિવર્સિટીમાં તૃતીય સ્થાન પ્રાપ્ત કરેલ છે. આ ટીમમાં કેપ્ટન તરીકે ગોહિલ મેહુલ અને ટીમમાં સુવાણ રોહિત, ગોલેતર કૌશલ, બાખડકિયા દર્શન, શિહોરા રાહુલ, બથવાર આર્યન, વાલાણી હર્ષદ , કુરેશી રેહાન, ઝેન જીગર, જમોડ વિશાલ, પંચાલા મેહુલ, ડાભી નિખિલ, બાવળિયા રવિ અને ઝાલા અરવિંદનો સમાવેશ થાય છે. સમગ્ર ભાવનગર યુનિવર્સિટીમાં બોટાદકર કોલેજને ગૌરવ અપાવવા બદલ સમગ્ર સ્ટાફગણ, કોલેજના કોચ શ્રી અવનીબેન બથવાર અને મિતલબા રાઠોડ ,કોલેજના પ્રિ. શ્રી ડૉ અનિરુધ્ધસિંહ મકવાણા સાહેબે સમગ્ર ટીમ ને અભિનંદન પાઠવેલ છે.

આ પ્રકારના તમામ સમાચાર માટેે App ડાઉનલોડ કરો.