કોલકાતા રેપ-મર્ડર કેસ:CBIએ કહ્યું- પોલીસે ખોટા ડોક્યુમેન્ટ બનાવ્યા, કેટલાક રેકોર્ડમાં પણ ચેડા કર્યા; ઘટનાના બે દિવસ બાદ સંજય રોયના કપડાં જપ્ત કરાયા હતા
કોલકાતાની આરજી કર મેડિકલ કોલેજ અને હોસ્પિટલમાં 9 ઓગસ્ટના રોજ ટ્રેઈની ડૉક્ટરનો રેપ-હત્યા કેસની તપાસ કરી રહેલી CBIએ નવા ખુલાસા કર્યા છે. એજન્સીએ બુધવારે સિયાલદહ કોર્ટમાં દાવો કર્યો હતો કે તાલા પોલીસ સ્ટેશનમાં રેપ-હત્યા કેસ સાથે સંબંધિત કેટલાક ખોટા ડોક્યુમેન્ટ તૈયાર કરવામાં આવ્યા હતા. કેટલાક રેકોર્ડમાં પણ ચેડા કરી ફેરફાર કરવામાં આવ્યા હતા. CBIએ કહ્યું કે પોલીસે મુખ્ય આરોપી સંજય રોયના કપડાં અને સામાન જપ્ત કરવામાં બે દિવસ મોડું કર્યું હતું. જો તેમની સમયસર તપાસ કરવામાં આવી હોત તો આરોપીઓ સામે મજબૂત પુરાવા મળી શક્યા હોત. એજન્સીએ પોલીસ સ્ટેશનના CCTV ફૂટેજ સેન્ટ્રલ ફોરેન્સિક સાયન્સ લેબોરેટરી (CFSL)ને તપાસ માટે મોકલી આપ્યા છે. CBI હવે સંજય રોય, મેડિકલ કોલેજના પૂર્વ પ્રિન્સિપાલ સંદીપ ઘોષ અને તાલા પોલીસ સ્ટેશનના ઈન્ચાર્જ અભિજિત મંડલ વચ્ચેના કોઈપણ ગુનાહિત કાવતરાની તપાસ કરી રહી છે. કોર્ટે સંદીપ ઘોષ અને સસ્પેન્ડ કરાયેલા પોલીસ અધિકારી અભિજિત મંડલની CBI કસ્ટડી 30 સપ્ટેમ્બર સુધી લંબાવી છે. 30 સપ્ટેમ્બરે નાર્કો અને પોલીગ્રાફ ટેસ્ટ માટે ઘોષ-મંડલની સંમતિ માંગવામાં આવશે
30 સપ્ટેમ્બરે થનારી આગામી સુનાવણીમાં નાર્કો ટેસ્ટ અને અભિજીત મંડલના પોલીગ્રાફ ટેસ્ટ માટે ઘોષની સંમતિ માંગવામાં આવશે. CBIએ 14 સપ્ટેમ્બરે અભિજીત મંડલની ધરપકડ કરી હતી. મેડિકલ કોલેજમાં નાણાકીય ગેરરીતિના કેસમાં સંદીપ ઘોષ 16 ઓગસ્ટથી જ્યુડિશિયલ કસ્ટડીમાં હતા. 2 સપ્ટેમ્બરે CBIએ તેમની ભ્રષ્ટાચારના કેસમાં ધરપકડ કરી હતી. રેપ-મર્ડર કેસમાં 14 સપ્ટેમ્બરે તેની ધરપકડ કરવામાં આવી હતી. 9 ઓગસ્ટના રોજ હોસ્પિટલના સેમિનાર હોલમાં ડોક્ટરનો મૃતદેહ મળી આવ્યો હતો
ટ્રેઈની ડોક્ટરનો મૃતદેહ 9 ઓગસ્ટના રોજ સવારે આરજી કર મેડિકલ કોલેજ એન્ડ હોસ્પિટલના સેમિનાર હોલમાં મળ્યો હતો. તે 8 ઓગસ્ટની રાત્રે નાઇટ શિફ્ટ દરમિયાન આરામ કરવા માટે ત્યાં ગઈ હતી. 10 ઓગસ્ટે પોલીસે સીસીટીવી ફૂટેજના આધારે સંજય રોયની ધરપકડ કરી હતી. તે 9 ઓગસ્ટના રોજ સવારે 4.03 વાગ્યે સેમિનાર હોલમાં જતા દેખાયો હતા. 13 ઓગસ્ટના રોજ કલકત્તા હાઈકોર્ટે કેસની તપાસ કોલકાતા પોલીસ પાસેથી CBIને ટ્રાન્સફર કરી હતી. CBIએ 14 ઓગસ્ટે તપાસ સંભાળી હતી. CBI તપાસમાં ખુલાસો- ઘોષે ઘટનાના બીજા દિવસે રિનોવેશનનો આદેશ આપ્યો હતો 5 સપ્ટેમ્બરે સીબીઆઈની તપાસમાં ખુલાસો થયો કે ડૉક્ટરનો રેપ-હત્યાના બીજા જ દિવસે સંદીપ ઘોષે સેમિનાર હોલની બાજુમાં આવેલા રૂમના રિનોવેશનનો આદેશ આપ્યો હતો. 13 ઓગસ્ટના રોજ સેમિનાર હોલ પાસે ડિમોલિશન પણ શરૂ થઈ ગયું હતું. સૂત્રોના જણાવ્યા અનુસાર, CBIને એવા દસ્તાવેજો મળ્યા છે જે પુષ્ટિ કરે છે કે સંદીપ ઘોષે 10 ઓગસ્ટે રાજ્યના જાહેર બાંધકામ વિભાગ (PWD)ને સેમિનાર હોલની બાજુમાં આવેલા રૂમ અને શૌચાલયનું રિનોવેશન કરવા માટે પત્ર લખ્યો હતો. આ મંજુરી પત્ર પર ઘોષની સહી પણ છે. પીડબલ્યુડી સ્ટાફે સેમિનાર હોલની બાજુમાં આવેલ રૂમનું રિનોવેશન શરૂ કર્યું હતું. જો કે, કોલેજના વિદ્યાર્થીઓએ આ મામલાને લઈને મોટા પાયે વિરોધ શરૂ કર્યો હતો, જેના કારણે ત્યાં રિનોવેશનનું કામ અટકાવી દેવામાં આવ્યું હતું. તપાસ અધિકારીઓનું કહેવું છે કે રિનોવેશન પત્ર પરથી સ્પષ્ટ થાય છે કે ઘોષ આ કામ કરાવવાની ઉતાવળમાં હતો, તેથી આ દસ્તાવેજ રેપ-હત્યાના કેસ અને આરજી કર કોલેજમાં નાણાકીય અનિયમિતતાના કેસ વચ્ચેની કડીને જોડવામાં મદદ કરી શકે છે. ભ્રષ્ટાચારના આરોપોનો સામનો કરી રહેલા સંદીપ ઘોષે 12 ઓગસ્ટે રાજીનામું આપ્યું હતું
રેપ-હત્યાની ઘટનાના ત્રણ દિવસ પછી, સંદીપ ઘોષે આ ઘટનાની નૈતિક જવાબદારી સ્વીકારીને 12 ઓગસ્ટના રોજ પ્રિન્સિપાલના પદેથી રાજીનામું આપ્યું હતું. જોકે, સીબીઆઈએ આરજી કર કોલેજમાં ભ્રષ્ટાચારના મામલે 16 ઓગસ્ટે તેની અટકાયત કરી હતી. 24 ઓગસ્ટે ઘોષ વિરુદ્ધ નાણાકીય અનિયમિતતાનો કેસ નોંધવામાં આવ્યો હતો. CBIએ કલકત્તા હાઈકોર્ટના આદેશ પર આ કાર્યવાહી કરી છે. આ પછી, ઇન્ડિયન મેડિકલ એસોસિએશન (IMA) એ 28 ઓગસ્ટે સંદીપ ઘોષનું સભ્યપદ સસ્પેન્ડ કરી દીધું હતું. CBI તપાસમાં નાણાકીય ગેરરીતિઓ સંબંધિત ખુલાસાઓ...
આ પ્રકારના તમામ સમાચાર માટેે
App ડાઉનલોડ કરો.