છેતરાયો હોવાનું અનુભવાય છે…:11 દિવસ ઉપવાસ કરીશ, તિરૂપતિ લાડુ વિવાદથી દુઃખી પવન કલ્યાણ; હવે ઘી સપ્લાયરની ગાડીઓમાં GPS લાગશે

નંદિની ઘીનો ઉપયોગ હવે આંધ્ર પ્રદેશમાં શ્રી વેંકટેશ્વર સ્વામી મંદિર (તિરુપતિ મંદિર)માં બનેલા પ્રસાદમ (લાડુ)માં થાય છે. નંદિની કર્ણાટક મિલ્ક ફેડરેશનની લોકપ્રિય બ્રાન્ડ છે. વિવાદ વચ્ચે, માત્ર એક મહિના પહેલા તિરુમાલા તિરુપતિ દેવસ્થાનમ (TTD) એ કર્ણાટક મિલ્ક ફેડરેશનને ઘી સપ્લાય કરવાનો કોન્ટ્રાક્ટ આપ્યો હતો. કર્ણાટક મિલ્ક ફેડરેશનના મેનેજિંગ ડિરેક્ટર એમકે જગદીશે જણાવ્યું હતું કે, અમે અમારા વાહનોમાં જીપીએસ સિસ્ટમ અને જિયો લોકેશન ડિવાઇસ લગાવ્યા છે. આ વાહનો મંદિરમાં ઘી પહોંચાડે છે. જીપીએસ સિસ્ટમ લગાવવાથી ખબર પડે છે કે વાહન ક્યાં અટક્યું છે. જેથી ભેળસેળ અટકાવી શકાય. કર્ણાટક મિલ્ક ફેડરેશનને 350 ટન ઘી સપ્લાય કરવાનો કોન્ટ્રાક્ટ મળ્યો છે. બીજી તરફ, આંધ્રપ્રદેશના ડેપ્યુટી સીએમ પવન કલ્યાણ પણ તિરુપતિ લાડુ પ્રસાદમમાં પ્રાણીઓની ચરબી શોધવા માટે પોતાને દોષી જણાવી રહ્યા છે. પવને કહ્યું કે, તેમને અફસોસ છે કે તેમણે અગાઉ ભેળસેળ વિશે કેમ ખબર ન પડી. તેઓ આનું પ્રાયશ્ચિત કરશે. પવને કહ્યું- તે 11 દિવસ ઉપવાસ કરશે. પવને કહ્યું- જગન સરકારની ભૂલને કારણે હિન્દુ જાતિને કલંકિત કરવામાં આવી પવન કલ્યાણે સોશિયલ મીડિયા પર લખ્યું આ પાપને શરૂઆતમાં ન ઓળખવું એ હિંદુ જાતિ પર કલંક છે. જ્યારે મને ખબર પડી કે લાડુ પ્રસાદમમાં પશુની ચરબી હોય છે, ત્યારે હું ચોંકી ગયો. દોષ લાગે છે. હું લોકોના કલ્યાણ માટે લડી રહ્યો હોવાથી મને એ વાતનું દુઃખ છે કે હું તેને કેમ ઓળખી શક્યો નહીં. પૂર્વ મુખ્યમંત્રી જગન રેડ્ડી વિરુદ્ધ કેસ નોંધવામાં આવ્યો છે
આંધ્રપ્રદેશના પૂર્વ મુખ્યમંત્રી વાયએસ જગન મોહન રેડ્ડી અને અન્યો સામે કેસ નોંધવામાં આવ્યો છે. તેમના પર શ્રી વેંકટેશ્વર સ્વામી મંદિરની પવિત્રતાને નુકસાન પહોંચાડવા અને પ્રખ્યાત તિરુપતિ લાડુ પ્રસાદમમાં વપરાતા ઘીની ભેળસેળના આરોપો બાદ હિંદુ ધાર્મિક લાગણીઓને ઠેસ પહોંચાડવાનો આરોપ મૂકવામાં આવ્યો છે. હૈદરાબાદના સૈદાબાદ પોલીસ સ્ટેશનમાં વકીલે આ ફરિયાદ નોંધાવી છે. આંધ્રપ્રદેશમાં શ્રી વેંકટેશ્વર સ્વામી મંદિર (તિરુપતિ મંદિર)માં લાડુની પવિત્રતા અંગેના વિવાદ વચ્ચે, મંદિર પ્રબંધન તિરુમાલા તિરુપતિ દેવસ્થાનમ (TTD) એ કહ્યું કે પ્રસાદમ હવે સંપૂર્ણપણે શુદ્ધ અને પવિત્ર છે. અમે તેને આગળ પણ ચાલુ રાખવા માટે પ્રતિબદ્ધ છીએ. પ્રસાદમ વિવાદ ક્યાં પહોંચ્યો? સુપ્રીમ કોર્ટઃ વકીલ સત્યમ સિંહે સુપ્રીમ કોર્ટમાં અરજી દાખલ કરી હતી. તેમણે કહ્યું હતું કે આ હિંદુ ધાર્મિક રિવાજોના મૂળભૂત સિદ્ધાંતોનું ઉલ્લંઘન છે. કોર્ટે આ અંગે તાત્કાલિક નોંધ લેવી જોઈએ. હાઈકોર્ટ: YSR લાડુમાં ચરબી વિવાદ હાઈકોર્ટમાં ગયો. જગન રેડ્ડીના પક્ષે સિટિંગ જજની દેખરેખ હેઠળ આ મામલાની તપાસ કરવાની વિનંતી કરી છે. આ કેસની આગામી સુનાવણી 25 સપ્ટેમ્બરે થશે. સ્વાસ્થ્ય મંત્રાલયઃ સ્વાસ્થ્ય મંત્રાલયે આંધ્રપ્રદેશ સરકાર પાસેથી રિપોર્ટ માગ્યો છે. સ્વાસ્થ્યમંત્રી જેપી નડ્ડાએ કહ્યું, મેં સીએમ ચંદ્રાબાબુ નાયડુ સાથે વાત કરી છે. મંદિરના પ્રસાદ (લાડુ)ની તપાસ કરવામાં આવશે. સીબીઆઈ તપાસની માગઃ ટીડીપી, કોંગ્રેસ અને ભાજપે આ મામલે સીબીઆઈ તપાસની માગ કરી છે. જોકે કેન્દ્ર સરકારે હજુ સુધી આ કેસ તપાસ એજન્સીને સોંપ્યો નથી. કેવી રીતે સામે આવ્યો આ વિવાદ...કર્ણાટક કોઓપરેટિવ મિલ્ક ફેડરેશન (KMF) છેલ્લાં 50 વર્ષથી ટ્રસ્ટને રાહત દરે ઘી સપ્લાય કરતું હતું. મંદિરમાં દર છ મહિને 1400 ટન ઘીનો ઉપયોગ થાય છે. જુલાઈ 2023માં કંપનીએ ઓછા દરે સપ્લાય કરવાનો ઇનકાર કર્યો હતો, ત્યાર બાદ જગન સરકાર (YSRCP)એ 5 કંપનીને સપ્લાયનું કામ આપ્યું હતું. આમાંની એક એઆર ડેરી ફૂડ્સ ડિંડીગુલ, તામિલનાડુ સ્થિત છે, જેની પ્રોડક્ટમાં આ વર્ષે જુલાઈમાં ખામી જોવા મળી હતી. ટીડીપીની સરકાર આવી, જુલાઇમાં સેમ્પલ ટેસ્ટ કરવામાં આવ્યો, ફેટ કન્ફર્મ TDP સરકારે જૂન 2024માં વરિષ્ઠ IAS અધિકારી જે શ્યામલા રાવને તિરુમાલા તિરુપતિ દેવસ્થાનમ્સ (TTD)ના નવા કાર્યકારી અધિકારી તરીકે નિયુક્ત કર્યા હતા. તેમણે પ્રસાદમની ગુણવત્તા તપાસવાનો આદેશ આપ્યો. આ માટે એક સમિતિની રચના કરવામાં આવી હતી. કમિટીએ પ્રસાદનો સ્વાદ અને ગુણવત્તા સુધારવા માટે ઘણાં સૂચનો આપ્યાં હતાં તેમજ ઘીના નમૂના નેશનલ ડેરી ડેવલપમેન્ટ બોર્ડ (NDDB), ગુજરાતને પરીક્ષણ માટે મોકલવામાં આવ્યા હતા. જુલાઈમાં સામે આવેલા રિપોર્ટમાં ફેટનો ઉલ્લેખ કરવામાં આવ્યો હતો. આ પછી TTD તામિલનાડુના ડિંડીગુલ સ્થિત એઆર ડેરી ફૂડ્સ દ્વારા મોકલવામાં આવેલા ઘીનો સ્ટોક પરત કર્યો અને કોન્ટ્રેક્ટરને બ્લેકલિસ્ટ કરી દીધો. આ પછી TTDએ કર્ણાટક મિલ્ક ફેડરેશન પાસેથી ઘી ખરીદવાનું શરૂ કર્યું. જૂના સપ્લાયર પાસેથી 320 રૂપિયા પ્રતિ કિલોના ભાવે ઘી ખરીદવામાં આવતું હતું. જ્યારે તિરુપતિ ટ્રસ્ટ હવે કર્ણાટક કોઓપરેટિવ મિલ્ક ફેડરેશન (KMF) પાસેથી 475 રૂપિયા પ્રતિ કિલોના દરે ઘી ખરીદી રહ્યું છે. NDDB કોલ્ફ, ઘીની શુદ્ધતાનું પરીક્ષણ કરતી પ્રયોગશાળા, ઘીની શુદ્ધતા ચકાસવા માટે તિરુપતિને એક મશીન દાનમાં આપવા સંમત થઈ છે. એની કિંમત 75 લાખ રૂપિયા છે. સીએમ નાયડુએ ઘીમાં પશુઓની ચરબી ભેળવવાનો આરોપ લગાવ્યો હતો મુખ્યમંત્રી નાયડુએ પણ ઘી મુદ્દે ફરી નિવેદન આપ્યું. પ્રકાશમ જિલ્લામાં એક સભામાં બોલતાં નાયડુએ કહ્યું હતું કે જ્યારે બજારમાં ઘી 500 રૂપિયા પ્રતિ કિલોના ભાવે મળતું હતું ત્યારે જગન સરકારે 320 રૂપિયામાં કિલો ઘી ખરીદ્યું હતું. આવી સ્થિતિમાં સપ્લાયર દ્વારા ઘીમાં ભેળસેળ કરવામાં આવી હોવી જોઈએ. જગન સરકાર દ્વારા ઓછી કિંમતના ઘીની ખરીદી અંગે તપાસ થશે. પશુઓની ચરબીવાળા ઘીમાંથી બનેલા લાડુથી તિરુપતિ મંદિરની પવિત્રતાને ડાઘ લાગ્યા છે. સીએમ નાયડુએ 18 સપ્ટેમ્બરના રોજ આરોપ લગાવ્યો હતો કે પૂર્વ જગન સરકાર દરમિયાન તિરુપતિ મંદિરમાં લાડુ માટે વપરાતા ઘીમાં પશુઓની ચરબી અને માછલીનું તેલ ભેળવવામાં આવતું હતું. ટીડીપીએ પણ લેબ રિપોર્ટ બતાવીને પોતાના આરોપોની પુષ્ટિ કરવાનો દાવો કર્યો છે. 300 વર્ષ જૂનું રસોડું, માત્ર બ્રાહ્મણો બનાવે છે 3.5 લાખ લાડુ તિરુપતિ મંદિર વિશ્વના સૌથી લોકપ્રિય અને સૌથી ધનાઢ્ય ધાર્મિક સ્થળોમાંનું એક છે. દરરોજ લગભગ 70 હજાર ભક્તો અહીં ભગવાન વેંકટેશ્વર સ્વામીનાં દર્શન કરે છે. એનો વહીવટ તિરુપતિ તિરુમાલા દેવસ્થાનમ્સ (TTD) દ્વારા કરવામાં આવે છે. મંદિર પરિસરમાં બનેલા 300 વર્ષ જૂના રસોડા 'પોટુ'માં શુદ્ધ દેશી ઘીનો ઉપયોગ કરીને દરરોજ 3.50 લાખ લાડુ બનાવવામાં આવે છે. આ મંદિરનો મુખ્ય પ્રસાદ છે, જે લગભગ 200 બ્રાહ્મણો દ્વારા બનાવવામાં આવે છે. લાડુમાં શુદ્ધ ચણાનો લોટ, બૂંદી, ખાંડ, કાજુ અને શુદ્ધ ઘી હોય છે. રામ મંદિરના અભિષેક સમયે ટ્રસ્ટે લગભગ એક લાખ લાડુ અયોધ્યા મોકલ્યા હતા.

આ પ્રકારના તમામ સમાચાર માટેે App ડાઉનલોડ કરો.