ખારચિયા અને દડવામાં દિવસે વીજ પુરવઠો આપવા ખેડૂતોએ અધિકારીઓને આવેદનપત્ર આપી માંગ કરી

આટકોટની પાસે આવેલા ખારચીયા અને દડવા ગામના ખેડૂતોએ વીજ પુરવઠાના અધિકારીઓને લેખિત આવેદનપત્ર આપી દિવસે વિજ સપ્લાય આપવામાં આવે તેવી માંગણી કરી હતી. ખારચિયા અને દડવા ગામના ખેડૂતોએ માંગ કરતા જણાવ્યું છે કે તેમની વાડીએ રાતના સમયે વીજ પાવર આપવામાં આવે છે. જેથી પાણી વાળવા માટે રાત્રે જવું પડે છે. અને ખારચીયા અને દડવા ગામે બીજા અલગ ફીડરોમાં દિવસનો પાવર આપવામાં આવે છે અને વછરાજ ફીડરમાં અને જસાપર ફીડરમાં રાત્રિનો પાવર આપવામાં આવે છે. જેને લઇ ખેડૂતો મુશ્કેલીઓમાં મુકાઈ જાય છે. ત્યારે પી.જી.વી.સી.એલ ના અધિકારીઓને લેખિતમાં રજૂઆત કરવામાં આવી કે આ ફીડરમાં દિવસનો પાવર આપવામાં આવે તો કિસાનોને આસાની રહે.

આ પ્રકારના તમામ સમાચાર માટેે App ડાઉનલોડ કરો.