સ્વચ્છતા હી સેવા ૨૦૨૪ અન્વયે તા.૧૭-૦૯-૨૦૨૪ના રોજ સાંસ્કૃતિક કાર્યક્રમ અંતર્ગત આદર્શ સંકુલ ખાતે ડાયરો,ભવાઈ નાટક તથા રાસ-ગરબા તેમજ રેલી યોજાઇ

(અસરફ જાંગડ દ્વારા)
ભારત સરકાર દ્વારા ૨જી ઓક્ટોબરના રોજ મહાત્મા ગાંધીજીની જન્મ જયંતિની શ્રધાંજલિ આપવા સમગ્ર ભારતમાં સ્વચ્છતા માટેના જન આંદોલનની ઉજવાણીને આહવાન કરવામાં આવેલ છે. આ વર્ષે સ્વચ્છ ભારત મિશનના ૧૦ વર્ષની ઉજવણીના ભાગરૂપે આ દિવસને "સ્વચ્છ ભારત દિવસ” તરીકે ઉજવવાનું આયોજન કરવામાં આવેલ છે. સ્વચ્છ ભારત દિવસની ઉજવણીના ભાગરૂપે ભારત સરકારશ્રી દ્વારા સ્વચ્છ ભારત મિશન તા.૧૭ સપ્ટેમ્બર, ૨૦૨૪ થી તા.૨ ઓક્ટોબર, ૨૦૨૪ સુધી સ્વચ્છતા હી સેવા-૨૦૨૪ પખવાડિયાનું આયોજન કરવામાં આવેલ છે સ્વચ્છતા હી સેવા-૨૦૨૪અન્વયે.તા.૧૭-૦૯-૨૦૨૪ના રોજ સાંસ્કૃતિક કાર્યક્રમ અંતર્ગત આદર્શ સંકુલ ખાતે ડાયરો,ભવાઈ નાટક તથા રાસ-ગરબા યોજવામાં આવેલ તથા તા.૧૮-૦૯-૨૦૨૪ના રોજ સ્વચ્છતા રેલી નવી નગરપાલિકાથી દીનદયાળ ચોક સુધી યોજવામાં આવેલ. સ્વચ્છતા રેલીમાં કવિશ્રી બોટાદકર કોલેજ તથા મહિલા કોલેજના વિદ્યાર્થીઓ તેમજ નગરપાલિકાના કર્મચારીઓ મોટી સંખ્યામાં જોડાયેલ. સદરહું કાર્યક્રમમાં ચંદુભાઈ સાવલીયા (પ્રમુખ-ભાજપ બોટાદ શહેર), મહાસુખભાઈ કણજરીયા, ભરતભાઈ ગોહિલ તેમજ બોટાદ શહેરના નાગરિકો દ્વારા જોડાયેલ હતા.આ સમગ્ર કાર્યક્મને સફળ બનાવવા સેનિટેશન ટીમ દ્વારા જહેમત ઉઠાવવામાં આવેલ.

આ પ્રકારના તમામ સમાચાર માટેે App ડાઉનલોડ કરો.