આતિશી બનશે દિલ્હીના નવા મુખ્યમંત્રી:કેજરીવાલે ધારાસભ્યોની મીટિંગમાં તેમના નામનો પ્રસ્તાવ રાખ્યો, થોડીવારમાં જાહેરાત થશે

કેજરીવાલ સરકારમાં શિક્ષણ મંત્રી આતિશી દિલ્હીના નવા મુખ્યમંત્રી હશે. અરવિંદ કેજરીવાલે મંગળવારે આમ આદમી પાર્ટી (AAP) ધારાસભ્ય દળની મીટિંગમાં તેમના નામનો પ્રસ્તાવ મૂક્યો હતો. આતિશીના નામની જાહેરાત ટૂંક સમયમાં કરવામાં આવશે. સાંજે 4:30 વાગ્યે કેજરીવાલ લેફ્ટનન્ટ ગવર્નર (એલજી) વિનય સક્સેનાને પોતાનું રાજીનામું સુપરત કરશે અને નવા સીએમનું નામ આપશે. નવા સીએમ અને કેબિનેટની શપથવિધિ પણ આ અઠવાડિયે થશે. 26 અને 27 સપ્ટેમ્બરે 2 દિવસનું વિધાનસભા સત્ર બોલાવવામાં આવ્યું છે. 13 સપ્ટેમ્બરે લિકર પોલિસી કેસમાં સુપ્રીમ કોર્ટમાંથી જામીન મળ્યા બાદ કેજરીવાલે 15 સપ્ટેમ્બરે મુખ્યમંત્રી પદ છોડવાની જાહેરાત કરી હતી. તેમણે કહ્યું હતું કે, 'હવે જનતાએ નક્કી કરવું જોઈએ કે હું ઈમાનદાર છું કે બેઈમાન. જો જનતા એ ડાઘ ધોઈ નાખશે અને વિધાનસભાની ચૂંટણી જીતશે તો હું ફરીથી ખુરશી પર બેસીશ. પહેલું કારણઃ કેજરીવાલ અને સિસોદિયા જેલમાં હતા ત્યારે પાર્ટીએ મજબૂત વલણ જાળવી રાખ્યું હતું. કેજરીવાલે સ્વતંત્રતા દિવસ પર ત્રિરંગો ફરકાવવા માટે આતિશીના નામની ભલામણ કરી હતી. બીજું કારણ: 2013ની વિધાનસભા ચૂંટણી માટે AAPનો ઢંઢેરો તૈયાર કરનાર સમિતિની તે મુખ્ય સભ્ય હતી. ત્યારથી તે પાર્ટીના વિસ્તરણમાં મહત્ત્વની ભૂમિકા ભજવી રહી છે.

આ પ્રકારના તમામ સમાચાર માટેે App ડાઉનલોડ કરો.