સમસ્ત બ્રહ્મ સમાજ, હિંમતનગર દ્વારા કાર્યક્રમ યોજાયો

સમસ્ત બ્રહ્મ સમાજ, હિંમતનગર દ્વારા કાર્યક્રમ યોજાયો.........
સમસ્ત બ્રહ્મ સમાજ, હિંમતનગર દ્વારા વિદ્યા ઉત્તેજક ઇનામ વિતરણ સ્નેહમિલન કાર્યક્રમ તા.15-09-24 રવિવાર ના રોજ ટાઉન હોલ, હિંમતનગર ખાતે યોજાયો. જેમાં મુખ્ય વક્તા તરીકે શ્રી ધર્મેન્દ્રભાઈ જોષી ઉપસ્થિત રહી કહ્યું હતું કે આજનો જમાનો Artificial intelligence નો છે. જેથી આપણે તન અને મનની સાથે સાથે મગજ પર વધુ ભાર આપવો પડશે. પ્રમુખ મુકેશભાઈ જાનીએ બ્રહ્મ સમાજ દ્વારા થયેલા વિવિધ કાર્યક્રમોની પ્રોજેક્ટર પર
આછી ઝલક આપી પ્રેઝન્ટેશન આપ્યું હતું. સંજયભાઈ વેદિયા દ્વારા સમગ્ર કાર્યક્રમનું સંચાલન કરવામાં આવ્યું. ભરતભાઇ ભટ્ટ, પંકજભાઈ મહેતા અને રીટાબેન જોષીએ ધોરણ 5 થી 12 ના પ્રથમ ત્રણ વિજેતાઓ તથા ચિત્ર સ્પર્ધા, મહેંદી સ્પર્ધાના વિજેતાઓની જાહેરાત કરી હતી. મહામંત્રી જયંતભાઈ જોષીએ દાતાઓ તથા સમગ્ર બ્રહ્મ બંધુઓનો આભાર માન્યો હતો. આજના કાર્યક્રમમાં મોટી સંખ્યામાં બ્રહ્મબંધુઓ જોડાયા હતા અને કાર્યક્રમના અંતે સાથે ભોજન લીધું હતું.

આ પ્રકારના તમામ સમાચાર માટેે App ડાઉનલોડ કરો.