દેશના મોનસૂન ટ્રેકર:ભોપાલ-જબલપુર સહિત MPના 38 જિલ્લાઓમાં ભારે વરસાદનું એલર્ટ; યુપીમાં 4 નદીઓમાં પૂર, 190 ગામમાં પાણી ફરી વળ્યા
હવામાન વિભાગે સોમવારે (16 સપ્ટેમ્બર) 10 રાજ્યોમાં ભારે વરસાદનું એલર્ટ આપ્યું છે. મધ્યપ્રદેશ, છત્તીસગઢ, બિહાર, ઝારખંડમાં ભારે વરસાદની સંભાવના છે. મધ્યપ્રદેશમાં ભોપાલ અને જબલપુર સહિત 38 જિલ્લામાં ભારે વરસાદનું એલર્ટ જાહેર કરવામાં આવ્યું છે.તેમજ આવતીકાલથી રાજસ્થાનના 15 જિલ્લામાં ભારે વરસાદની આગાહી કરવામાં આવી છે. ઉત્તર પ્રદેશમાં છેલ્લા 5 દિવસથી પડી રહેલા ભારે વરસાદને કારણે સરયૂ, શારદા, ગંગા અને ઘાઘરા નદીઓ માં પૂર આવ્યું છે. વારાણસીમાં પૂરથી 25 હજાર લોકો અસરગ્રસ્ત થયા છે. ગંગામાં 85 ઘાટ ડૂબી ગયા છે. લખીમપુરમાં શારદા નદી ભયજનક નિશાનથી ઉપર વહી રહી હોવાને કારણે 170 ગામોમાં 1 લાખ લોકો ફસાયેલા છે. ગોંડામાં ઘાઘરા નદીમાં ડૂબી જવાથી 3 લોકોના મોત થયા છે. અહીંના 20 ગામોમાં પૂર આવ્યું છે. હિમાચલમાં ચોમાસામાં અત્યાર સુધીમાં 171 લોકોના મોત થયા
હિમાચલ પ્રદેશમાં 21 સપ્ટેમ્બર સુધી વરસાદી માહોલ ચાલુ રહેશે. બુધવારે (18 સપ્ટેમ્બર) રાજ્યના 6 જિલ્લામાં ભારે વરસાદ અને વીજળી પડવાની ચેતવણી છે. આ ચોમાસાની સિઝનમાં અત્યાર સુધીમાં રાજ્યમાં વરસાદ સંબંધિત ઘટનાઓમાં 171 લોકોના મોત થયા છે. 30 લોકો હજુ પણ ગુમ છે. દેશભરના હવામાનની તસવીરો... 17 સપ્ટેમ્બરે 7 રાજ્યોમાં ભારે વરસાદનું એલર્ટ આ વખતે ચોમાસું સામાન્ય કરતાં વધુ 16 દિવસ એક્ટિવ રહેશે ચોમાસું વધુ 16 દિવસ એક્ટિવ રહેવાનું કારણ રાજ્યોના હવામાન સમાચાર... મધ્યપ્રદેશઃ ભોપાલ-જબલપુર સહિત 38 જિલ્લામાં એલર્ટ, રાજ્યમાં સામાન્ય કરતાં 8% વધુ વરસાદ બંગાળની ખાડીમાંથી સક્રિય થયેલા લો પ્રેશર વિસ્તાર અને ચોમાસાને કારણે સમગ્ર મધ્યપ્રદેશ આગામી 3 દિવસ સુધી વરસાદી માહેલ રહેશે. આ સિસ્ટમની અસર રાજ્યના પૂર્વ વિસ્તારમાં વધુ જોવા મળશે. સોમવારે ભોપાલ અને જબલપુર સહિત 38 જિલ્લામાં ભારે વરસાદનું એલર્ટ છે. ઈન્દોર અને ઉજ્જૈન ડિવિઝનમાં પણ વરસાદ પડી શકે છે. રાજસ્થાનઃ આવતીકાલથી ફરી વરસાદની મોસમ શરૂ થશે, ભરતપુર ડિવિઝનના જિલ્લાઓમાં ચોમાસું એક્ટિવ થશે રાજસ્થાનમાં ત્રણ દિવસથી નબળું પડેલું ચોમાસું 17 સપ્ટેમ્બરથી ફરી એક્ટિવ થશે. 17 થી 19 સપ્ટેમ્બર સુધી ભરતપુર, કોટા અને જયપુર ડિવિઝનના ઘણા જિલ્લાઓમાં હળવોથી મધ્યમ વરસાદ થઈ શકે છે. હવામાનશાસ્ત્રીઓ આને આ ચોમાસાની સિઝનનો છેલ્લો વરસાદ ગણી રહ્યા છે.
આ પ્રકારના તમામ સમાચાર માટેે
App ડાઉનલોડ કરો.