જમ્મુ-કાશ્મીરના પૂંછમાં એન્કાઉન્ટર:2-3 આતંકવાદીઓ છુપાઈને ફાયરિંગ કરી રહ્યા છે; ગઈકાલે સેનાએ 3 આતંકીઓને ઠાળી દીધા હતા

જમ્મુ-કાશ્મીરના પૂંચમાં રવિવારે (15 સપ્ટેમ્બર) સવારે સેના અને આતંકવાદીઓ વચ્ચે એન્કાઉન્ટર શરૂ થયું હતું. સેનાને મેંઢરના ગુરસાઈ ટોપ પાસે પઠાનતીર વિસ્તારમાં આતંકવાદીઓ છુપાયા હોવાની માહિતી મળી હતી. આ પછી સેના અને પોલીસે સર્ચ ઓપરેશન હાથ ધર્યું હતું. આ દરમિયાન છુપાયેલા આતંકવાદીઓએ જવાનો પર ફાયરિંગ કર્યુ હતું. જવાનોએ પણ જવાબી જવાબમાં કર્યુ હતું. હાલમાં બંને તરફથી ભારે ફાયરિંગ થઈ રહ્યું છે. હજુ સુધી કોઈ ઈજાના અહેવાલ નથી. સેનાએ કહ્યું કે 2-3 આતંકીઓ છુપાયા હોવાની શક્યતા છે. સમગ્ર વિસ્તારને સીલ કરી દેવામાં આવ્યો છે અને સર્ચ ઓપરેશન હાથ ધરવામાં આવી રહ્યું છે. વધુ સૈનિકોને એન્કાઉન્ટર સ્થળ પર મોકલવામાં આવી રહ્યા છે. જમ્મુ-કાશ્મીરમાં 3 દિવસમાં આ ચોથું એન્કાઉન્ટર છે. આ પહેલા 13 સપ્ટેમ્બરે કિશ્તવાડમાં એન્કાઉન્ટરમાં બે જવાનો શહીદ થયા હતા. તે જ દિવસે કઠુઆમાં બે આતંકવાદીઓ માર્યા ગયા હતા. 14 સપ્ટેમ્બરે બારામુલા એન્કાઉન્ટરમાં 3 આતંકવાદીઓ માર્યા ગયા હતા. કિશ્તવાડ-બારામુલ્લામાં એન્કાઉન્ટરની તસવીરો... કઠુઆમાં માર્યા ગયેલા આતંકવાદીઓ પાસેથી હથિયારો મળી આવ્યા હતા
આ પહેલા કઠુઆના ખંડારામાં પણ સેનાનું ઓપરેશન થયું હતું. અહીં રાઇઝિંગ સ્ટાર કોર્પ્સના જવાનોએ બે આતંકીઓને ઠાર માર્યા હતા. સેનાએ શનિવારે (14 સપ્ટેમ્બર) X પર એક પોસ્ટ દ્વારા આ માહિતી આપી હતી. આતંકીઓ પાસેથી મોટી માત્રામાં હથિયારો મળી આવ્યા હતા. ચૂંટણીના 6 દિવસ પહેલા 3 આતંકીઓના ઠેકાણા મળ્યા, આતંકવાદીઓ ઝાડના મૂળ પાસે ખાડો ખોદીને રહેતા હતા. જમ્મુ અને કાશ્મીરમાં વિધાનસભા ચૂંટણીના 6 દિવસ પહેલા 12 સપ્ટેમ્બરે સુરક્ષા દળોએ કુપવાડા, કુલગામ અને પુલવામા જિલ્લામાં આતંકવાદીઓના 3 ઠેકાણા શોધી કાઢ્યા હતા. આતંકવાદીઓએ કુપવાડાના કેરન સેક્ટરમાં એક મોટા ઝાડના મૂળ પાસે ખાડો ખોદીને આ ઠેકાણું બનાવ્યું હતું. મૂળ પાસે જગ્યા 5 થી 6 ફૂટ હતી. અહીંથી AK-47ના 100થી વધુ કારતુસ, 20 હેન્ડ ગ્રેનેડ અને 10 નાના રોકેટ મળી આવ્યા હતા.

આ પ્રકારના તમામ સમાચાર માટેે App ડાઉનલોડ કરો.