રાહુલના ઘરની બહાર BJP શીખ સેલનું વિરોધ પ્રદર્શન:પ્રદર્શનકારીઓએ કહ્યું- કોંગ્રેસ નેતાએ વિદેશમાં જઈને ભારત અને શીખોનું અપમાન કર્યું; રાહુલ માફી માંગે

દિલ્હીમાં ભાજપ શીખ સેલે બુધવારે રાહુલ ગાંધીના ઘરની બહાર પ્રદર્શન કર્યું છે. તેમનું કહેવું છે કે કોંગ્રેસના નેતાએ અમેરિકા જઈને ભારત અને શીખોનું અપમાન કર્યું છે. વિદેશમાં જઈને આપણા દેશને બદનામ કર્યો છે. તેમણે આ માટે માફી માંગવી જોઈએ. બીજેપી નેતા આરપી સિંહ અને અન્ય શીખ નેતાઓને દિલ્હી પોલીસે કસ્ટડીમાં લીધા છે. ખરેખરમાં, અમેરિકાની મુલાકાત દરમિયાન મંગળવારે રાહુલે કહ્યું હતું - 'ભારતમાં શીખ સમુદાયમાં ચિંતા છે કે શું તેમને પાઘડી અને કડુ પહેરવાની મંજૂરી આપવામાં આવશે કે નહીં? શું તેઓ ગુરુદ્વારા જઈ શકશે? આ માત્ર શીખો માટે જ નહીં પરંતુ તમામ ધર્મો માટે ચિંતાનો વિષય છે. ભાજપે કહ્યું- રાહુલે પોતાના નિવેદન માટે માફી માંગવી જોઈએ
ભાજપ નેતા આરપી સિંહનું કહેવું છે કે રાહુલે માફી માંગવી જોઈએ. તેમણે ભારતને બદનામ કરવા માટે વિદેશી ધરતીનો ઉપયોગ કર્યો હતો. શીખો વિશે પણ નિવેદન આપ્યું હતું કે શીખોને પાઘડી પહેરવાની અને ગુરુદ્વારામાં જવાની મંજુરી નથી. જો કે, એવું નથી. હરદીપ સિંહે કહ્યું- શીખ સમુદાય પર રાહુલની ટિપ્પણી ખોટી છે
ભાજપ નેતા હરદીપ સિંહ પુરીએ મંગળવારે કહ્યું કે 1984માં એક સુનિયોજિત ષડયંત્રના ભાગરૂપે શીખોનો નરસંહાર કરવામાં આવ્યો હતો. કોંગ્રેસના ઘણા મોટા નેતાઓ આમાં સામેલ હતા અને આ હુમલાઓમાં 3000થી વધુ શીખો માર્યા ગયા હતા. આ અંગે કોંગ્રેસ નેતા રાહુલ ગાંધી પોતાની ભૂલ સ્વીકારવાને બદલે બીજા પર સવાલો ઉઠાવી રહ્યા છે. પુરીએ કહ્યું કે વિપક્ષના નેતા હોવાના કારણે તેઓ બંધારણીય પદ ધરાવે છે. આ પછી પણ રાહુલ ગાંધી વિદેશમાં ભારતને બદનામ કરવાનો પ્રયાસ કરી રહ્યા છે. હરદીપ પુરીએ કહ્યું કે ભારતમાં જ્યારે રાહુલનો પરિવાર સત્તામાં હતો ત્યારે જ શીખોને ડર લાગતો હતો. હું 6 દાયકાથી પાઘડી પહેરું છું." તેમજ, ભાજપ પ્રવક્તા આરપી સિંહે કહ્યું છે કે રાહુલને શીખો પરના તેમના નિવેદન સામે કોર્ટમાં ઢસડી જવામાં આવશે. અમિત શાહે કહ્યું- રાષ્ટ્ર વિરોધી વાતો કરવી અને દેશ વિરોધી તાકાતો સાથે ઊભા રહેવું રાહુલની આદત; રાહુલ અમેરિકામાં ઈલ્હાન ઓમરને મળ્યા લોકસભામાં વિપક્ષના નેતા અને કોંગ્રેસના સાંસદ રાહુલ ગાંધી ફરી એકવાર પોતાની વિવાદિત ટિપ્પણીને કારણે ઘેરાયા છે. અમેરિકામાં રાહુલે અનામત મામલે નિવેદન આપ્યું હતું, જેના પર કેન્દ્રીય ગૃહમંત્રી અમિત શાહે વળતો પ્રહાર કર્યો હતો. શાહે કહ્યું કે ફરી એકવાર કોંગ્રેસનો અનામત વિરોધી ચહેરો સામે આવ્યો છે. બીજી તરફ રાહુલ ગાંધી તેમના અમેરિકા પ્રવાસના છેલ્લા દિવસે રાહુલ ગાંધીએ રેબર્ન હાઉસ ખાતે યુએસ કોંગ્રેસના પ્રતિનિધિમંડળ સાથે મુલાકાત કરી હતી. તેમાં ઇલ્હાન ઓમર પણ હાજર હતી. ઈલ્હાન ઓમર સાથેની મુલાકાત બાદ દેશમાં વિરોધ શરૂ થઈ ગયો છે. ભાજપના ઘણા નેતાઓએ રાહુલની ઇલ્હાન સાથેની મુલાકાત અંગે તેમની ટીકા કરી છે. કોંગ્રેસ સાંસદ પર નિશાન સાધતા શાહે કહ્યું કે જ્યાં સુધી ભાજપ છે ત્યાં સુધી ન તો કોઈ અનામત ખતમ કરી શકે છે અને ન તો કોઈ દેશની સુરક્ષા સાથે રમત રમી શકે છે. ગૃહમંત્રી અમિત શાહે કહ્યું કે રાષ્ટ્રવિરોધી વાતો કરવી અને દેશના ભાગલા પાડવાના પ્રયાસ કરી રહેલી તાકાતો સાથે ઊભા રહેવું એ રાહુલ ગાંધી અને કોંગ્રેસ પાર્ટીની આદત બની ગઈ છે. જમ્મુ અને કાશ્મીરમાં રાષ્ટ્રવિરોધી અને અનામત વિરોધી એજન્ડાને સમર્થન આપવું હોય કે પછી વિદેશી મંચો પર ભારત વિરોધી વાતો કરવી હોય, રાહુલ ગાંધીએ હંમેશા દેશની સુરક્ષા અને ભાવનાઓને ઠેસ પહોંચાડી છે.

આ પ્રકારના તમામ સમાચાર માટેે App ડાઉનલોડ કરો.