રામ મંદિર ટ્રસ્ટના અધ્યક્ષ નૃત્ય ગોપાલદાસની તબિયત લથડી:લખનૌ મેદાંતામાં ICUમાં દાખલ કરાયા; પેશાબમાં અને પેટની બીમારી, હાલત ગંભીર

અયોધ્યા રામ મંદિર ટ્રસ્ટના અધ્યક્ષ મહંત નૃત્ય ગોપાલદાસ મહારાજની તબિયત લથડી છે. તેમને રવિવારે સાંજે 6:30 વાગ્યે લખનૌની મેદાંતા હોસ્પિટલમાં ICUમાં દાખલ કરવામાં આવ્યા હતા. તેમને પેશાબ અને પેટની બીમારી હોવાનું જણાયું છે. મહંતની ઉંમર હાલ 86 વર્ષની છે. તેઓ 24 ઓગસ્ટે જન્માષ્ટમીની ઉજવણી કરવા માટે અયોધ્યાથી મથુરા ગયા હતા. ત્યાંથી ઈન્દોર પણ ગયા હતા. પરત ફરતી વખતે તેઓ બીમાર પડ્યા ત્યારે તેમને ગ્વાલિયરમાં દાખલ કરવામાં આવ્યા હતા. જો કે, તબિયતમાં સુધરો ન થતા તેમને લખનૌની મેદાંતામાં લાવવામાં આવ્યા હતા. તેમની હાલત ગંભીર હોવાનું કહેવાય છે. નિષ્ણાત ડોકટરોની ટીમ તેમની સારવાર કરી રહી છે. મેદાંતા હોસ્પિટલે મેડિકલ બુલેટિનમાં માહિતી આપી હતી કે મહંત નૃત્ય ગોપાલદાસ અગાઉ પણ બીમાર હતા ત્યારે મેદાંતામાં તેમની સારવાર કરવામાં આવી હતી. તેમના સારા સ્વાસ્થ્ય માટે, અયોધ્યામાં તેમના આશ્રમ મણિરામ દાસ છાવનીમાં એક રૂમ પણ ICU સુવિધાઓથી સજ્જ કરવામાં આવ્યો છે. 2020માં રામ મંદિર ટ્રસ્ટના અધ્યક્ષ બનાવવામાં આવ્યા હતા
નૃત્ય ગોપાલદાસને 2003માં શ્રી રામ જન્મભૂમિ ટ્રસ્ટના અધ્યક્ષ બનાવવામાં આવ્યા હતા. રામ મંદિર આંદોલનના મહાન નેતા મહંત રામચંદ્ર દાસ પરમહંસના નિધન બાદ તેમને આ પદ આપવામાં આવ્યું હતું. આ પછી, વર્ષ 2020માં તેમને શ્રી રામ જન્મભૂમિ તીર્થ ક્ષેત્ર ટ્રસ્ટના અધ્યક્ષ બનાવવામાં આવ્યા. અધ્યક્ષ બનાવ્યા બાદ તેમની Y કેટેગરીની સુરક્ષા વધારીને Z કરી દેવામાં આવી છે. દર વર્ષે જન્માષ્ટમી પર મથુરા જાય છે
મહંત શ્રી કૃષ્ણ જન્મભૂમિ ટ્રસ્ટના અધ્યક્ષ પણ છે. તેઓ દર વર્ષે જન્માષ્ટમીની ઉજવણી માટે મથુરાની મુલાકાત લે છે. અયોધ્યામાં વિવાદિત ગુંબજને તોડી પાડવામાં આવ્યા બાદ રામલલ્લાને તંબુમાં શિફ્ટ કરવામાં આવ્યા હતા. આ પછી મહંત નૃત્ય ગોપાલદાસ 28 વર્ષ સુધી રામલલ્લાના દર્શન કરવા ગયા ન હતા. રામલલ્લાને અસ્થાયી મંદિરમાં બિરાજમાન કર્યા બાદ જ તેઓ પૂજા માટે ગયા હતા. વર્ષ 2022માં બે વખત દાખલ થયા હતા
એપ્રિલ અને નવેમ્બર 2022માં નૃત્ય ગોપાલદાસની તબિયત પણ બગડી હતી. તે સમયે પણ તેમને મેદાંતામાં દાખલ કરવામાં આવ્યા હતા. ઓક્ટોબર 2021માં પણ, મહંત નૃત્ય ગોપાલ દાસને શ્વાસ લેવામાં તકલીફ, પેશાબમાં ચેપને કારણે મેદાંતા હોસ્પિટલમાં દાખલ કરવામાં આવ્યા હતા. તે સમયે પણ તેમને ICUમાં રાખવામાં આવ્યા હતા. ડોકટરોની ટીમ સતત તેમની દેખરેખ રાખી રહી હતી. મુખ્યમંત્રી યોગી આદિત્યનાથ અને નાયબ મુખ્યમંત્રી કેશવ પ્રસાદ મૌર્ય પણ તેમની ખબર કાઢવા પહોંચ્યા હતા. 2020માં કોરોના થયો હતો
નવેમ્બર 2020માં મહંત નૃત્ય ગોપાલદાસને લખનૌની મેદાંતા હોસ્પિટલમાં દાખલ કરવામાં આવ્યા હતા. તેમને છાતીમાં દુખાવો અને શ્વાસ લેવામાં તકલીફ પડી રહી હતી. પ્રાથમિક તપાસ બાદ તેમને એમ્બ્યુલન્સ દ્વારા મેદાંતા હોસ્પિટલમાં લઈ જવામાં આવ્યા હતા. મહંત નૃત્ય ગોપાલ દાસ 7 ઓગસ્ટ 2020ના રોજ કોરોના થયો હતો. ગુડગાંવની મેદાંતા હોસ્પિટલમાં તેમની સારવાર કરવામાં આવી હતી અને સ્વસ્થ થયા બાદ તેઓ અયોધ્યા પરત ફર્યા હતા. ત્યારથી, તેઓ સતત કેટલીક સમસ્યાઓનો સામનો કરી રહ્યો હતો, ત્યારબાદ વધુ તબિયત બગડતા તેમને લખનૌ મેદાંતામાં શિફ્ટ કરવામાં આવ્યા હતા.

આ પ્રકારના તમામ સમાચાર માટેે App ડાઉનલોડ કરો.