ઉત્તરાખંડમાં ભૂસ્ખલન, બદ્રીનાથ હાઈવે બંધ:રાજસ્થાનમાં વરસાદનો 13 વર્ષનો રેકોર્ડ તૂટ્યો, આજે પણ 18 રાજ્યોમાં એલર્ટ

હવામાન વિભાગ (IMD)એ શુક્રવારે (6 સપ્ટેમ્બર)ના રોજ 18 રાજ્યોમાં ભારે વરસાદની ચેતવણી જારી કરી છે. ઉત્તરાખંડના ચમોલીમાં બદ્રીનાથ હાઈવે પર આજે સવારે ભૂસ્ખલન થયું હતું. બંને તરફ વાહનોની લાંબી કતારો જોવા મળી રહી છે. રાજસ્થાનમાં વરસાદનો 13 વર્ષનો રેકોર્ડ તૂટી ગયો છે. આ ચોમાસાની સિઝનમાં, 1 જૂનથી 5 સપ્ટેમ્બર સુધી, સરેરાશ 607.5 મીમી વરસાદ નોંધાયો છે, જ્યારે સમગ્ર સીઝનમાં 435.6 મીમી વરસાદ નોંધાયો છે. 2011થી 2023 સુધી ક્યારેય 600 મીમી વરસાદ થયો નથી. રાજસ્થાનના અનેક ડેમ ઓવરફ્લો થઈ ગયા છે. બિસલપુર ડેમના દરવાજા આજે ખોલવામાં આવશે. 2004થી, બિસલપુર ડેમના દરવાજા ફક્ત 6 વખત (2004, 2006, 2014, 2016, 2019, 2020) ખોલવામાં આવ્યા છે. મધ્યપ્રદેશમાં 1 જૂનથી 5 સપ્ટેમ્બર સુધીમાં 904.9 મીમી વરસાદ નોંધાયો છે. આ વાર્ષિક ચોમાસાની સરેરાશ કરતાં 10% વધુ છે. આ સમયગાળા દરમિયાન રાજ્યમાં સામાન્ય રીતે 823.9 મીમી વરસાદ પડે છે. દેશભરમાંથી વરસાદની 4 તસવીરો... આંધ્રપ્રદેશમાં પૂરના કારણે 6 લાખ લોકોએ પોતાના ઘર છોડ્યા
આંધ્રપ્રદેશમાં હજુ સ્થિતિ સામાન્ય થઈ નથી. છેલ્લા એક સપ્તાહથી સતત પડી રહેલા ભારે વરસાદને કારણે અનેક જિલ્લાઓમાં પાણી ભરાઈ ગયા છે. વિજયવાડામાં સ્થિતિ સૌથી ખરાબ છે. રસ્તાઓ અને મકાનો પાણીમાં ડૂબી ગયા છે. રાજ્યમાં અત્યાર સુધીમાં 17 લોકોના મોત થયા છે. 6 લાખથી વધુ લોકોએ પોતાનું ઘર છોડીને સુરક્ષિત સ્થળોએ આશ્રય લીધો છે. પૂરના કારણે 3,973 કિલોમીટરના રસ્તાઓને નુકસાન થયું છે. કેન્દ્ર સરકારે રાહત અને બચાવ માટે 30 NDRF ટીમો અને હેલિકોપ્ટર તૈનાત કર્યા છે. સેનાની મદદ પણ લેવામાં આવી રહી છે. 7 સપ્ટેમ્બરે 15 રાજ્યોમાં ભારે વરસાદનું એલર્ટ

આ પ્રકારના તમામ સમાચાર માટેે App ડાઉનલોડ કરો.