કેદારનાથમાં હેલિકોપ્ટરથી પડ્યું હેલિકોપ્ટર:ખામીને કારણે MI-17 હેલિકોપ્ટરથી એરલિફ્ટ કરવામાં આવી રહ્યું હતું; ધડામ દઈને નીચે પછડાયું

કેદારનાથ અને ગૌચર વચ્ચે ભીમબલી નજીક શનિવારે સવારે 8 વાગ્યાની આસપાસ એક હેલિકોપ્ટર નીચે પડ્યું હતું. મળતી માહિતી મુજબ કેદારનાથ ધામમાં એક કિસ્ટ્રલ હેલિકોપ્ટરમાં ખામી સર્જાઈ હતી. તેથી MI-17 હેલિકોપ્ટર દ્વારા લિફ્ટ કરવામાં આવી રહ્યું હતું. તે દરમિયાન ભારે પવન અને હેલિકોપ્ટરના વજનને કારણે સંતુલન ખોરવાયું હતું, જેના કારણે પાઇલટે એને ઘાટીમાં છોડી દીધું હતું. ખરેખરમાં, 24 મેના રોજ કિસ્ટ્રલ એવિએશનનું એક હેલિકોપ્ટરમાં ખામી સર્જાઈ હતી. 6 મુસાફરોને લઈને આવેલા હેલિકોપ્ટરને ઈમરજન્સી લેન્ડિંગ કરાવવું પડ્યું હતું. હેલિકોપ્ટરે લેન્ડિંગ પહેલા 8 વખત હવામાં ડોલ્યું હતું. ત્યારથી તે હેલિપેડ પર જ હતું. તેથી MI-17 હેલિકોપ્ટર દ્વારા લિફ્ટ કરવામાં આવી રહ્યું હતું. હેલિકોપ્ટરમાં 3 મહિના સુધી ટેક્નિકલ ખામી સર્જાઈ હતી, ખરેખરમાં 24 મેના રોજ લેન્ડિંગ દરમિયાન ટેક્નિકલ ખામીના કારણે હેલિકોપ્ટરમાં ઈમરજન્સી લેન્ડિંગ કરવું પડ્યું હતું. આજે સવારે તેને એરલિફ્ટ કરવામાં આવી રહ્યું હતું. તે દરમિયાન MI-17નું બેલેન્સ ખોરવાયું હતું. જોખમને જોતા પાઈલટે હેલિકોપ્ટરને ખીણમાં જ છોડી દીધું હતું. જિલ્લા પ્રવાસન અધિકારી રાહુલ ચૌબેના જણાવ્યા અનુસાર, હેલિકોપ્ટરના વજન અને ભારે પવનના કારણે MI-17નું બેલેન્સ ખોરવાયું હતું.જેના કારણે તે થારુ કેમ્પ પાસે પહોંચતા જ તેને ડ્રોપ કરી દેવામાં આવ્યું હતું. જો આમ ન કરવામાં આવ્યું તો MI-17ને નુકસાન થવાની સંભાવના હતી. જો કે, હેલિકોપ્ટર કોઈ રહેણાંક વિસ્તારમાં પડ્યું ન હતું, નહીં તો મોટી દુર્ઘટના સર્જાઈ હોત. આ દુર્ઘટનામાં કોઈ જાનહાનિના સમાચાર નથી. જોકે, SDRFના જવાનોએ ઘટનાસ્થળે હેલિકોપ્ટરના કાટમાળની શોધખોળ કરી હતી. હેલિકોપ્ટર અકસ્માતની તસવીરો... આ હેલિકોપ્ટરનો કેદારનાથ મંદિર સુધી મુસાફરોને લઈ જવા માટે તેનો ઉપયોગ કરવામાં આવતો હતો. ભારે વરસાદને કારણે હિમાલય મંદિર તરફ જતા માર્ગને ભારે નુકસાન થવાને કારણે 31 જુલાઈથી કેદારનાથ જનારા યાત્રીઓની સંખ્યામાં ભારે ઘટાડો થયો છે. આ વર્ષે ચારધામ યાત્રા 10 મેના રોજ કેદારનાથ, ગંગોત્રી અને યમુનોત્રી મંદિરોના દ્વાર તીર્થયાત્રીઓ માટે ખોલવાની સાથે શરૂ થઈ હતી. બદ્રીનાથના દરવાજા 12 મેના રોજ ખોલવામાં આવ્યા હતા. અત્યાર સુધીમાં 33 લાખથી વધુ શ્રદ્ધાળુઓએ હિમાલયના મંદિરોનાં દર્શન કર્યા છે. કેદારનાથમાં હેલિકોપ્ટર અકસ્માત અંગેના સમાચાર... 24 મે 2024: હેલિકોપ્ટરનું ઈમરજન્સી લેન્ડિંગ કરવામાં આવ્યું હતું
કેદારનાથમાં 6 મુસાફરોને લઈને જતું હેલિકોપ્ટરનું ઈમરજન્સી લેન્ડિંગ કરવામાં આવ્યું હતું. જો કે પાયલોટ અને તેમાં સવાર 6 મુસાફરો સુરક્ષિત રહ્યા હતા. આ મુસાફરો સિરસી હેલિપેડથી કેદારનાથ ધામના દર્શન કરવા જઈ રહ્યા હતા ત્યારે હેલિકોપ્ટરમાં ટેક્નિકલ ખામી સર્જાઈ હતી. હેલિપેડ પર ઉતરતા પહેલા તે હવામાં ડોલવા લાગ્યું હતું. આ પછી તેનું ઈમરજન્સી લેન્ડિંગ કરવામાં આવ્યું હતું. તમામ મુસાફરોને સલામત બહાર કાઢવામાં આવ્યા હતા. અન્ય સમાચાર પણ વાંચો... પુણેમાં ખાનગી હેલિકોપ્ટર ક્રેશનો ભયાનક VIDEO:ત્રણની હાલત ગંભીર, પાયલોટ હોસ્પિટલમાં દાખલ; ભારે વરસાદના કારણે દુર્ઘટનાની આશંકા પુણેના પૌડ વિસ્તારમાં ગયા શનિવારે એક હેલિકોપ્ટર ક્રેશ થયું હતું. આ હેલિકોપ્ટર મુંબઈથી વિજયવાડા જઈ રહ્યું હતું. તેમાં એક પાયલટ અને ત્રણ મુસાફરો હતા. આ દુર્ઘટનામાં પાયલોટ ઘાયલ થયો છે અને તેને હોસ્પિટલમાં દાખલ કરવામાં આવ્યો છે. બાકીના ત્રણ લોકોને ગંભીર ઈજા થઈ ન હતી. પુણે ગ્રામીણ પોલીસ અધિક્ષક પંકજ દેશમુખે જણાવ્યું કે આ હેલિકોપ્ટર મુંબઈની ગ્લોબલ વેક્ટ્રા હેલિકોપ્ટર કંપનીનું છે. ટેક્નિકલ ખામીના કારણે હેલિકોપ્ટર ક્રેશ થયું હોવાની આશંકા છે. દુર્ઘટના પાછળ ભારે વરસાદ પણ કારણભૂત હોવાનું માનવામાં આવે છે.

આ પ્રકારના તમામ સમાચાર માટેે App ડાઉનલોડ કરો.