એક ‘સ્ત્રી’એ ભારતના PM મોદીને પાછળ છોડ્યા:સ્ત્રી-2ની સફળતા બાદ ઇન્સ્ટામાં શ્રદ્ધાના ફોલોઅર્સમાં ધરખમ વધારો, નંબર 1 પર વિરાટ કોહલી જૈસે થે

ઇન્સ્ટાગ્રામ પર ફોલોઅર્સની બાબતમાં ભારતના વડાપ્રધાન નરેન્દ્ર મોદીને એક 'સ્ત્રી'એ પાછળ છોડી દીધા છે. એ સ્ત્રી બીજુ કોઈ નહીં, પરંતુ હાલમાં જ થિયેટરોમાં રિલીજ થયેલી સ્ત્રી-2ની અભિનેત્રી શ્રદ્ધા કપૂર છે. બંનેના ફોલોઅર્સમાં માત્ર થોડો તફાવત છે. જો કે નરેન્દ્ર મોદી ટ્વિટર (X) પર ઘણા આગળ છે. ત્યાં 101.2 મિલિયન લોકો તેમને ફોલો કરી રહ્યા છે. શ્રદ્ધા કપૂર હાલમાં સ્ત્રી 2 ની સફળતાની ઉજવણી કરી રહી છે. PMથી આટલા ફોલોઅર્સ આગળ શ્રદ્ધા
શ્રદ્ધા કપૂર હવે ઈન્સ્ટાગ્રામ પર ટોપ 3 લિસ્ટમાં સામેલ થઈ ગઈ છે. વિરાટ કોહલી નંબર 1 પર, પ્રિયંકા ચોપરા નંબર બે અને શ્રદ્ધા કપૂર ત્રીજા નંબર પર છે. ઇન્સ્ટાગ્રામ પર શ્રદ્ધા કપૂરના 91.4 મિલિયન ફોલોઅર્સ છે. તે જ સમયે 91.3 મિલિયન લોકો વડાપ્રધાન નરેન્દ્ર મોદીને ફોલો કરી રહ્યાં છે. આ ડેટા 21 ઓગસ્ટ 2024નો છે. કોના કેટલા ફોલોઅર્સ?
વિરાટ કોહલીના 271 મિલિયન ફોલોઅર્સ છે. પ્રિયંકા ચોપરાને 91.8 મિલિયન લોકો ફોલો કરી રહ્યાં છે. આલિયા ભટ્ટના 85.1 મિલિયન અને દીપિકા પાદુકોણના 79.8 મિલિયન ફોલોઅર્સ છે. શાહરૂખ ખાન આ બધાથી ઘણો પાછળ છે. ઇન્સ્ટાગ્રામ પર 47.3 મિલિયન લોકો તેને ફોલો કરી રહ્યાં છે. તમને જણાવી દઈએ કે, થિયેટરોમાં સ્ત્રી-2 મુવી હાલમાં ગજબની કમાણી કરી રહી છે. શ્રદ્ધા કપૂરની ફિલ્મ સ્ત્રી-2 15 ઓગસ્ટે રિલીઝ થઈ હતી. આ હોરર કોમેડીએ ભારતીય બોક્સ ઓફિસ પર 6 દિવસમાં 250 કરોડ રૂપિયાનો આંકડો પાર કરી લીધો છે. ફિલ્મમાં શ્રદ્ધા કપૂર, વરુણ ધવન, અપારશક્તિ ખુરાના, પંકજ ત્રિપાઠી અને તમન્ના ભાટિયા ઉપરાંત અક્ષય કુમાર કેમિયોમાં છે. સ્ટ્રી-2 નું શાનદાર ઉદઘાટન
સ્ત્રીનો પ્રીમિયર શો એક પેઇડ શો હતો, જેણે તેની રિલીઝ પહેલા જ લગભગ રૂ. 8 કરોડની કમાણી કરી હતી. આ કમાણીએ શાહરૂખ ખાનની ફિલ્મ ચેન્નાઈ એક્સપ્રેસનો રેકોર્ડ તોડી નાખ્યો હતો. ચેન્નાઈ એક્સપ્રેસના પ્રીમિયર શોએ 6.75 કરોડ રૂપિયાની કમાણી કરી હતી. પ્રીમિયર સહિત, સ્ત્રી-2 ની શરૂઆતના દિવસની કમાણી લગભગ રૂ. 54 કરોડ સુધી પહોંચી ગઈ હતી.

આ પ્રકારના તમામ સમાચાર માટેે App ડાઉનલોડ કરો.