ધંધુકા શહેરમાં જય હિન્દ ગ્રુપ દ્વારા શિસ્તબદ્ધ તિરંગા માર્ચ… વિદ્યાર્થીઓ અને ખેલાડીઓનો સન્માન સમારોહ યોજાયો

ધંધુકા શહેરમાં જય હિન્દ ગ્રુપ દ્વારા શિસ્તબદ્ધ તિરંગા માર્ચ... વિદ્યાર્થીઓ અને ખેલાડીઓનો સન્માન સમારોહ યોજાયો

૭૮માં સ્વતંત્રતા દિન નિમિત્તે અમદાવાદ જીલ્લા ના ધંધુકા શહેરમાં સ્થિત “જય હિન્દ ગ્રુપ” દ્વારા શિસ્તબદ્ધ “તિરંગા માર્ચ” યોજવામાં આવ્યો હતો.
અમદાવાદ જીલ્લા ના ધંધુકા શહેરના દરેક સમાજનાં યુવાઓ અને અનુભવી લોકો ધરાવતું આ ગ્રુપ “શુદ્ધ દેશભક્તિ” ની ભાવના સાથે “જનસેવા” નાં કાર્યો કરવાની નેમ ધરાવે છે. કોઈ પણ પક્ષ, પાર્ટી, ધર્મ કે સંસ્થાથી દુર રહી ધંધુકાનાં દેશભક્ત નાગરિકો દ્વારા રચિત જય હિન્દ ગ્રુપનું આ ત્રીજું આયોજન હતું. જેમાં ગયા વર્ષની જેમ આ વર્ષે પણ ગ્રુપ દ્વારા શિક્ષાનું મહત્વ સમજીને “તેજસ્વી વિદ્યાર્થી સન્માન સમારોહ” નું આયોજન કરવામાં આવ્યું અને વિદ્યાર્થીઓને શિલ્ડ અને ભેટ આપીને સન્માનિત કરવામાં આવ્યા. આ ઉપરાંત રાષ્ટ્રીય કક્ષાએ ખો-ખો રમતમાં રમી મેડલો જીતી લાવનાર હડાળા ગામની બહેનોનું સન્માન કરાયું અને તેમના કોચને પણ સન્માનિત કરાયા. દેશભક્તિની સમજદારીપૂર્વકની સભાન ભાવનાનું નિર્માણ, રાષ્ટ્રીય ધ્વજના સન્માનની ચિરકાલીન ભાવના અને મહાન ભારતીય સેના અને સૈનિકોના સન્માનની ચિરકાલીન ભાવનાની સાથે સાથે માં ભારતીનું ગૌરવ જળવાઈ રહે તે અંગેની ભાવના સાથે ગ્રુપ દ્વારા સમગ્ર ધંધુકા નગરમાં “તિરંગા માર્ચ” યોજવામાં આવી.

રીપોર્ટર. : સી કે બારડ
મો : 7600780700

આ પ્રકારના તમામ સમાચાર માટેે App ડાઉનલોડ કરો.