જમ્મુ-કાશ્મીરના ડોડામાં એક આતંકવાદી ઘાયલ:M4 રાઈફલ મળી; આતંકવાદીઓ જંગલમાં છુપાયા છે; સ્વતંત્રતા દિવસ પર એલર્ટ જાહેર

જમ્મુ-કાશ્મીરના ડોડાના પટનીટોપના જંગલોમાં સેના અને આતંકવાદીઓ વચ્ચે અથડામણ ચાલુ છે. જેમાં એક આતંકી ઘાયલ થયો છે. સેનાએ એમ4 રાઈફલ કબજે કરી લીધી છે. આતંકીઓ અકર વિસ્તારમાં એક નદી પાસે છુપાયા છે. જમ્મુ-કાશ્મીરમાં છેલ્લા પાંચ દિવસમાં આ ચોથું એન્કાઉન્ટર છે. 11 ઓગસ્ટે કિશ્તવાડ જિલ્લાના જંગલોમાં આતંકવાદીઓ અને સુરક્ષાદળો વચ્ચે ગોળીબાર થયો હતો. તે જ દિવસે ઉધમપુરના બસંતગઢના જંગલોમાં સેના અને સુરક્ષા દળો વચ્ચે ગોળીબાર થયો હતો. શનિવારે (10 ઓગસ્ટ) અનંતનાગના કોકરનાગમાં આતંકવાદીઓના ગોળીબારમાં હવાલદાર દીપક કુમાર યાદવ અને લાન્સ નાઈક પ્રવીણ શર્મા શહીદ થયા હતા. 3 સૈનિકો અને 2 નાગરિકો ઘાયલ થયા હતા. કઠુઆમાં 8 મદદગારોની ધરપકડ, આતંકવાદીઓને મદદ કરી રહ્યા હતા
જમ્મુ અને કાશ્મીરના કઠુઆમાં પોલીસે આતંકીઓના 8 મદદગારોની ધરપકડ કરી હતી. જૈશ આતંકવાદી મોડ્યુલના આ કાર્યકરોએ 26 જૂને ડોડામાં માર્યા ગયેલા 3 જૈશ આતંકવાદીઓને મદદ કરી હતી. આ ઓવર ગ્રાઉન્ડ વર્કરોએ સરહદ પાર કરીને આતંકવાદીઓને ડોડાના જંગલો અને પહાડીઓ સુધી પહોંચવામાં મદદ કરી હતી. આ ઉપરાંત તેમને ભોજન અને રહેવાની વ્યવસ્થા પણ કરી આપવામાં આવી હતી. આતંકવાદી મોડ્યુલના આ કાર્યકરો પાકિસ્તાનમાં બેઠેલા જૈશના હેન્ડલર્સના સંપર્કમાં પણ હતા. 26 જૂનના એન્કાઉન્ટર બાદ કેન્દ્રીય એજન્સીઓએ પોલીસને આ મદદગારો ગંડોહમાં છુપાયા હોવાની માહિતી હતી. પોલીસે જણાવ્યું કે ઈનપુટ મળ્યા બાદ ગંડોહમાં 50થી વધુ લોકોની પૂછપરછ કરવામાં આવી હતી. પુરાવા મળ્યા બાદ આઠ લોકોની ધરપકડ કરવામાં આવી હતી અને તેઓએ પૂછપરછ દરમિયાન આતંકવાદીઓને મદદ કરવાની કબૂલાત કરી હતી. લતીફ નક્કી કરતો હતો કે મોડ્યુલમાં કોને ભરતી કરવામાં આવશેપોલીસે જણાવ્યું કે આ આતંકી મોડ્યુલનો લીડર મોહમ્મદ લતીફ હતો. તે કઠુઆના અંબે નલ વિસ્તારમાં રહેતો હતો. જૈશ આતંકવાદીઓના હેન્ડલરો સાથે લતીફ સંપર્ક કરતો હતો. નેટવર્કમાં કોને સામેલ કરવા અને કોને નહીં તે લતીફે જ નક્કી કરતો હતો. લતીફ ઉપરાંત અખ્તર અલી, સદ્દામ કુશાલ, નૂરાની, મકબૂલ, લિયાકત અને કાસિમની ધરપકડ કરવામાં આવી છે. આ તમામ કઠુઆના રહેવાસી હતા.

આ પ્રકારના તમામ સમાચાર માટેે App ડાઉનલોડ કરો.