સોજા હાઈસ્કૂલના આચાર્યશ્રી અને સારસ્વતશ્રીનું વિદ્યોત્તેજક સન્માન-૨૦૨૪થી અભિવાદન કાર્યક્રમ યોજાયો.

ગાંધીનગર સ્થિત શ્રી વેદ ઈન્ટરનેશનલ સ્કૂલના પટાંગણમાં શ્રેષ્ઠ શિક્ષકોને સન્માનિત કરવાનો એક કાર્યક્રમ તાજેતરમાં આયોજીત કરવામાં આવ્યો હતો.
શ્રી બ્રહ્મ સમાજ સેવા ટ્રસ્ટ-મહેસાણાના ઉપક્રમે યોજાયેલા સદર ભગીરથ અભિયાનમાં ગુજરાત રાજ્યના સાત જિલ્લાના ઉત્કૃષ્ટ કામગીરી કરનારા પાંચસોથી વધુ સારસ્વત મિત્રોને એમની સંનિષ્ઠ શૈક્ષણિક સેવાઓ બદલ અભિપ્રેરિત કરવામાં આવ્યા હતા. ગાંધીનગર જિલ્લાના માણસા તાલુકાની લબ્ધ પ્રતિષ્ઠિત શૈક્ષણિક સંસ્થા "શેઠ એચ. એમ. સાર્વજનિક હાઈસ્કૂલ, સોજા" ના આચાર્યશ્રી ભાવેશભાઈ જોષી અને ગણિત-વિજ્ઞાાન-પર્યાવરણના સારસ્વતશ્રી અને શ્રેષ્ઠ શિક્ષણવિદ્ એવા રાકેશ પ્રજાપતિને આ સન્માન પ્રાપ્ત થવા પામ્યું છે. વિજાપુરના ધારાસભ્યશ્રી ડૉ. સી. જે. ચાવડા અને ગાંધીનગરના ધારાસભ્યશ્રી રીટાબેન પટેલની અભિપ્રેરક ઉપસ્થિતિમાં યોજાયેલ આ કાર્યક્રમમાં સોજા હાઈસ્કૂલનું ગૌરવ વધારવા બદલ બંનેને શાળા પરિવાર અને કેળવણી મંડળ તરફથી હ્રદયસ્થ શુભેચ્છાઓ પાઠવી આપવામાં આવી હતી એમ એક અખબારી યાદીમાં કેળવણી મંડળના પ્રમુખશ્રી નારાયણભાઈ પટેલ જણાવે છે.

જીતેન્દ્ર ભાટીયા,9429180079.
મોડાસા, અરવલ્લી.

આ પ્રકારના તમામ સમાચાર માટેે App ડાઉનલોડ કરો.