સલીમ-જાવેદ પર આધારિત ડોક્યુમેન્ટરી સીરિઝ OTT પર રિલીઝ થશે:સલમાન અને ફરહાને ‘એંગ્રી યંગ મેન’ની જાહેરાત કરી, ટ્રેલર 13 ઓગસ્ટે રિલીઝ થશે

બોલિવૂડના સૌથી પ્રખ્યાત સ્ક્રિપ્ટ રાઈટર સલીમ ખાન અને જાવેદ અખ્તર પર આધારિત ડોક્યુમેન્ટરી સીરિઝ 'એંગ્રી યંગ મેન' 20 ઓગસ્ટે રિલીઝ થશે. 3 એપિસોડની આ સિરીઝમાં સલીમ અને જાવેદની લેખક બનવાની સફર બતાવવામાં આવશે. આમાં ભારતીય સિનેમાના કેટલાક જાણીતા કલાકારો પણ બંને લેખકો સાથે જોડાયેલી યાદગાર વાતો શેર કરશે. સલમાન અને ફરહાને પોસ્ટર શેર કર્યા છે
શનિવારે સલમાન ખાને સોશિયલ મીડિયા પોસ્ટ દ્વારા આની જાહેરાત કરી હતી. આ સીરિઝની પોસ્ટ શેર કરતી વખતે અભિનેતાએ લખ્યું- 'સલિમ ખાન, જાવેદ અખ્તર અને એંગ્રી યંગ મેન તરીકે' જાવેદ અખ્તરના પુત્ર ફરહાન અખ્તરે પણ આ પોસ્ટર સોશિયલ મીડિયા પર શેર કર્યું છે. તેણે લખ્યું, 'એ યુગલ જેણે અગણિત વાર્તાઓ લખી. હવે તેમની વાર્તા સાંભળવાનો સમય છે. સલીમ-જાવૌદ 20 ઓગસ્ટે એન્ગ્રી યંગ મેન દ્વારા પાછા આવી રહ્યા છે. ટ્રેલર 13મી ઓગસ્ટે મુંબઈમાં રિલીઝ થશે
20 ઓગસ્ટના રોજ સીરિઝ રિલીઝ કરતા પહેલા, મેકર્સ 13 ઓગસ્ટે મુંબઈમાં એક ઈવેન્ટમાં તેનું ટ્રેલર લોન્ચ કરશે. આ પ્રસંગે સલીમ-જાવેદ ખુદ હાજર રહેશે. આ સિવાય આ ઈવેન્ટમાં સલમાન ખાન, ફરહાન અખ્તર અને ઝોયા અખ્તર સહિત ઘણા સેલેબ્સ ભાગ લેશે. નવોદિત નમ્રતા રાવે દિગ્દર્શન કર્યું હતું
'એંગ્રી યંગ મેન' સલમાન ખાન ફિલ્મ્સ, એક્સેલ મીડિયા એન્ડ એન્ટરટેઈનમેન્ટ અને ટાઈગર બેબી દ્વારા સંયુક્ત રીતે પ્રોડ્યુસ કરવામાં આવી છે. તેના એક્ઝિક્યુટિવ નિર્માતાઓમાં સલમા ખાન, સલમાન ખાન, રિતેશ સિધવાની, ફરહાન અખ્તર, ઝોયા અખ્તર અને રીમા કાગતી જેવા મોટા નામો સામેલ છે. આ સિરીઝનું નિર્દેશન નમ્રતા રાવ દ્વારા કરવામાં આવ્યું છે, જે આની સાથે ડિરેક્ટર તરીકે ડેબ્યૂ કરશે. સલીમ-જાવેદને બોલિવૂડની સૌથી હિટ લેખક જોડી માનવામાં આવે છે. 1970ના દાયકામાં બંનેએ 'શોલે', 'જંજીર', 'દીવાર', 'યાદો કી બારાત' અને 'ડોન' સહિત ઘણી હિટ ફિલ્મો આપી હતી.

આ પ્રકારના તમામ સમાચાર માટેે App ડાઉનલોડ કરો.