મરાઠી અભિનેતા વિજય કદમનું નિધન:67 વર્ષની ઉંમરે અંતિમ શ્વાસ લીધા, દોઢ વર્ષથી કેન્સરથી પીડિત હતા; શરદ પવારે શોક વ્યક્ત કર્યો
દિગ્ગજ મરાઠી અભિનેતા વિજય કદમનું નિધન થયું છે. 10 ઓગસ્ટના રોજ સવારે તેમણે મુંબઈની એક હોસ્પિટલમાં અંતિમ શ્વાસ લીધા હતા. અભિનેતા છેલ્લા દોઢ વર્ષથી કેન્સરથી પીડિત હતા. શરૂઆતમાં તેમને આ બીમારીમાંથી મુક્તિ મળી હતી, પરંતુ ફરીથી તેઓ આ બીમારીનો શિકાર બન્યા હતા. વિજય કદમ 80 અને 90 ના દાયકામાં મરાઠી ફિલ્મો, ટીવી શો અને નાટકોમાં જાણીતું વ્યક્તિત્વ હતું. તેઓ 'ચશ્મે બદ્દૂર' અને 'પોલીસ લાઇન' જેવી ફિલ્મોમાં હાસ્યજનક ભૂમિકાઓ માટે જાણીતા હતા. પરિવારમાં માત્ર પત્ની અને એક પુત્ર છે
અહેવાલો અનુસાર, વિજય કદમના પરિવારમાં માત્ર તેમની પત્ની અને એક પુત્ર છે. તેમના અંતિમ સંસ્કાર આજે અંધેરીના ઓશિવારા સ્મશાનગૃહમાં કરવામાં આવશે. એડ ફિલ્મોમાં પણ કામ કર્યું છે
વિજય કદમે પોતાની કરિયરમાં ઘણી એડ ફિલ્મોમાં પણ કામ કર્યું છે. થોડા મહિના પહેલા તેણે ક્રિકેટર ઋષભ પંત સાથે એક એડમાં કામ કર્યું હતું, જે ઘણી ફેમસ થઈ હતી. વિજય કદમ છેલ્લે ઝી મરાઠી શો 'તી પ્રાત આલીયે'માં બાબુરાવ ટંડેલના રોલમાં જોવા મળ્યો હતો. શરદ પવારે અભિનેતાને શ્રદ્ધાંજલિ આપી હતી શરદ પવારે ટ્વીટ કરીને લખ્યું- મરાઠી સિનેમાના લોકપ્રિય અભિનેતા વિજય કદમના નિધનના સમાચાર સાંભળીને દુઃખ થયું. તેમણે મરાઠી ફિલ્મો, સિરિયલો અને થિયેટરમાં નાની ભૂમિકાઓથી લઈને મુખ્ય ભૂમિકાઓ સુધીના તમામ પાત્રો ભજવ્યા છે. તેણે પોતાના અભિનયથી દર્શકોને હસાવ્યા છે. આવા લોકપ્રિય કલાકારને હૃદયપૂર્વકની શ્રદ્ધાંજલિ...
આ પ્રકારના તમામ સમાચાર માટેે
App ડાઉનલોડ કરો.