સંસદમાં જયા ‘એક્ટર’, ધનખડ ‘ડિરેક્ટર’ બન્યા:જયા બચ્ચને સ્પીકરના ‘ટોન’ પર સવાલ ઉઠાવ્યા; ધનખડે કહ્યું, તમે ભલે એક્ટર હોવ, શિષ્ટાચાર તો જાળવવો જ પડશે

રાજ્યસભામાં જયા બચ્ચને સભાપતિને તેમનું નામ બોલવાના અંદાજ પર આપત્તિ વ્યક્ત કરી છે. તેમણે કહ્યું કે તમારો ટોન ખોટો છે. જયા બચ્ચને કહ્યું- હું કલાકાર છું. બોડી લેગ્વજ સમજુ છું. એક્સપ્રેશન સમજુ છું. મને માફ કરશો પણ તમારી બોલવાની રીત એક્સેપ્ટેબલ નથી. સભાપતિ જગદીપ ધનખડે કહ્યું- તમે તમારી સીટ પર બેસી જાવ. તમે ખૂબ જ નામ બનાવ્યું છે. તમે જાણો છો કે એક્ટરને ડાયરેક્ટર કંટ્રોલ કરે છે. તમે એ નથી જોયું જે હું અહીંથી દરરોજ જોવું છું. તમે સેલિબ્રિટી ભલે હોવ, તમારે શિષ્ટાચાર જાળવી રાખવો પડશે. ત્યારબાદ રાજ્યસભામાં હંગામો થયો અને વિપક્ષે વોકઆઉટ કરી દીધું. સાથે જ વિપક્ષી સાંસદોએ દાદાગિરી ચાલશે નહીં એવા નારા લગાવ્યા. સભાપતિ ધનખડે આગળ કહ્યું કે તમે મારા ટોન પર સવાલ ઉઠાવ્યા છે. તેને સહન થશે નહીં. તમે સેલિબ્રિટી છો. સીનિયર મેમ્બરને નીચા દર્શાવી રહ્યા છો. બેંકિંગ સુધારા બિલ લોકસભામાં રજૂ કરવામાં આવ્યું
કેન્દ્રીય નાણા રાજ્ય મંત્રી પંકજ ચૌધરીએ લોકસભામાં બેંકિંગ કાયદા (સુધારા) બિલ, 2024 રજૂ કર્યું. નાણામંત્રીએ 2024-25ના બજેટ ભાષણમાં આ બિલની જાહેરાત કરી હતી. આ સિવાય બેંકિંગ કંપનીઝ (એક્વિઝિશન એન્ડ ટ્રાન્સફર ઓફ અંડરટેકિંગ) એક્ટ 1970 અને બેંકિંગ કંપનીઝ (એક્વિઝિશન એન્ડ ટ્રાન્સફર ઓફ અંડરટેકિંગ) એક્ટ 1980 સંબંધિત સુધારા બિલ પણ ગૃહમાં મૂકવામાં આવશે. આ ફેરફારો બેંકિંગ કાયદા (સુધારા) બિલ 2024 દ્વારા થઈ શકે છે... ST-SC સાંસદોની માગ- ક્રીમી લેયરના નિર્ણયનો અમલ ન થવો જોઈએ
ST, SC સમુદાયના ભાજપના સાંસદોએ સંસદભવનમાં વડાપ્રધાન નરેન્દ્ર મોદી સાથે મુલાકાત કરી હતી. સાંસદોએ ST, SC માટે ક્રીમી લેયર પર સુપ્રીમ કોર્ટની ટિપ્પણી અંગે વડા પ્રધાનને મેમોરેન્ડમ સુપરત કર્યું. તેમજ અમારા સમાજમાં આ નિર્ણયનો અમલ ન થાય તેવી માંગણી કરી હતી. રેલવે એક્ટમાં સુધારો કરવા માટેનું બિલ પણ રજૂ કરવામાં આવ્યું
રેલ્વે મંત્રી અશ્વિની વૈષ્ણવે રેલ્વે એક્ટ 1989માં સુધારો કરવા માટે લોકસભામાં પરવાનગી બિલ રજૂ કર્યું હતું. કેન્દ્રીય મંત્રી સર્બાનંદ સોનોવાલે દરિયાઈ માર્ગે માલસામાનના પરિવહન સંબંધિત બિલ અને લેન્ડિંગ બિલ 2024ને ગૃહમાં રજૂ કર્યું. તે જ સમયે, ભારતીય એરક્રાફ્ટ બિલ 2024 અને ગોવા રાજ્યના વિધાનસભા ક્ષેત્રોમાં અનુસૂચિત જનજાતિના પ્રતિનિધિત્વ પુનર્ગઠન બિલ પર રાજ્યસભામાં ચર્ચા થઈ શકે છે. શિક્ષણ મંત્રી માટે કોંગ્રેસનો વિશેષાધિકાર ભંગ
કોંગ્રેસ સાંસદ જયરામ રમેશે કેન્દ્રીય શિક્ષણ મંત્રી ધર્મેન્દ્ર સામે વિશેષાધિકાર ભંગની નોટિસ રજૂ કરી છે. કોંગ્રેસ સાંસદે પ્રધાન પર NCERT પુસ્તકોમાંથી પ્રસ્તાવના હટાવવાના મુદ્દે રાજ્યસભાને ગેરમાર્ગે દોરવાનો આરોપ લગાવ્યો છે. ગઈકાલે લોકસભામાં વક્ફ સુધારા બિલ રજૂ કરવામાં આવ્યું હતું
ગુરુવારે કેન્દ્રીય લઘુમતી બાબતોના પ્રધાન કિરેન રિજિજુએ લોકસભામાં વકફ કાયદા (સંશોધન) બિલ રજૂ કર્યું હતું, જેને કેન્દ્ર સરકારે સંયુક્ત સંસદીય સમિતિ (JPC)ને મોકલ્યું હતું. વિરોધ પક્ષોએ આ બિલનો વિરોધ કર્યો હતો. કોંગ્રેસ સાંસદ કેસી વેણુગોપાલ રાવે કહ્યું- સરકાર સમુદાયો વચ્ચે વિવાદ ઉભો કરવા માંગે છે. AIMIMના સાંસદ અસદુદ્દીન ઓવૈસીએ કહ્યું- આ બિલ લાવીને તમે (કેન્દ્ર સરકાર) દેશને એક કરવા માટે નહીં પરંતુ તેને વિભાજિત કરવાનું કામ કરી રહ્યા છો. આ બિલ એ વાતનો પુરાવો છે કે તમે મુસ્લિમોના દુશ્મન છો. રિજિજુએ કહ્યું કે ઘણા વિપક્ષી સાંસદો આ બિલના સમર્થનમાં છે. વ્યક્તિઓ આવે છે અને સમર્થન આપે છે, પરંતુ પક્ષના કારણે બોલી શકતા નથી. આના પર અમિત શાહે વચ્ચે પડીને કહ્યું કે તે સાંસદોના નામ ન જણાવો… જેના પર બધા હસી પડ્યા.

આ પ્રકારના તમામ સમાચાર માટેે App ડાઉનલોડ કરો.