રેસલર અંતિમ પંઘાલને પેરિસ છોડવાનો આદેશ:પોતાના કાર્ડ ઉપર બહેનને ઓલિમ્પિક સ્પોર્ટ્સ વિલેજમાં ઘુસાડવા બદલ કાર્યવાહી, પકડાયા બાદ ખુલાસો થયો

હરિયાણાની રેસલર અંતિમ પંઘાલ અને તેની બહેન પેરિસ ઓલિમ્પિકમાં વિવાદોમાં ફસાઈ ગયા છે. બંનેને પોલીસ સ્ટેશન લઈ જવામાં આવી અને અહીં તેમના નિવેદનો નોંધવામાં આવ્યા હતા. આ પછી બંનેને તાત્કાલિક પેરિસ છોડી દેવાનો આદેશ આપવામાં આવ્યો હતો. હકીકતમાં મહિલાઓની 53 કિગ્રા વર્ગની ફાઈનલમાં પોતાની પ્રથમ મેચ હાર્યા બાદ તે પેરિસ ઓલિમ્પિકમાંથી બહાર થઈ ગઈ હતી અને હોટલ ગઈ હતી. જ્યાં તેના કોચ વિકાસ અને ભગત સિંહ પણ રોકાયા હતા. અંતિમે તેનું આઈડી કાર્ડ તેની બહેનને આપ્યું અને તેને સ્પોર્ટ્સ વિલેજમાં જઈને તેનો સામાન લાવવા કહ્યું. તેની બહેન સ્પોર્ટ્સ વિલેજમાં પ્રવેશવામાં સફળ રહી, પરંતુ બહાર નીકળતી વખતે સુરક્ષા કર્મચારીઓએ તેને પકડી લીધી. પોલીસે અંતિમને પણ નિવેદન માટે બોલાવ્યા હતા
તેમનું નિવેદન નોંધવા તેમને સ્થાનિક પોલીસ સ્ટેશન લઈ જવામાં આવ્યા. 19 વર્ષની જુનિયર વર્લ્ડ ચેમ્પિયન અંતિમને પણ પોલીસ દ્વારા તેનું નિવેદન નોંધવા માટે બોલાવવામાં આવી હતી. એટલું જ નહીં, અંતિમના પર્સનલ સ્પોર્ટ સ્ટાફ વિકાસ અને ભગત કથિત રીતે નશાની હાલતમાં કેબમાં મુસાફરી કરી રહ્યા હતા અને ભાડું ચૂકવવાનો ઇનકાર કર્યો હતો. જે બાદ ડ્રાઈવરે પોલીસને બોલાવી હતી. IOA મામલો ઉકેલવામાં વ્યસ્ત
મીડિયા રિપોર્ટ્સ અનુસાર, IOAના એક અધિકારીએ કહ્યું કે, અમે હજુ પણ મામલાને ઉકેલવાનો પ્રયાસ કરી રહ્યા છીએ. અમારી સામે એક ખરાબ સ્થિતિ છે, અમારા સુરક્ષા અધિકારીઓ પરિસ્થિતિનો સામનો કરી રહ્યા છે. તેને દેશનિકાલ કરવામાં આવી શકે છે. જોકે IOAએ શિસ્તભંગ અંગે કંઈ કહ્યું નથી. તૂર્કી રેસલરે અંતિમને હરાવી
બુધવારે અંતિમ પંઘાલ તુર્કીની યેટગિલ ઝેનેપ સામે 10-0થી હાર્યા બાદ પેરિસ ઓલિમ્પિકમાંથી બહાર થઈ ગઈ હતી. ઓલિમ્પિક ડેબ્યુ કરનાર અંતિમની રિપેચેજ દ્વારા બ્રોન્ઝ મેડલની રેસમાં બાકી રહેવાની આશાઓ પર પણ પાણી ફરી વળ્યું છે. ઝેનેપ ક્વાર્ટર ફાઇનલમાં જર્મનીની એનિકા વેન્ડલ સામે હારી જતાં આ આશાઓ સમાપ્ત થઈ ગઈ. પિતાએ કુસ્તી માટે દોઢ એકર જમીન વેચી
અંતિમના પિતા ખેડૂત છે અને માતા ગૃહિણી છે. તેમને 5 ભાઈ-બહેન છે, જેમાંથી 4 બહેનો અને એક ભાઈ છે. અંતિમને રેસલર બનાવવા માટે તેમના પિતાએ દોઢ એકર જમીન વેચી દીધી હતી.

આ પ્રકારના તમામ સમાચાર માટેે App ડાઉનલોડ કરો.