રાજકોટની મેંગો માર્કેટ પાસે ટ્રકે બાઈકને હડફેટે લેતા પતિ-પત્નીના મોત
રાજકોટમાં અમદાવાદ હાઇવે પર મેંગો માર્કેટ પાસે ટ્રકે બાઈકને હડફેટે લેતા પતિ-પત્નીના મોત કમકમાટીભર્યાં મોત નિપજતા ખળભળાટ મચી જવા પામ્યો છે. કુવાડવા રોડ પોલીસ ચોકીની સામે જ બનેલી ઘટના બની હતી. મૃતક લાલજીભાઈ ભગવાનજીભાઈ રૈયાણી અને તેમના પત્ની ભાવનાબેને સ્થળ પર જ દમ તોડ્યો હતો. બનાવના પગલે પોલીસ દોડી ગઈ હતી.
બનાવની વિગત મુજબ આજે સાંજે 4 વાગ્યે શહેરની ગ્રીનલેન્ડ ચોકડીની નજીક અમદાવાદ હાઈવે પર આવેલ મેંગો માર્કેટ સામે પૂર ઝડપે આવતા એક ટ્રક ચાલકે તેમની આગળ જતા બાઇકને ફૂટબોલની જેમ ફંગોળતા બાઈક સવાર લાલજીભાઈ ભગવાનજીભાઈ રૈયાણી અને તેમના પત્ની ભાવનાબેન લાલજીભાઈ રૈયાણી પટકાઈને રોડ ઉપર પડ્યા હતા.
બંનેને ગંભીર ઈજા થતાં તત્કાલ કોઈ જાગૃત નાગરિકે 108 ને જાણ કરતા 108ના ઈએમટી ડોક્ટરે એમ્બ્યુલન્સ સાથે આવી દંપતીને તપાસતા સ્થળ પર જ બંનેને મૃત ઘોષિત કર્યા હતા.
બનાવના પગલે પીસીઆર વાન સાથે કોસ્ટેબલ બ્રિજરાજસિંહ સહિતનો સ્ટાફ દોડી ગયો હતો. આ તરફ કુવાડવા રોડ પોલીસની ટીમ સ્થળ પર જરૂરી કાગળ કાર્યવાહી કરી મૃતદેહોને પીએમ અર્થે સિવિલ હોસ્પિટલે ખસેડવા તજવીજ કરી હતી તેમજ મૃતકોના પરિવારજનોને જાણ કરી હતી. બનાવના પગલે રૈયાણી પરિવારમાં ભારે કલ્પના છવાયો છે.
9879405838
આ પ્રકારના તમામ સમાચાર માટેે
App ડાઉનલોડ કરો.