જસદણ રીબડાના રાજદીપસિંહને ફૂલડે વધાવશે: અધ્યક્ષ તરીકે નિમણુંક થતાં સન્માન યોજાશે

(હુસામુદ્દીન કપાસી દ્વારા જસદણ)
જાણીતા સમાજ સેવક મુળ ગોંડલ તાબેના રીબડાના રાજદીપસિંહ અનિરુદ્ધસિંહ જાડેજાની રાજ્ય લેવલે વરણી કરવામાં આવતાં આગામી પવિત્ર શ્રાવણ માસ દરમિયાન એમનું જસદણની વિવિઘ સંસ્થાઓ સાધુ સંતો દ્વારા ભવ્ય સન્માન કરવામાં આવશે જે અંગે તડામાર તૈયારીઓ ચાલી રહી છે આ અંગે રાષ્ટ્રીય બજરંગદળના રાજકોટ જિલ્લા અધ્યક્ષ દીપકભાઈ વાઘેલાએ જણાવ્યુ હતું કે દેશના અનેક યુવાના આઈકોન અને છેવાડાના લોકોને મદદરૂપ બનનારા રીબડાના રાજદીપસિંહ ભાઈની તાજેતરમાં અખિલ ભારતીય ક્ષત્રિય મહાસભાના ગુજરાત રાજ્ય યુવા અધ્યક્ષ તરીકે નિમણુંક થતાં જેમનું જસદણમાં આગામી દિવસોમાં સન્માન થશે જે અંગે એમની તારીખ મેળવાય રહી છે દીપકભાઈએ વધુમાં જણાવ્યું હતું કે રાજદીપસિંહ જાડેજાએ તેમનાં આર એ આર ફાઉન્ડેશન દ્વારા હજજારો વિદ્યાર્થીઓની મદદ કરી છે આટલું જ નહીં પરંતુ તેમણે જરૂરિયાતમંદોને મદદ કરી જેનાં થકી હજજારો લોકોનાં જીવનમાં અજવાળું પાથરવાનું ભગીરથ કાર્ય કર્યુ છે આ જ કારણોસર આ મહા માનવનું અમો અભૂતપૂર્વ અને ઐતિહાસિક સન્માન જસદણમાં કરીશું અને એમને ફૂલડે વધાવશું.

આ પ્રકારના તમામ સમાચાર માટેે App ડાઉનલોડ કરો.