હળવદ:વાચારી તલાવડી નજીક રહેણાંકમાંથી ૪ કિલોથી વધુ વજનના ગાંજા સાથે એકને દબોચી લેતી એસઓજી પોલીસ

મોરબી એસઓજી પોલીસ ટીમે પૂર્વ બાતમીને આધારે હળવદ મોરબી રોડ ઉપર વાચારી તલાવડી સામે રહેણાંકમાં દરોડો પાડી વનસ્પતિજન્ય માદક પદાર્થ ગાંજાના ૪ કિલો ૪૯૦ ગ્રામના જથ્થા સાથે ૭૦ વર્ષીય વૃદ્ધની અટકાયત કરી તેની વિરુદ્ધ હળવદ પોલીસ મથકમાં એનડીપીએસ એક્ટ હેઠળ ગુનો દાખલ કરાવી કાયદેસરની કાર્યવાહી હાથ ધરવામાં આવી છે.

પ્રાપ્ત માહિતી અનુસાર મોરબી એસઓજી ટીમને બાતમી મળી કે હળવદ મોરબી રોડ ઉપર ધ્રાંગધ્રા કેનાલ વાચારી તલાવડી પાસે રહેતા પ્રદીપભાઈ ઉર્ફે પ્રદ્યુમન ઉર્ફે પદુબાપુ પોતાના રહેણાંકમાં વેચાણ કરવાના ઇરાદે ગાંજાનો જથ્થો રાખ્યો હોવાની ચોક્કસ બાતમીને આધારે મળેલ બાતમીના સ્થળે રેઇડ કરતા એસઓજી પોલીસને ઘરમાંથી વનસ્પતિજન્ય માદક પદાર્થ ગાંજાનો ૪કિલો ૪૯૦ગ્રામનો કુલ જથ્થો મળી આવ્યો હતો. આ સાથે આરોપી પ્રદિપભાઇ ઉર્ફે પ્રધ્યુમન ઉર્ફે પદુબાપુ ઇશ્વરદાસ વૈષ્ણવ ઉવ.૭૦ હાલરહે.હળવદ મોરબી રોડ, ઘ્રાંગધ્રા કેનાલ પાસે વાચારી તલાવડી સામે મૂળરહે.વાણીયાવાડ મેઇન બજાર હળવદવાળાને ઝડપી લઈ આરોપી વિરુદ્ધ હળવદ પોલીસ મથકમાં ગુનો દાખલ કરાવી આગળની તપાસ ચલાવી છે.

રિપોર્ટ રમેશ ઠાકોર હળવદ

આ પ્રકારના તમામ સમાચાર માટેે App ડાઉનલોડ કરો.