સાધના સક્સેના આર્મી મેડિકલ સર્વિસની પ્રથમ મહિલા ડીજી હશે:એર માર્શલના પદ સુધી પહોંચનાર બીજી મહિલા; પતિ પણ રહી ચૂક્યા છે એર માર્શલ

લેફ્ટનન્ટ જનરલ સાધના સક્સેના નાયરને બુધવારે (31 જુલાઈ) આર્મી મેડિકલ સર્વિસના ડાયરેક્ટર જનરલ બનાવવામાં આવ્યા હતા. સાધના 1 ઓગસ્ટથી ચાર્જ સંભાળશે ત્યારે તે આ પદ સંભાળનાર પ્રથમ મહિલા બની જશે. ગયા વર્ષે ઓક્ટોબરમાં વાયુસેનામાં એર માર્શલના પદ પર પ્રમોશન પછી સાધનાને હોસ્પિટલ સર્વિસીસ (આર્મ્ડ ફોર્સીસ)ના ડાયરેક્ટર જનરલ (ડીજી) બનાવવામાં આવ્યા હતા. આ પદ પર નિયુક્ત થનારી તે પ્રથમ મહિલા અધિકારી પણ હતી. સાધના એર માર્શલના રેન્ક સુધી પહોંચનારી એરફોર્સની બીજી મહિલા મેડિકલ ઓફિસર છે. અગાઉ સાધનાને એરફોર્સ ટ્રેનિંગ કમાન્ડ બેંગ્લોર હેડ ક્વાર્ટરથી દિલ્હીમાં પ્રમોશનલ ટ્રાન્સફર આપવામાં આવી હતી. તેમના પતિ કેપી નાયર 2015માં ડીજી ઓફ ઈન્સ્પેક્શન એન્ડ ફ્લાઈટ સેફ્ટીના પદ પરથી નિવૃત્ત થયા હતા. આ રીતે, સાધના અને કેપી નાયર એર માર્શલના પદ પર પહોંચનાર દેશના પ્રથમ દંપતી છે. એર માર્શલ રેન્કની બીજી મહિલા અધિકારી
સાધના સક્સેના નાયરની પ્રમોશનલ ટ્રાન્સફર બાદ તે બીજી મહિલા અધિકારી બની છે. જેમણે એર માર્શલ રેન્ક હાંસલ કર્યો છે. તેમના પહેલા એર માર્શલ પદ્મ બંદોપાધ્યાયે આ સિદ્ધિ મેળવી હતી. પદ્મને 2002માં એર માર્શલના પદ પર પોસ્ટ કરવામાં આવ્યા હતા. આ સિવાય થ્રી સ્ટાર રેન્ક પર પહોંચેલા નેવી સર્જન વાઈસ એડમિરલ પુનિતા અરોરા હતા, જેઓ નિવૃત્ત થઈ ગયા છે. એરફોર્સ સાથે ત્રણ પેઢીનું જોડાણ
એર માર્શલ સાધના સક્સેના નાયરનો પરિવાર એરફોર્સ સાથે 3 પેઢીઓથી જોડાયેલો છે. સાધનાના પિતા અને ભાઈ પણ ભારતીય વાયુસેનામાં ડોક્ટર હતા. તેમનો પુત્ર એરફોર્સમાં ફાઇટર પાઇલટ (ફ્લાઇટ લેફ્ટનન્ટ) તરીકે પોસ્ટેડ છે.

આ પ્રકારના તમામ સમાચાર માટેે App ડાઉનલોડ કરો.