ટ્રમ્પ હવે ફેસબુક-ઈન્સ્ટાગ્રામ પર પોસ્ટ કરી શકશે:અમેરિકાની ચૂંટણીઓ વચ્ચે પ્રતિબંધ હટાવ્યો, મેટાએ કહ્યું- દરેકને પ્રચાર કરવાની તક મળવી જોઈએ

ફેસબુકની પેરન્ટ કંપની મેટાએ અમેરિકાના પૂર્વ રાષ્ટ્રપતિ ડોનાલ્ડ ટ્રમ્પ પરનો પ્રતિબંધ હટાવી લીધો છે. મેટાએ કહ્યું કે, ટ્રમ્પ રાષ્ટ્રપતિ પદના ઉમેદવાર છે. આવી સ્થિતિમાં તેમને પણ દરેકની જેમ પ્રચાર કરવાની સમાન તક મળવી જોઈએ. અન્ય ઉમેદવારો પણ ચૂંટણી માટે મેટાના પ્લેટફોર્મ- ફેસબુક, ઇન્સ્ટાગ્રામનો ઉપયોગ કરી રહ્યા છે. તેવી જ રીતે ટ્રમ્પને પણ આ પ્લેટફોર્મનો ઉપયોગ કરવાનો અધિકાર છે. હકીકતમાં, 2021 માં અમેરિકામાં હિંસા થઈ હતી અને તે પછી મેટાએ ટ્રમ્પના સોશિયલ મીડિયા એકાઉન્ટ્સ પર પ્રતિબંધ મૂક્યો હતો. કેપિટોલ હિંસામાં 5 લોકોના મોત થયા
6 જાન્યુઆરી, 2021 ના ​​રોજ જ્યારે યુએસ સંસદમાં રાષ્ટ્રપતિની ચૂંટણીના પરિણામોને, કેપિટોલ હિલમાં હિંસા બાદ ટ્રમ્પે સોશિયલ મીડિયા પર 1 મિનિટનો વીડિયો પોસ્ટ કર્યો હતો. ફેસબુક અને યુટ્યુબે ટ્રમ્પનો વીડિયો હટાવી દીધો હતો. ફેસબુકના વાઈસ પ્રેસિડેન્ટ (ઈટિગ્રિટી) ગાય રોસેને કહ્યું હતું કે, આ ઈમરજન્સી છે, ટ્રમ્પનો વીડિયો હિંસા ભડકાવી શકે છે. ટ્રમ્પે ફેસબુકના આ પગલાને મતદારોનું અપમાન ગણાવ્યું હતું
ટ્રમ્પે ફેસબુકની કાર્યવાહીને 2020ની ચૂંટણીમાં ટ્રમ્પને વોટ આપનારા 75 મિલિયન લોકોનું અપમાન ગણાવ્યું હતું. ટ્રમ્પે કહ્યું હતું કે- તે લોકોને સેન્સર અને ચૂપ કરીને બહાર ન કરી શકાય. અમે ફરીથી જીતીશું. આપણો દેશ હવે આ અપમાન સહન કરી શકશે નહીં.

આ પ્રકારના તમામ સમાચાર માટેે App ડાઉનલોડ કરો.